YOHANÉS 21:12 - Bahasa Manggarai New Testament

¹² Mai taé de Mori Yésus ngong isé: “Mai, jumik ga!” Toé kéta cengatan oné mai ata nungku situ ata cung te réi Hia: “Céing néng Ité?” Ai pecing muing lisé te Hia Mori Yésus.

YOHANÉS 21:12 Referans Kwoze

TOMBO PÉTÉ GORI DE RASUL-RASUL 10:41

toé nggere-oné sanggén wa’u Yahudi, maik oné ata saka-si, ata bebolon poli toi le run Mori Keraéng, ngong oné ami ata poli hang agu inung cama-cama agu Hia, du Hia poli mosé kolé oné mai ata matan.

YOHANÉS 16:19

Pecing le Mori Yésus, isé kudut manga réid agu Hia, maig taéN ngong isé: “Manga gejék cama taus, reweng hiot taé Daku bao: Téké cekoén kali ga, méu toé ita Akum, agu téké cekoén kali ga, méu te ita Akum?

YOHANÉS 21:15

Du poli jumikd, Mori Yésus réi hi Simon Pétrus: “Simon, anak di Yohanés, asa hau, céwé momang Akuh ko isé so’o?” Mai walé di Pétrus ngong Hia: “Yo Mori, pecingp Lité te aku momang Iték.” Mai taé de Mori Yésus ngong hia: “Lami koés jimbal Daku.”

MARKUS 9:32

Isé toé pecing betuan curup hitu, agu sesenga’i kolés te réi agu Hia.

YOHANÉS 4:27

Du hitu cais ata nungku’N agu lenget kétas, ai Hia rémé tombon agu cengata inéwai. Maik toé kéta cengatan ata cukung te réi: “Apay ngoéng de hau, enu?” ko: “Apay tombo Dité agu hia?”

LUKAS 9:45

Isé toé haéng pa’éln curup hitu, ai cehay betuan latang te isé, wiga toé ngancéng pecingn lisé. Agu toé cungd isé te réi betuan curup hitu agu Hia.

MATÉUS 22:46

Toé kéta manga cengatan ata ngancéng walé Hia, agu pu’ung leso hitu toé kéta manga cengatan kolé ata mberes te réi cao-ca agu Hia.

YOHANÉS 21:11

Hi Simon Pétrus léti wangka ata penong kéta le ikang mésé agu poto ndalan nggere-pé’ang tana masa: ceratus lima mpulu telu mongko dod. Koném nenggitus dod, landing ndala hitu toé manga betén.