YOHANÉS 17:4 - Bahasa Manggarai New Testament

⁴ Aku poli bong Ité oné lino ho’o, ali poli pandéd gori situt téing Lité agu Aku te wintuks.

YOHANÉS 17:4 Referans Kwoze

YOHANÉS 4:34

Mai taé de Mori Yésus ngong isé: “Hang Daku ngong émé pandés Laku ngoéng Diha hitut wuat Aku, agu pandé polis gori'N situ.

TOMBO PÉTÉ GORI DE RASUL-RASUL 20:24

Maik aku toé nuk te mo’éng moség, tamat aku ngancéng cai oné ranti agu pandé poli sanggéd gori situt jera de Mori Yésus oné aku, kudut téi saka-si latang te Keréba Di’a, widang de Mori Keraéng.

2 TIMOTIUS 4:7

Aku poli pandé cemol sandi ata di’an, poli cai oné ranti turung cemoln agu poli tinu imbig.

YOHANÉS 19:30

Du poli inung anggor héo hitun Mori Yésus, mai taéN: “Poli ga!” Itug kali tenggukn sa’iN agu beté naiN.

YOHANÉS 14:31

Maik kudut pecing le lino ho’o te Aku momang hi Emak, agu Aku pandé kéta taungs ného baté perénta Diha Ema oné Aku. To’o ga, mai ngot Ité cé’é mai ho’od.”

YOHANÉS 15:10

Émé méu lut perénta Dakum, méu te ka’éng oné momang Dakum, ného Aku lut perénta de Emag, agu ka’éng oné momang Dihak.

YOHANÉS 14:13

agu apa kaut ata tegi de méu le ngasang Daku, sendos Laku kudut Hi Ema bong oné Anaky.

YOHANÉS 12:28

Ema bong koéy ngasang Dité.” Dengég reweng éta mai Surga: “Polig bongn Laku, agu Aku te bong koléy.”

YOHANÉS 9:3

Walé de Mori Yésus: “Toé hia, agu toé kolé ata tu’an, maik sanggéd gori de Mori Keraéng paka ita oné hias.

YOHANÉS 5:36

Maik manga ca kétay sakasi Daku ata céwé mésén oné mai sakasi di Yohanés, ngong sanggéd taung gori ata poli téing li Ema kamping Aku, kudut pandés Laku. Gori situ kolé ata pandé Daku te ho’on, agu sanggéd pandé Daku situ te téing sakasi latang te Aku, te Aku ho’o wuat le Ema'G.

LUKAS 22:37

Ai Aku taé agu méu: hitut tulis de Surak Nggeluk, paka cai olo oné Akus: ‘Hia te bilang neki agu isét raha do.’ Ai apa situt poli tulis latang te Aku, laing kéta pandé cai olod.”

YOHANÉS 19:28

Poli hitu, ai pecing le Mori Yésus, te sanggéd cao-ca polis ga, maig taéN: Kudut cai olod situt tulis oné Surak nggeluk: “Aku masa waék.”