YUDAS 1:1 - Bahasa Manggarai New Testament

¹ Oné-mai hi Yudas, mendi de Mori Yésus Kristus agu asé-ka’é di Yakobus. Latang te isét poli piléd, ata momang le Mori Keraéng Ema agu sémbéng le Mori Yésus Kristus.

YUDAS 1:1 Referans Kwoze

1 PETRUS 1:5

Ai méu imbi oné Mori Keraéng, itu tara tinus méu Liha le mberes kuasaN dengkir agu si’angn selamak hitu du leso cemol tai.

TÉSALONIKA 5:23

Nahé Mori Keraéng, widang hambor-libur, pandé nggeluk sanggés taung méu agu nahé lami di’a-di’a weki agu wakars, wiga toé manga celas du leso mai di Yésus Kristus, Mori dité.

2 TIMOTIUS 1:9

Mori Keraéng ata pandé selamak ité, agu bénta ité te ciri ro’éng de Run. Pandé hitu Diha toé landing le apa ata poli pandé dité, maik landing le nanéng agu nabit de Run Hia. Tabing hitu widang Liha oné ité, loréng hi Kristus Yésus du toé di dédékn lino ho’o.

YOHANÉS 14:22

Hi Yudas hiat toé hi Iskariot taé agu Hia: “Mori, co’ot Ité tara toto wekid agu ami agu toé latang te lino?”

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.

ROMA 1:1

Oné mai hi Paulus mendi di Kristus Yésus, ata bénta ciri rasul agu hanang latang te ba Keréba Di’a de Mori Keraéng.

YOHANÉS 17:15

Toé tegi Laku, kudut Ité toé emi isé oné mai linod, maik kudut Ité képé isé oné mai situt da’atd.

2 PÉTRUS 1:1

Oné-mai hi Simon Pétrus, mendi agu rasul di Yésus Kristus; latang te méu ata cama-cama agu ami tiba imbi landing agil de Mori Keraéng agu hi Yésus Kristus, Ata Sambé dité.

1 PETRUS 5:10

Mori Keraéng pu’ud sanggéd widang poli pilé méu oné hi Kristus te dadé méu nggere-oné mengit Diha hitut tédéng lén. Du méu poli ta’ong cekoén susa, Hia kolé te pandé jepek, ndeng, mberes agu pandé metek méu.

IBRANI 3:1

Landing hitu asé-ka’én, ata poli pilé le Mori Keraéng, delem koé nuks latang te Mori Yésus. Hia wuat le Mori Keraéng te ciri Rasul agu Imam Mésé hitut imbi dité.

ROMA 8:30

Isét poli petok Liha du wangkan isé situ kolé ata bénta Diha. Isét bénta Diha, isé situ kolé ata tibad Liha. Isét tibad Liha, isé situ kolé ata pandé mengits Liha.

ROMA 6:22

Maik te ho’on du poli célas méu oné mai ndékok, agu du méu poli ciri mendi de Mori Keraéng, méu tiba wua ata dadé méu nggere-oné mosé nggeluk. Cemold taung situ méu tiba mosé tédéng lén.

1 PETRUS 1:2

Méu poli pilé lorong nanéng de Mori Keraéng Ema dité agu poli pandé nggeluks le Nai Nggeluk, kudut junggu oné hi Yésus Kristus agu poli pandé nggélok le dara Diha. Nahé tabing agu hambor libur penong kéta latang te méu.

JAMES 1:1

Tabé oné-mai hi Yakobus, mendi de Mori Keraéng agu Mori Yésus Kristus, latang te campulusua panga oné tana long.

2 TIMOTIUS 4:18

Morin te lego aku oné-mai sanggéd pandé da’at. Hia te pandé selamak aku, wiga aku ngo oné Adak Diha éta Surga. Latang te Hia mengit tédéng lén! Amén.

TÉSALONIKA 2:12

Tegi tu’ung lami, kudut mosé de méu lorong ngoéng de Mori Keraéng ata bénta méu nggere-oné osangN agu mengit Diha.

ÉFÉSUS 5:26

Gori hitu di Kristus, kudut pandé nggélok weki serani le waé cebong serani agu le toingN, poli hitu podos Liha weki serani situ oné Mori Keraéng.

1 KORINTUS 6:11

Pisa taus oné-mai méu bo tu’ung pandé nenggitus olo. Maik méu poli téi wekis kudut pandé nggélok, méu poli nggeluks, méu poli pandé molors oné ngasang de Mori Yésus Kristus agu oné Nai Nggeluk.

