YOHANÉS 19:6 - Bahasa Manggarai New Testament

⁶ Du ita hias imam kepala agu ata lami situ, ciék kéta taungs isé: “Pangkot oné panggol Hia, pangkot oné panggol Hia!” Mai taé di Pilatus ngong isé: “Emi Hia, agu pangkot oné panggol Hia; ai aku toé kéta manga ita koé salan oné Hia.”

YOHANÉS 19:6 Referans Kwoze

YOHANÉS 18:31

Mai taé di Pilatus ngong isé: “Dadé Hia le méu, agu beté-bicarN lorong ruku wahéng de rus.” Mai taé data Yahudi situ: “Ami toé ngancéng bicar te paki can koé ata.”

YOHANÉS 19:4

Ngo kolé be pé’ang hi Pilatus agu mai taén ngong isé: “Lélo dé, aku dadé Hia nggere-cé’é méu, kudut baé le méu, te aku toé kéta ita cekoén sala oné Hia.”

TOMBO PÉTÉ GORI DE RASUL-RASUL 7:52

Céing oné mai sanggéd nabi ata toé wahéngs le empo de méu? Ngot isé mbelé sanggéd ata siot ba keréba, main Cengata Ata Molor, ho’ot polig le méu wahéngn agu mbelén.

TOMBO PÉTÉ GORI DE RASUL-RASUL 2:23

Hia hiot téi le Mori Keraéng lorong nuk agu nanéngn, polig le méu panggoln agu poli mbelén lut limé de wa’u situt da’at.

YOHANÉS 19:15

Itug kali ciékd isé: “Mbér Hia! Mbér Hia! Pangkot oné panggol Hia!” Mai taé di Pilatus ngong isé: “Paka pangkot oné panggol laku Rajas ko?” Mai walé de imam kepala: “Ami toé manga Rajagm, hanang Kaisér kali!”

LUKAS 23:4

Mai taé di Pilatus ngong sanggén taung imam kepala, agu sanggéd lawa do: “Aku toé manga dumpu sala koé cekoén oné ata ho’o.”

MATÉUS 27:24

Woko lélo li Pilatus te oké bod sanggéd curup diha, ngot wangkag kolé te manga rihi-rahat, itu kali emi waén agu samo limén oné ranga data do agu mai taén: “Aku toé manga salag latang te dara data ho’o; aiks weki rus méu!”

MATÉUS 27:22

Mai taé di Pilatus ngong isé: “Émé nenggitu, co’oy kéta laku pandén Mori Yésus hitut béntan hi Kristus?” Sanggéd isé ciék kéta taungs: “Pépék Hia oné panggol!”

MATÉUS 26:58

Agu hi Pétrus lut Hia tadang main haéng oné natas de Imam Mésé, agu du poli bonén, Hia lonto agu isét lamiy te lélo co’o cemoln bicar hitu.

YOHANÉS 18:3

Main kolé hi Yudas nitu agu lawa serdadu, agu ata lami Mbaru de Mori Keraéng, situt jera le imam kepala agu ata Parisi jemut agu lentéra, culu agu harat.