YOHANÉS 3:11 - Bahasa Manggarai New Testament

¹¹ Aku tombo agu hau, tu’ung-tu’ung kéta ami tombo latangt apa situt pecings lami agu ami ata sakasi latangt apa situt ita lamid, maik toé imbis le méu sakasi dami.

YOHANÉS 3:11 Referans Kwoze

YOHANÉS 8:38

Apa ata ita Daku oné Emag, hitu kolé ata curup daku, agu nenggitu kolé wintuk de méu latang te apa ata poli dengé le méu oné mai emas.”

YOHANÉS 14:24

Céing ata toé momang Aku, hia toé lorong curup Dakuy, agu curup situt dengé de méu, toé de curup oné mai Akud, maik oné mai hi Ema, ata wuatg Aku.

YOHANÉS 12:49

Ai curup Daku situ toé oné mai mu’u Rug Aku, maik hi Ema hitut wuat Aku. Hiay ata perénta Aku, kudut wéwa apa situt paka tombos Laku, agu caings Laku.

YOHANÉS 8:14

Mai walé de Mori Yésus ngong isé, taéN: “Alim po Aku tombo sakasi latang te weki Rug, maik sakasi Daku hitu molorn, ai pecing le Rug, nia maig Aku maig, agu nggere-niak Aku ngog.

YOHANÉS 7:16

Mai walé de Mori Yésus agu isé: “Toing Daku toé oné mai weki Rug, maik oné mai Hiat wuat Akuy.

YOHANÉS 1:18

Toé kéta manga cengatan ata poli ita Mori Keraéng; maik Anak léca de Mori Keraéng, ata manga oné lobo pa’a de Ema'N, Hia dé ata tombon.

2 KORINTUS 4:4

Ngong sanggéd isét toé imbi, ata tadu taung nukd ali dewa da’at de uwa ho’o, wiga isé toé ita néra de Keréba Di’a latang te mengit di Kristus hitut gambar de Mori Keraéng.

YOHANÉS 1:11

Hia mai oné paéng decukn, maik sanggéd ata decuk'N situ toé tiba Hias.

LUKAS 10:22

Sanggéd ménan poli téing oné Akud le Emag; agu toé cengatan ata pecingn céingy Anak, bom hi Ema, agu céingy hi Ema, bom hi Anak, agu oné ata hitut oné hia henan le Anak hitu, te toi molor hitu.”

WIDANG SI’ANG ONÉ HI YOHANÉS 1:5

Tabé kolé oné-mai hi Yésus Kristus, Saka-si hitut junggu, atat laring cain to’o oné-mai ata mata agu hitut manga kuasan latang te sanggéd raja oné lino ho’o. Hi Kristus poli momang ité agu poli céla ité oné-mai ndékokd ali daraN.

TOMBO PÉTÉ GORI DE RASUL-RASUL 22:18

Aku ita Hia hiot curup agu aku: Gélangkoé, gelangkoé legong Yérusalém, ai isé toé tiba saka-si de hau latang te Aku.

YOHANÉS 5:43

Mai Daku le ngasang de Ema'G, maik méu toé tiba Akum; bo woko mai ata bana le ngasang de run, tiba hia le méu.

YOHANÉS 3:13

Toé kéta cengatan ata poli ngo éta Surgan, hanang Hia hitut poli wa’u éta mai Surgan, ngong Anak Manusia.

YOHANÉS 3:5

Mai walé de Mori Yésus: “Aku curup agu hau, ata te tu’ungn émé ca ata toé loas oné mai waé agu Nai Nggeluk, hia toé ngancéng ngo oné Adak de Mori Keraéngn.

YOHANÉS 3:3

Mai walé de Mori Yésus, taén: “Aku curup agu hau, moro matan, émé cengatan ata toé loas koléy, hia toé ngancéng itan Adak de Mori Keraéng.”

MATÉUS 23:37

“Yérusalém, Yérusalém, hau ata mbeléd nabi-nabi agu peké le watus ata jera Daku oné hau! Dongkalin Aku nuk te impung taungs anakm, cama ného iné-manuk hiot igol taungs anakn wa mai lebén, maik méu toé goris.

MATÉUS 11:27

Sanggéd taung poli widang agu Akud le Emag, agu toé cengatan ata pecing ngasang Anak, émé toé le Ema, agu toé cengatan ata pecing Ema émé toé le Anak agu oné ata hituy henan toin le Anak hitu.

WIDANG SI’ANG ONÉ HI YOHANÉS 3:14

“Tulis koé latang te malékat de weki serani oné Laodikia: Ho’oy pedé oné-mai hi Amin, Saka-si hitut junggu agu molor, pu’ud sanggéd dédék de Mori Keraéng.

YOHANÉS 3:12

Toé imbi le méu, du Aku tombo agu méu latangt cao-ca oné lino, co’o kong imbin le méu, émé tombo Laku latangt taé Surga?

YOHANÉS 8:26

Do kid situt paka curups Laku, agu kudut bicars laku latang te méu; maik Hiat wuat Aku, ata molor tu’ung kéta, agu apa situt poli dengé Daku oné mai Hia, hitu kolés ata tombo Daku agu lino ho’o.”