YOHANÉS 16:7 - Bahasa Manggarai New Testament

⁷ Maik tu’ung kéta ho’ot taé Daku agu méu: Céwé di’an latang te méu émé ngok Aku. Ai émé toé ngok Aku, Hiat campé toé mai cé’é méuy; maik émé ngok Aku, Aku te wuat Hia mai nggere-cé’é méuy.

YOHANÉS 16:7 Referans Kwoze

YOHANÉS 14:26

maik Hiat campé, ngong Nai Nggeluk, hitut wuat Liha Ema le ngasang Daku, Hiay dé ata kudut toing sanggé-ménan oné méu, agu te pandé tingengd le méu sanggéd taung situt poli taéd Laku oné méu.

YOHANÉS 15:26

Émé mai Hiat campé hitut kudut katu Laku oné mai hi Ema, ngong “Nai Molor” ata pé’ang oné mai hi Eman, Hia te sakasi latang te Aku.

ROMA 8:28

Ité pecing ho’o ga, te Mori Keraéng lut gori oné sanggéd cao-ca kudut te di’a latangt isét momang Hia, ngong latang te isét poli béntad lorong ngoéng de Mori Keraéng.

TOMBO PÉTÉ GORI DE RASUL-RASUL 2:33

Du Hia poli téti nggere-étan ali limé wanang de Mori Keraéng agu tiba Nai Nggeluk hitut poli rekén oné mai Mori Keraéng Ema, itu mangan téing Nai hitu Liha ného ita agu dengé de méu ho’o.

YOHANÉS 7:39

Betuan taé Diha, ngong Mori Keraéng Nai Nggeluk, ata kudut tiba lisét imbi Hia; tara toé di wa’uy Nai Nggeluk hitu ai Mori Yésus toé di bongy.

LUKAS 24:49

Agu Aku te katu oné méu, apa hitut reké de Ema Daku. Maik méu paka ka’éng oné béndar ho’om, dengkir méu jemut le kuasa éta mai osang langkasm.”

TOMBO PÉTÉ GORI DE RASUL-RASUL 10:34

Itu kali pu’ung tombon hi Pétrus: “Ata tu’ungn, baég laku Mori Keraéng toé manga pandé woléng atan.

YOHANÉS 14:28

Polip le méu dengén te Aku poli taé agu méu: Aku ngok, maik Aku mai kolék cé’é méu. Émé momang tu’ungk Aku le méu, naka laing dé le méu ngo Daku éta hi Ema. Ali hi Ema céwé mésén oné mai Aku.

YOHANÉS 14:3

Agu émé poli ngo nitug Aku agu poli ambi osang latang te méu, Aku mai kolék, agu dadé méu oné osang Daku, kudut oné osang nia mangag Aku, méu kolé manga nitum.

LUKAS 9:27

Aku taé agu méu: “Moro matan, oné mai méu ata manga céé ho’o, manga ata toé matad du isé toéd ita Adak de Mori Keraéng.”

LUKAS 4:25

Agu Aku taé oné méu, -- agu curup Daku ho’o molorn: Du uwa di Élia manga dod inéwai luang oné Israél, lété hitu walis tédéng telu ntaung agu enem wulang, agu cain darem hena oné temu tana.

2 KORINTUS 4:17

Ai kélo géal ho’o ga, te cir latang te ami mengit tédéng lén ata labi oné mai sanggén cao-ca, céwé mésé oné mai kélo dami.

YOHANÉS 16:8

Émé mai Hia, Hia te pandé lino ho’o kudut pecing ndékok, molor agu beté-bicar,