YOHANÉS 19:4 - Bahasa Manggarai New Testament

⁴ Ngo kolé be pé’ang hi Pilatus agu mai taén ngong isé: “Lélo dé, aku dadé Hia nggere-cé’é méu, kudut baé le méu, te aku toé kéta ita cekoén sala oné Hia.”

YOHANÉS 19:4 Referans Kwoze

YOHANÉS 19:6

Du ita hias imam kepala agu ata lami situ, ciék kéta taungs isé: “Pangkot oné panggol Hia, pangkot oné panggol Hia!” Mai taé di Pilatus ngong isé: “Emi Hia, agu pangkot oné panggol Hia; ai aku toé kéta manga ita koé salan oné Hia.”

LUKAS 23:4

Mai taé di Pilatus ngong sanggén taung imam kepala, agu sanggéd lawa do: “Aku toé manga dumpu sala koé cekoén oné ata ho’o.”

LUKAS 23:47

Lété kepala de serdadu ita apa situt jari, hia bong Mori Keraéngy, taén: “Tu’ung kéta ata ho’o, ata molory!”

1 YOHANÉS 3:5

Pecing le méu, te Hia mai kudut ampong sanggéd ndékok. Oné Hia toé kéta manga ndékok.

1 PETRUS 3:18

Ai hi Kristus kolé, poli mata hanang cengkalin kanang latang te sanggéd ndékok dité. Hia ata molor, mataY latang te itet toé molor, kudut dadé ité nggere-oné Mori Keraéng. WekiN hi Kristus poli mbelén lata, maik nai-nawaN poli pandé to’o kolén le Mori Keraéng.

1 PETRUS 2:22

Hia toé manga dé’it pandé ndékokn, agu toé dé’it manga curup nggopétN.

1 PETRUS 1:19

Mori Keraéng sambé méu ali dara ata wegit kétay, ngong dara di Kristus ata cama ného dara de anak jimbal hitut toé manga maja agu celan.

2 KORINTUS 5:21

Hi Kristus ata toé hena le ndékoky, maik Mori Keraéng poli pandé Hia hena le ndékoky landing ité, kudut oné Hiat ité hambort le Mori Keraéng.

LUKAS 23:41

Bo koé tité, kopd muing te wahéngt, ai ité tiba wahéng lorong agu pandéd; maik ata ho’o, toé manga pandé can koé sala.”

MATÉUS 27:54

Kepala de serdadu agu sanggéd serdadu ata lami Mori Yésus, cirik rantang kéta taungs du ita lisé nupung agu sanggéd situt ata polid, itug kali mai taéd: “Tu’ung-tu’ung kéta, Hia ho’o Anak de Mori Keraéngy.”

MATÉUS 27:24

Woko lélo li Pilatus te oké bod sanggéd curup diha, ngot wangkag kolé te manga rihi-rahat, itu kali emi waén agu samo limén oné ranga data do agu mai taén: “Aku toé manga salag latang te dara data ho’o; aiks weki rus méu!”

MATÉUS 27:19

Du lari lonton hi Pilatus oné seriga beté-bicar, pedé le winan: “Néka oné hau bicar data molor hitu, ai landing Hia aku susa mésé du nipig oné wié.”

MATÉUS 27:4

agu mai taén: “Aku poli pandé ndékok ai téing dara data toé manga salan.” Landing mai walé disé: “Apay nipu dami hitu? Papong rum hau hitu!”

IBRANI 7:26

Ai Imam Mésé nenggitu ata sékék laingn lité: ata nggeluk, toé manga salan, toé manga saki-nai, bécang oné-mai ata ndékokn, agu céwé mengit oné-mai sanggéd lawa Surga.

YOHANÉS 18:33

Itug kali hi Pilatus ngo nggere-oné mbaru de Gubernur, poli hitu bénta Mori Yésus liha, agu mai réin: “Kom Hau ho’o raja disét Yahudi?”