YOHANÉS 9:16 - Bahasa Manggarai New Testament

¹⁶ Mai kolé taéd ata iwod ata Parisi situ: “Ata ho’o toé mai oné mai Mori Keraéngn, ai Hia toé hiang leso Sabaty.” Tungku kolé lata iwod: “Ba’ang kétag néng ga ca ata ndékok ngancéng pandé tanda lenget nenggitu?” Wiga mangag léwang taud cama isén.

YOHANÉS 9:16 Referans Kwoze

YOHANÉS 10:19

Wiga teka kolé léwang taud ata Yahudi landing curup hitu. Do oné mai isé, taéd:

YOHANÉS 7:43

Wiga mangan ndu-ndél taud ata do situ landing Hias.

YOHANÉS 7:12

Agu do kéta dengé siwi-sok oné lawa do situ latang te Hia. Manga ata taé nenggo’o: “Hia ata di’ay.” Mai tungku data iwod: “Toé yé, Hia pandé wéléng ro’éngy.”

YOHANÉS 3:2

Hia mai le wiéy oné Mori Yésus, agu mai taén: “Rabi, baé lami, te Ité mai ného Guru ata wuat le Mori Keraéngt; ai toé kéta manga cengatan ata ngancéng pandé tanda lengét ného pandé Dité hitu, émé toé kempéng le Mori Keraéng.”

MATÉUS 12:2

Ita hitus, mai taé data Parisi ngong Hia: “Lélo ga, ata nungku Dité pandé ata ireng laingn du leso Sabat.”

YOHANÉS 15:24

Émé rapangn Aku toé pandés oné beréha isé sanggéd gori ata toé dé’it pandés lata bana, tandan isé toé manga ndékokd. Maik ho’o ga koném po poli itad taung sanggéd situ lisé, isé kodo Akus agu hi Emag.

YOHANÉS 14:11

Imbi koé Akum, te Aku boné hi Emak agu hi Ema bonén Akuy, ko mbasit co’on imbi koé landing sanggéd gori situ.

YOHANÉS 9:24

Itu kali bénta kolé te suangkalin ata hitut baon butay, mai taéd ngong hia: “Curup kéta ata tu’ungn oné ranga de Mori Keraéng; Pecing lami hia hitu ata ndékoky.”

YOHANÉS 6:52

Sanggéd ata Yahudi léwang cama taud, agu mai taéd: “Co’oy Hia ho’o ngancéng téing weki'N te hang dité?”

YOHANÉS 5:36

Maik manga ca kétay sakasi Daku ata céwé mésén oné mai sakasi di Yohanés, ngong sanggéd taung gori ata poli téing li Ema kamping Aku, kudut pandés Laku. Gori situ kolé ata pandé Daku te ho’on, agu sanggéd pandé Daku situ te téing sakasi latang te Aku, te Aku ho’o wuat le Ema'G.

TOMBO PÉTÉ GORI DE RASUL-RASUL 14:4

Maik ata do oné béndar hitu biké pati laing suas, manga ata cecupumai ata Yahudis, manga kolé ata cecupumai rasul-rasul situ.

MATÉUS 12:10

Nitu manga cengata ata mata limé cecupun. Mai réi disé ngong Hia: “Ngancéng ko toé pandé ina ata du leso Sabat?” Nuk disé kudut ngancéng hena le salan Hia.

LUKAS 13:14

Maik hiat tu’a laingn mbaru ngaji, rabo da’aty, méséng Mori Yésus pandé ina ata du leso sabat. Maig taén ngong ata do: “Manga enem leso te gori, landing hitu, mai kaut ca leson te pandé di’a, néka du leso Sabat.”

YOHANÉS 2:11

Tanda lenget hitut pandé le Mori Yésus oné Kana, tana Galiléa, ata te laring cain oné mai sanggéd tanda lenget Diha. Agu le hitu Hia pandé bong ngasang’N agu sanggéd ata nungku’N imbi Hias.

YOHANÉS 5:10

Ali hitu, mai curup data tu’a disét Yahudi agu ata hitut poli inan: “Leso ho’o leso Sabat. Hau néka cu’ung locém.”

YOHANÉS 7:23

Émé ca ata, sunat oné leso Sabaty, boto lagé adak di Musa, co’o weli méu tara rabo Akus, méséng Aku pandé ina labok taung wekin cengata manusia du leso Sabat?