YOHANÉS 7:41 - Bahasa Manggarai New Testament

⁴¹ Mai taé data iwod: “Hia ho’o hi Mésias.” Maik manga kolé wantil data iwon: “Toé ta, hi Mésias toé mai oné mai Galiléan.

YOHANÉS 7:41 Referans Kwoze

YOHANÉS 7:52

Mai walé disé: “Asa ata Galiléa kolé hau ta? Damang céca di’a oné Surak Nggeluk, kudut pecing le hau toé manga nabi ata mai oné mai Galiléa.”

YOHANÉS 1:46

Mai taé di Natanaél agu hia: “Ba’ang kéta néng, manga ata di’an oné mai Nazarét ko?”

YOHANÉS 7:31

Maik oné mai isét do situ, manga dod ata imbi Hia, agu mai taéd: “Émé cai hi Kristus, ngancéng kéta Hia pandé tanda lenget ata céwé do oné mai Hia ho’o?”

YOHANÉS 6:69

agu poli imbid lami agu pecing te Ité ata nggeluk oné mai Mori Keraéng.”

YOHANÉS 4:42

mai taéd ngong inéwai hitu: “Imbig lami, maik toé landing taé de hau, ai poli dengé le rug ami Hia, agu pecing lami té Hia tu’ung Ata Selamak de lino.”

YOHANÉS 4:29

“Oé, mai é, lélo damang dé! Manga cengata ata ngancéng tombo taung agu aku, sanggéd cao-ca ata poli pandé daku. Cala hitup hi Kristus?”

YOHANÉS 4:25

Mai walé de inéwai hitu kamping hia: “Pecing laku, hi Mésias kudut maiy, ngong hi Kristus; émé cai Hia, kudut Hia dé ba keréba sanggéd cao-ca oné ami.”

YOHANÉS 1:49

Mai taé di Natanaél kamping Hia: “Rabi, Ité Anak de Mori Keraéng, Ité Raja data Israél!”

YOHANÉS 1:41

Hi Andréas laring cain ngo cumang ka’én hi Simon, agu mai taén: “Ami poli cumang agu hi Mésias (ngong hi Kristus)”

YOHANÉS 7:27

Maik latang te ata ho’o, pecing lité, nia main baté ka’éngn, maik du nia cain hi Kristus, toé manga cengatan ata pecing nia main baté pu’ungn.