YUDAS 1:16 - Bahasa Manggarai New Testament

¹⁶ Ata situ ngga’ut mtaung agu maja ata. Mosé disé lut kaut belek da’atd. Tombo disé joak latangt weki rud agu adong ata te tiba delek.

YUDAS 1:16 Referans Kwoze

2 PÉTRUS 2:18

Bo kéta lomés ba wekid, kalim po keréba disé penong joak toé manga icin. Keréba disé penong le wajak da’at kudut emi nai data siot hitu koés di teser oné-mai wéléngd.

2 PÉTRUS 2:10

Céwén kéta isé siot lorong belek da’at situt pandé rinék wekid agu lengga adak de Mori Keraéng. Guru tangké situ mésé kéta naid agu toé rantang te pandé da’at, wiga toé kéta ngangit te loér sanggéd cao-ca situt mengit.

PILIPI 2:14

Pandé ga sanggéd cao-ca néka ali ndu’us agu léwang tau.

1 PETRUS 4:2

Landing hitu, mosé de méu nggere-olon oné lino ho’o paka lorong ngoéng de Mori Keraéng.

2 TIMOTÉUS 6:5

Og dé mangan pulang tau oné asé-ka’é situt toé nggepuk nukd agu toé ita molor, ai le bet disé manga ontongn oné-mai ngaji hitu.

1 KORINTUS 10:10

Agu néka kolé jugut ného pandé de pisa taus oné-mai isé danong, wiga isé pandé ampus taung le malékat.

YUDAS 1:18

Polig tombon lisé oné méu, “Turung cemoln lino tuad ata loér méu, ngong ata siot mosé lorong belek da’atd.”

2 PÉTRUS 3:3

Ata mésén paka pecing le méu, du leso cemol, tuas ata situt mosé lorong belek da’atd. Isé situ te loér méus.

1 PETRUS 2:11

Asé-ka’é ata momang laku! Aku toing méu, ai méu ata long agu ata mbéot oné lino ho’o. Tadang koém oné-mai belek da’at hitut toé ké’ét dungkang wakar.

YUDAS 1:15

Mai disé kudut bicar sanggén ata agu Mori Keraéng téing wahéng oné sanggéd ata pandé da’at. Morin kolé te wahéngs sanggéd ata ndékok agu ata itang landing le curup loér.”

1 PETRUS 1:14

Mosé koém ného anak ata sundur agu néka lut belek da’at hitut kuasa weki de méu du toé di tiba Keréba Di’a.

GALATIA 5:16

Betuan daku nggo’oy, Mosé koém lorong ngoéng de Nai Nggeluk, wiga méu toé lorong belek de wekis.

YOHANÉS 6:61

Pecing le Mori Yésus, ngga’uts ata nungku’N landing tombo Diha situ. Mai taéN ngong isé: “Co’o tombo hitu, pandé gégo imbi de méu ko?

2 TIMOTIUS 4:3

Ai te cai leson, ata toé ngancéng tiba toing di’a, maik isé te impung taungs sanggéd guru lorong ngoéngd latang te pandé nisang dengé de tilud.

TÉSALONIKA 4:5

Néka mosé lorong ngoéng de belek da’at, ného pandé de sanggéd wa’u situt toé pecing Mori Keraéngs.

GALATIA 5:24

Céing kaut ata ciri paéng di Kristus Yésus, hia poli panggol wekin agu sanggéd belek da’atn agu ngoéng don.

YOHANÉS 6:41

Itug kali ndu’usd ata Yahudi landing Hia, ai poli taé Diha: “Akuy roti hitut wa’u éta mai Surga.”

LUKAS 19:7

Maik sanggéd ata situt itan apa hitu nggeré-ngga’uts, mai taéd: “Hia ka’éng oné mbaru data ndékoky.”

LUKAS 15:2

Itug kali nggerengga’utd ata Parisi agu ata pecing Taurat, mai taéd: “Hia tiba ata ndékoky, agu hang cama agu iséy.”

LUKAS 5:30

Sanggéd taung ata Parisi agu ata pecing Taurat nggere-nggauts agu ata nungku de Mori Yésus, mai taéd: “Co’o méu tara hang agu inung cama agu isét tegi béa agu ata ndékoks?”