YOHANÉS 18:4 - Bahasa Manggarai New Testament

⁴ Mori Yésus ata pecing taung apa situt kudut hena wekin, ngo nggere-oloy, agu mai taéN ngong isé: “Kawé céing méu?”

YOHANÉS 18:4 Referans Kwoze

YOHANÉS 13:1

Rémé nggitun du toéd pu’ung ramé Paska, poli pecing le Mori Yésus, caig leson kudut ngo oné mai lino ho’on nggere-éta hi Ema. Hia momang taungs ata paéngN oné lino ho’o, agu Hia momang isé dengkir agu cemol.

YOHANÉS 18:7

Mai Hia réi kolé: “Kawé céing méu?” Mai taéd: “Hi Yésus oné mai Nazarét.”

TOMBO PÉTÉ GORI DE RASUL-RASUL 2:28

Ité toi agu aku salang mosé, Ité te téing aku nisang nai bolo mai Ité.

YOHANÉS 19:28

Poli hitu, ai pecing le Mori Yésus, te sanggéd cao-ca polis ga, maig taéN: Kudut cai olod situt tulis oné Surak nggeluk: “Aku masa waék.”

YOHANÉS 13:11

Ai pecing Liha, céing hitut téing Hia. Itu tara mai taén: “Toé sanggés taung méu nggélokm.”

YOHANÉS 6:64

Maik manga oné mai méun ata toé imbid.” Ai du wangkan muing pecing le Mori Yésus, céing ata toé imbin agu céing kudut te pika Hia.

LUKAS 24:44

Hia curup agu isé: “Ho’op hiot curup Daku, ata poli taé Laku oné méu, du Aku ngai ka’éng cama agu méug, hitut paka cai olo taungs, situt poli tulis latang te Aku oné Surak Taurat di Musa, Surak de taung nabi, agu Mazmur.”

MATÉUS 26:31

Mai curup de Mori Yésus ngong isé: “Wié ho’o, sanggés méu te gégo imbis landing Aku. Ai manga tulisn: Aku te mbelé hiat lamid, agu jimbal-jimbal situ, te mbihi-mbehars.

MATÉUS 26:21

Agu du rémé hangd isé, mai taén: “Aku taé agu méu, moro matan, cengata oné mai méu te téing Akuy.”

MATÉUS 26:2

“Pecingp le méu, te téké sua leso kali ramé Paskah, du hitug Anak Manusia te téing kudut panggoly.”

MATÉUS 16:21

Pu’ung du nitu main Mori Yésus wangkag tombon Liha agu ata nungkun te Hia paka ngo oné Yérusalém, agu do kéta cukung susan oné mai isét tu’a laing imam-imam kepala agu ata pecing Taurat, poli hitu ala latay, agu leso te telun to’o koléy.

1 PETRUS 4:1

Ai wekin hi Kristus poli ta’ong susan, itu tara méu kolé paka jerék wekis te ta’ong susa. Céing ata wekin poli ta’ong susa, toé pandé ndékok koléy.

YOHANÉS 18:5

Mai walé disé: “Hi Yésus oné mai Nazarét.” Mai taén ngong isé: “Ho’ok Aku.” Hi Yudas hiot pika Hia hesé kolé nituy cama laing agu iséy.