1 KORINTUS 1:2

latang te weki serani de Mori Keraéng oné Korintus. Weki serani situ poli pandé nggelukd agu poli béntad te ciri ata nggeluks landing hi Kristus Yésus. Agu sanggén ata néténg osang, ata ngaji le ngasang de Mori Keraéng dité hi Yésus Kristus, Mori disé agu Mori dité.

ROMA 16:18

Ai sanggéd ata nenggitu toé keturu latang te hi Kristus, Mori dité, maik keturu kaut tuka rud. Ali curup ata di’an agu ali curup ata mecikn isé nggopét atas siot lulus naid.

ROMA 9:24

ngong ité ata poli bénta Liha toé hanang oné mai ata Yahudi, maik oné mai wa’u bana kolé.

TOMBO PÉTÉ GORI DE RASUL-RASUL 27:23

Ai oné wié cengata malékat de Mori Keraéng ata io daku, paéng de Run, hesé oné racap daku,

LUKAS 6:16

hi Yudas anak di Yakobus agu hi Yudas Iskariot hitut pika Hiay cepisa.

TOMBO PÉTÉ GORI DE RASUL-RASUL 20:32

Te ho’on aku téi méu oné Mori Keraéng agu oné reweng widang Diha ata manga kuasan latang te pandé metek méu, agu widang oné méu mbaté ata poli letin latang te sanggén ata poli pandé nggelukd Liha.

TOMBO PÉTÉ GORI DE RASUL-RASUL 1:13

Du caid isé oné béndar, itu kali tuké nggere-éta lo’ang taki étan mbaru hitu osang baté ka’éng disé. Ho’os isé situ, hi Pétrus agu hi Yohanés, Yakobus agu hi Andréas, hi Pelipus agu hi Tomas, hi Bartoloméus agu hi Matéus, hi Yakobus anak di Alféus agu hi Simon ata Zélot agu hi Yudas anak di Yakob.

YOHANÉS 17:19

agu Aku pandé nggeluk weki Rug latang te isé, kudut isé ciri nggeluks oné molor.

YOHANÉS 17:17

Nggeluk koé isé oné molor; reweng Dité hitu dé kolé molorn.

YOHANÉS 15:16

Toé méu ata lir Aku, maik Aku ata lir méu. Aku poli wérét méu kudut méu ngo agu cir wua, agu wuas hitut temer kin, kudut apa situt tegi le méu oné Ema Daku le ngasang Daku, téings Liha oné méu.

YOHANÉS 12:26

Céing ata tiba Akuy, hia paka lut Akuy, agu nia Aku mangag nitu kolé sekontu Daku mangan. Céing ata tiba Aku, hia te hiang le Emag.

YOHANÉS 6:39

Agu ho’o kétay ngoéng Dihat wuat Aku, poro sanggéd taung ata poli téingd Liha latang te Aku, néka manga ata morad, maik pandé to’os Laku du cemol lino.

MARKUS 3:18

poli hitu hi Andréas, Pelipus, Bartoloméus, Matéus, Tomas, Yakobus anak di Alféus, Tadéus, hi Simon ata Zélot,

MATÉUS 10:3

hi Pelipus agu Bartoloméus, hi Tomas agu hi Matius ata tegi béa, hi Yakobus anak di Alféus, agu hi Tadéus,

MATÉUS 13:55

Cala anak de tukang hajup Hia ta? Cala hi Mariap endén agu asé-ka’én: hi Yakobus, hi Yosép hi Simon agu hi Yudas?

MARKUS 6:3

Toé weli Hia ata tukang hajuy, anak di Maria, asé-ka’én hi Yakobus, hi Yosés, hi Yudas agu hi Simon? Agu toé weli weta Diha manga cama-cama agu ites?” Itug kali majan lisé agu doét Hias.

ROMA 1:6

Méu kolé cama ného isé situm, méut poli bénta te ciri paéng di Yésus Kristus.

YUDAS 1:3

Asé-ka’én ata momang kéta laku! Rémé koé mping’g aku tulis latangt méu, kudut te selamak cama dité. Tulis ho’o daku latangt méu ali hus naig te toing méu, kudut mping koé kis cau imbi hitut poli tiba le sanggéd weki serani.

YUDAS 1:21

Mosé koém oné mbau momang de Mori Keraéng, cang agu géréng nabit de Mori dité Yésus Kristus latang te mosé tédéng lén.