YOHANÉS 3:5 - Bahasa Manggarai New Testament

⁵ Mai walé de Mori Yésus: “Aku curup agu hau, ata te tu’ungn émé ca ata toé loas oné mai waé agu Nai Nggeluk, hia toé ngancéng ngo oné Adak de Mori Keraéngn.

YOHANÉS 3:5 Referans Kwoze

TOMBO PÉTÉ GORI DE RASUL-RASUL 2:38

Walé li Pétrus agu isé: “Teserm ga, agu condo wekis te cebong oné ngasang de Mori Yésus Kristus kudut ampong ndékoks, ali hitu méu tiba nabit'N ngong Nai Nggeluk.

ÉFÉSUS 5:26

Gori hitu di Kristus, kudut pandé nggélok weki serani le waé cebong serani agu le toingN, poli hitu podos Liha weki serani situ oné Mori Keraéng.

1 PETRUS 3:21

Nenggitu kolé rapangn méu te ho’on, tiba selamakm ali cebong le waé serani. Waé serani hitu, toé kudut pandé nggélok saki de weki, maik kudut tegi nai bakok oné-mai Mori Keraéng, ai Mori Yésus Kristus poli mosé koléN oné-mai mata.

1 KORINTUS 6:11

Pisa taus oné-mai méu bo tu’ung pandé nenggitus olo. Maik méu poli téi wekis kudut pandé nggélok, méu poli nggeluks, méu poli pandé molors oné ngasang de Mori Yésus Kristus agu oné Nai Nggeluk.

MATÉUS 3:11

Aku cebong méu le waé te tanda tesér, maik Hia ata mai bemusi mai aku, ata céwé mésé kuasan oné mai aku, agu toé remog aku te tiwit sepatun. Hia kudut te cebong méu le Nai Nggeluk agu le api.

YOHANÉS 3:3

Mai walé de Mori Yésus, taén: “Aku curup agu hau, moro matan, émé cengatan ata toé loas koléy, hia toé ngancéng itan Adak de Mori Keraéng.”

MARKUS 16:16

Céing kaut ata imbi agu cebongs, kudut tiba selamaks, maik céing ata toé imbi, kudut tiba wahéngs.”

1 KORINTUS 2:12

Ité toé tiba nai de lino, maik nai de Mori Keraéng, kudut pecing lité apa ata widang Diha latang te ité.

YOHANÉS 1:13

ata situt dading toé oné mai dara ko oné mai humer de nai, toé kolé landing le ngoéng de cengata ata rona, maik oné mai Mori Keraéngn.

1 YOHANÉS 5:1

Céing kaut ata imbi te Mori Yésus hitu hi Kristus, ata hitu loas oné-mai Mori Keraéngn. Céing ata momang Mori Keraéng, hia kolé momang isét loas oné-mai Mori Keraéngd.

1 YOHANÉS 2:29

Émé pecing le méu te hi Kristus hitu ciri Anak le pandé molor, méu paka pecing kolé, te sanggéd ata situt pandé molor loas oné-mai Mori Keraéngd.

GALATIA 6:15

Ai sunat ko toé sunat, toé manga betuan, maik ciri manusia weru, hitu kali ata manga betuan.

ROMA 14:17

Ai adak de Mori Keraéng toé tombo hang agu inung, maik lorong ngoéng de Mori Keraéng, hambor-meler agu cembes oné Nai Nggeluk.

MATÉUS 28:19

Landing hitu ngom ga, pandé koé ciri ata nungku Dakus sanggéd ata agu cebong koé isé le méu, le ngasang de Ema, agu de Anak, agu de Nai Nggeluk,

MATÉUS 18:3

agu mai taén: “Aku taé agu méu, moron, émé méu toé teserm agu toé ciri ného anak koé ho’om, méu toé ngancéng ngo oné Adak Surgas.

1 PETRUS 1:2

Méu poli pilé lorong nanéng de Mori Keraéng Ema dité agu poli pandé nggeluks le Nai Nggeluk, kudut junggu oné hi Yésus Kristus agu poli pandé nggélok le dara Diha. Nahé tabing agu hambor libur penong kéta latang te méu.

TOMBO PÉTÉ GORI DE RASUL-RASUL 3:19

Landing hitu, doing koé agu teser ga kudut ampong ndékoks,

LUKAS 13:3

Toé yé! Taé daku ngong méu. Maik émé méu toé teserm, sanggés méu te calang ného nggitu kolém.

MATÉUS 5:20

Itup taé Daku agu méu: émé toé pandés le méu apa ata ngoéng de Morin céwé oné mai isét pecing Taurat agu sanggéd ata Parisi, moron tu’ung, méu toé ngancéng ocok nggeroné Surga.

ROMA 8:2

Ai wintuk de Nai Nggeluk hitut téi mosé, poli ledo hau lut hi Kristus Yésus oné mai wintuk hitut ba ndékok agu mata.

LUKAS 13:24

Mai walé de Mori Yésus ngong taung ata nitu: “Wuli-mpoat koém te ngo oné, lut para kéot hitu! Ai Aku taé agu méu: Dod ata te wuli wekid te ngo boné, maik toé kéta ngancéngs.

LUKAS 13:5

Toé! Taé Daku agu méu. Maik émé méu toé teserm, sanggés méu te calang ného nggitum.”

MATÉUS 19:24

Te cengkalin kolé Aku taé agu méu, céwé émong can kaba ngo nggeroné lewo jarum itu po can ata bora ngo oné osang Surga.”

MATÉUS 21:31

Céing weli oné mai isét sua situ ata pandé lorong wintuk de emad?” Mai walé disé: “Hiat laring cain.” Mai taé de Mori Yésus ngong isé: “Aku taé agu méu, moro matan, ata tegi béa agu inéwai mbérong bolo mai méu ngo oné Mbaru de Mori Keraéng.

MARKUS 9:47

Agu émé matam pandé ndékok hauy, nggé’iy, ai céwé di’am hau ngo nggere-oné Adak de Mori Keraéng déméng mata cam, po déméng mata suam maik oké nggere-wa neraka,

MARKUS 10:14

Du ita hitu le Mori Yésus, rabo kolé Hia agu mai taén agu isé: “Ondangs anak koé situ mai cé’é Akud, néka cakas isé, ai ata cama ného anak koé so’o kali paéngn Adak de Mori Keraéng.

YOHANÉS 3:4

Mai taé di Nikodémus ngong Hia: “Co’o ngancéng ata te loas koléy émé hia tu’a gi? Ngancéng weli hia ngo kolé oné tuka de endén kudut loas koléy?”

1 KORINTUS 15:50

Asé-ka’én, ho’o ata kudut taé laku agu méu, te weki agu dara dité hitut ampus, toé tiba mbaté oné Adak de Mori Keraéng, agu toé ngancéng haéng mosé tédéng lén.