YOHANÉS 3:15 - Bahasa Manggarai New Testament

¹⁵ kudut sanggéd ata situt imbi Hia, haéng mosé tédéng lén.

YOHANÉS 3:15 Referans Kwoze

YOHANÉS 3:16

Ai nenggitu mésén momang de Mori Keraéng latangt lino ho’o, wiga Hia téing Anak'N ata léca kudut sanggéd ata imbi Hia toé matas, maik haéng mosé tédéng lén.

YOHANÉS 6:40

Ai ho’oy ngoéng de Ema Daku; kudut sanggéd taung ata siot poli ita Anak agu imbi Hias, ita mosé tédéng lén agu porong Aku pandé to’o isé du cemol lino.”

YOHANÉS 3:36

Céing kaut ata imbi Anak, hia haéng mosé tédéng lén, maik céing kaut ata toé lorong Anak, hia toé manga ita mosén, maik ruak de Mori Keraéng téjé kin lobo hia.”

YOHANÉS 20:31

maik sanggéd so’ot mangad poli tulisd kudut imbi le méu te Mori Yésus hitu hi Mesias, Anak de Mori Keraéng, agu landing imbis hitu, méu manga mosés oné ngasang Diha.

1 YOHANÉS 5:1

Céing kaut ata imbi te Mori Yésus hitu hi Kristus, ata hitu loas oné-mai Mori Keraéngn. Céing ata momang Mori Keraéng, hia kolé momang isét loas oné-mai Mori Keraéngd.

IBRANI 7:25

Landing hitu, Hia ngancéng pandé selamak ali besik kéta sanggén ata situt létang laing Hia ngo oné Mori Keraéng. Ai Hia mosé mtaung kudut ciri Létang témba disé.

1 YOHANÉS 5:20

Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.

YOHANÉS 6:47

Aku taé agu méu: Ata tu’ungn kéta, céing ata imbi Aku, hia te haéng mosé tédéng lén.

YOHANÉS 1:12

Maik sanggéd ata te tiba di’a Hia, téing Liha kuasa te ciri anak de Mori Keraéngs, isét ata imbi oné ngasang Diha;

YOHANÉS 5:24

Aku taé agu méu: ata tu’ungn kéta, céing ata séngét tombo Daku, agu imbi Hia hitut wuat Aku, hia haéng mosé tédéng lén, agu toé manga kolé wahéng tédéng lén, ai hia poli hésing oné mai matan nggere-oné mosé.

LUKAS 19:10

Ai main Anak Manusia te kawé agu te selamak ata situt moras.”

GALATIA 2:16

Koném po nenggitu, pecing lami te toé manga cengatan koé ata patun le Mori Keraéng ali pandés wintuk Taurat, maik hanang ali imbi oné hi Kristus Yésus. Landing hitu ami kolé poli imbi oné hi Kristus Yésus, kudut ami patun le Mori Keraéng le imbi oné hi Kristus, toé ali pandé wintuk Taurat. Ai, “Toé manga cengatan koé ata patun oné Mori Keraéng,” le pandé wintuk Taurat.

1 YOHANÉS 2:25

Ho’oy dé reké di Yésus Kristus hitu: ité te tiba mosé tédéng lén.

IBRANI 10:39

Ité ho’o toé ata hedong kolé ko ata wéléng, maik ata imbi agu tiba mosé.

TOMBO PÉTÉ GORI DE RASUL-RASUL 8:36

Isé lako rudas, dengkir cai oné ca osang ata manga waén. Mai taé de pegawé de raja hitu: “Lélo, nitu manga waé; manga kin do’ong latang te aku kudut cebong le waé serani?” [

MARKUS 16:16

Céing kaut ata imbi agu cebongs, kudut tiba selamaks, maik céing ata toé imbi, kudut tiba wahéngs.”

GALATIA 2:20

maik aku mosék, landing toé kolé weki rug aku ata mosé, maik hi Kristus hitut mosé oné akuy. Mosé ho’ot mangan daku, ngong mosé landing imbi oné Anak de Mori Keraéng ata poli momang akuy agu condo mosén latang te aku.

2 KORINTUS 4:3

Émé Keréba Di’a hitut keréba dami toé di idep lata, ngasang Keréba Di’a hitu toé di idep latang te isé situt kudut ampus.

1 KORINTUS 1:18

Ai keréba latang te panggol hitu te pandé bapa laing latang te isé situt kudut ampus, maik latang te itét kudut selamak, keréba hitu te toto mberes de Mori Keraéng.

ROMA 5:21

Cama ného ndékok manga kuasan oné pété mata, nenggitu kolé tabing te manga kuasan lut pandé molor li Yésus Kristus Mori dité, latang te mosé tédéng lén.

TOMBO PÉTÉ GORI DE RASUL-RASUL 13:41

“Lélo di’a-di’a, oé méut bocik, méu te lenget agu poli hitu matam, ai Aku pandé ca gori oné uwa de méu, ca gori ata toé kong imbin le méu, émé tombo kolé oné méuy.”

MATÉUS 18:10

Nuk di’a-di’a néka hang le hep cengatan oné mai anak koé so’o. Ai Aku taé agu méu: Manga dé malékatd isé éta Surga, ata lélo mtaung ranga de Ema Dakus éta Surga. [

YOHANÉS 16:33

Sanggéd situ taé Laku agu méu, kudut méu delék hambor agu meler oné Aku. Oné lino ho’o méu cukung kélo-balém, maik mberes koé nais, Aku poli pandé kodan lino ho’o.”

MATÉUS 25:46

Agu isé so’o te ngo oné osang wahéng tédéng lén, landing sanggéd ata molor ngo nggeroné mosé tédéng lén.”

YOHANÉS 6:27

Seber koém te gori, toé latang te hang bara hitut ngancéng pandé calang laing, maik latang te hang hitut ngancéng te mosé tédéng lén, hitut téing le Anak Manusia oné méu, ai Hia ata poli palasn le Mori Keraéng Ema.”