Du hitu curup le Mori Yésus: “Aku wali di’a agu Ité Ema, Mori de awang agu tana, ai sanggéd situ, cehas Lité latang te isét nggalas agu isét nggepuk, maik tois Lité oné isét panga-wa.
Maik, ité ho’o ata poli sunat tu’ung kéta; toé isé. Ai ité toé deming adak ata pandé de manusia. Ité suju Mori Keraéng le titong de Nai Nggeluk, agu wali di’a lité landing le nai ca anggit agu hi Kristus Yésus.
Ai nai ca anggit agu hi Kristus, méu poli sunats: toé ali sunat hitut pandé le manusia, maik ali sunat di Kristus hiot pandé céla meu one-mai belek de wekis hitut ndékok.
Telu leso wa ga, ita lisé Hia oné Mbaru de Mori Keraéng; Hia lari lonto oné bahi-réha isét pecing Taurat, cang séngét isén, agu sinad Liha réi do oné isé.
Manga ca leso, rémé toing atan Mori Yésus, manga pisa taus ata Parisi, agu ata pecing Taurat, lonto séngét toing Dihas. Isét do situ mai oné mai sanggéd béo tana Galiléa, Yudéa, agu oné mai Yérusalémd. Kuasa de Mori Keraéng loréng Hiay, wiga Hia ngancéng pandé ina ata betin.
Maik cengata ata Parisi oné Adak Agama hitu, ngasangn hi Gamaliél, cengata guru Wintuk Taurat, ata hiang kéta lata do, heséy, agu tegi, kudut sanggéd rasul situ jera nggere-pé’angs di cekoén.