YOHANÉS 18:8 - Bahasa Manggarai New Testament

⁸ Mai walé de Mori Yésus: “Poli Laku taé agu méu, ho’ok Aku. Émé Aku hitut kawé de méu, ondang koé ngod isé so’o.”

YOHANÉS 18:8 Referans Kwoze

1 PETRUS 5:7

Condo taung simpungs oné Hia, ai Hia tinu méuy.

ÉFÉSUS 5:25

Oé méut ngasang rona! Momang koé winas ného hi Kristus poli momang agu poli téing wekiN latang te weki serani.

2 KORINTUS 12:9

Maik walé de Mori Keraéng, “Dod widang Daku latang te hau, ai landing le oné les de hau hitu tara ciri besikn kuasa Daku.” Landing hitu, aku céwé ngoéng bombong rak oné les daku, kudut kuasa di Kristus wa’u te sémbéng akuy.

1 KORINTUS 10:13

Sanggéd damang situt poli manté de méu poli mantéd kolé lata do. Ai Mori Keraéng junggu kin, agu ali hitu Hia toé ondang méu te damang be pé’ang oné-mai mberes de méu. Du hena le damangs méu, Hia kudut téi anor méu, wiga méu ngancéng tanggongn damang hitu.

YOHANÉS 16:32

Lélo, kudut cai leson, ngot polig cain, te méu mbihi-mbehar ngo néténg osang de rus, agu méu te pencang Aku hanang koég. Maik toé hanang koég Aku, ai hi Ema loréng Akuy.

YOHANÉS 13:36

Mai taé di Simon Pétrus agu Mori Yésus: “Mori, te nggere-nia Ité ngod?” Mai walé de Mori Yésus: “Oné osang baté ngo Daku, hau toé ngancéng lut Aku te ho’on, maik tai hau ngancéng lut Akuh.”

YOHANÉS 13:1

Rémé nggitun du toéd pu’ung ramé Paska, poli pecing le Mori Yésus, caig leson kudut ngo oné mai lino ho’on nggere-éta hi Ema. Hia momang taungs ata paéngN oné lino ho’o, agu Hia momang isé dengkir agu cemol.

YOHANÉS 10:28

agu Aku téing isé mosé tédéng lén, agu isé poli itan muing toé manga calangd dengkir lén, agu toé kéta cengatan te rumbu isé oné mai limé Daku.

MATÉUS 26:56

Landing, sanggéd so’o tara jarid kudut rapakd situt tulis oné surak de nabi-nabi.” Itu kali sanggéd rasul legong Hias, agu losid.

YOHANÉS 18:7

Mai Hia réi kolé: “Kawé céing méu?” Mai taéd: “Hi Yésus oné mai Nazarét.”

YOHANÉS 18:9

Tara nenggitun curup Diha, kudut cai olon curup hiot taé dé’it Liha: “Oné mai isé situt téings Lité agu Aku, toé kéta ondang cengatan Laku te copéls.”