YOHANÉS 3:13 - Bahasa Manggarai New Testament

¹³ Toé kéta cengatan ata poli ngo éta Surgan, hanang Hia hitut poli wa’u éta mai Surgan, ngong Anak Manusia.

YOHANÉS 3:13 Referans Kwoze

YOHANÉS 6:38

Ai Aku poli wa’u éta mai Surga, toé kudut pandé lorong ngoéng Daku, maik kudut lorong Hia hitut poli wuat Aku.

TOMBO PÉTÉ GORI DE RASUL-RASUL 2:34

Ai toé hi Daud ata héndéng nggere-éta Surga, ngot weki run hi Daud kolé taé nenggo’o: Manga rewengn Mori Keraéng latang te Mori daku:

YOHANÉS 1:18

Toé kéta manga cengatan ata poli ita Mori Keraéng; maik Anak léca de Mori Keraéng, ata manga oné lobo pa’a de Ema'N, Hia dé ata tombon.

1 KORINTUS 15:47

Adam hiot laring cain dédék oné-mai tana agu ciri ného weki dité, maik Adam hiot te suan mai éta mai Surgan.

YOHANÉS 13:3

Pecing le Mori Yésus te Eman poli téing sanggé-ménan agu Hia te mai oné mai Mori Keraéng agu kolé oné Mori Keraéng.

ROMA 10:6

Maik selamak lorong imbi, nggo’o taén, “Néka nggo’o curup oné nais, Céing ata kudut ngo éta Surga?”, ngong kudut dadé hi Kristus wa’u oné lino.

YOHANÉS 6:62

Co’o émé ita le méu Anak Manusia ngo nggere-éta osang hitut baté ka’éngn?

YOHANÉS 3:31

Céing ata mai éta main, hia manga béta mai sanggén taung; céing ata mai oné mai linon, ka’éng boné linoy agu gejék curup dé linoy. Céing ata mai éta mai Surgan manga béta mai sanggéd ménan.

YOHANÉS 6:46

Sanggéd situ toé nggo’o ga, te manga atan ata poli itan hi Ema. Hanang Hia hitut mai oné mai Mori Keraéngn, Hiay ata poli ita hi Ema.

YOHANÉS 6:42

Mai kolé taéd: “Toé néng hi Yésus anak di Yosép Hia ho’o ko, ata endé-eman pecing tu’ungs lité? Co’o kaut Hia tara nenggo’on taén: Aku poli wa’u éta mai Surgag?”

YOHANÉS 17:5

Landing hitu yo Ema, bong koé Aku oné ranga Rud Ité, ali bong hitut nipu Laku oné ranga Dité be bolon mangan lino ho’o.

YOHANÉS 8:42

Mai taé de Mori Yésus ngong isé: “Émé Mori Keraéng ema de méu, méu te momang Akum; ai Aku mai oné mai Mori Keraéng agu ho’o ga Aku manga cé’é ho’ok. Mai Daku, toé mai le nai Rug, maik ali wuat Diha.

YOHANÉS 6:51

Akuy dé roti te mosé laing, ata poli wa’u éta mai Surgag. Céing kaut ata hang roti ho’o, hia te haéng mosé tédéng lén. Roti ho’ot téing Daku, hituy weki Daku ata téing Laku te mosé de lino.”

YOHANÉS 6:33

Ai roti hitut oné mai Mori Keraéng, hituy roti ata wa’u éta mai Surga agu téing mosé oné lino.”

TOMBO PÉTÉ GORI DE RASUL-RASUL 20:28

Lami di’a-di’a weki rus, agu lami kolé sanggén taung weki, ai méu ata poli wérét le Nai Nggeluk ciri ata lami kudut titong ro’éng de Mori Keraéng ata dumpu Liha ali dara Run Hia.

MATÉUS 28:20

agu toing koé isé te pandé sanggéd apa ata poli jera Laku agu méu. Agu paka idep di’a le méu, Aku loréng méu mtaungk dengkir cemoln lino.”

ÉFÉSUS 1:23

Weki serani situ ngong weki di Kristus, ata pandé jepek Liha te rapakd sanggéd cao-ca nia kaut wan.

MATÉUS 8:20

Taé de Mori Yésus agu Hia: “Serigala manga liangn agu kaka lélap manga cewon, maik Anak Manusia kali toé kéta manga osangn latang te bérit sa’in.”

YOHANÉS 3:12

Toé imbi le méu, du Aku tombo agu méu latangt cao-ca oné lino, co’o kong imbin le méu, émé tombo Laku latangt taé Surga?