YOHANÉS 15:7 - Bahasa Manggarai New Testament

⁷ Émé méu ka’éng oné Akum, agu curup Daku ka’éng oné méus, tegi apa kaut ngoéngs, méu te tibas.

YOHANÉS 15:7 Referans Kwoze

1 YOHANÉS 5:14

Metek kéta imbi dité, te Hia sendo ngaji dité émé ité tegi cao-ca lorong ngoéngN.

YOHANÉS 14:13

agu apa kaut ata tegi de méu le ngasang Daku, sendos Laku kudut Hi Ema bong oné Anaky.

1 YOHANÉS 3:22

Sanggéd taung tegi dité sendos Liha, ai ité lorong sanggéd peréntaN agu pandé cembes naiN.

YOHANÉS 15:16

Toé méu ata lir Aku, maik Aku ata lir méu. Aku poli wérét méu kudut méu ngo agu cir wua, agu wuas hitut temer kin, kudut apa situt tegi le méu oné Ema Daku le ngasang Daku, téings Liha oné méu.

MATÉUS 7:7

“Tegi ga, manga kali téin agu méu, kawé ga, manga kali itan le méu, nontong ga, manga kali céngkan para latang te méu.

YOHANÉS 16:23

Agu du leso hitu, toé manga réi apa-apas agu Aku. Aku taé agu méu: Moron, sanggéd taung situt tegi de méu agu hi Ema, te téings Liha agu méu le ngasang Daku.

GALATIA 5:16

Betuan daku nggo’oy, Mosé koém lorong ngoéng de Nai Nggeluk, wiga méu toé lorong belek de wekis.

1 YOHANÉS 2:27

Ai palas hitut poli tiba le méu oné-mai hi Kristus, toé ngancéng mora kolén. Landing hitu, méu toé sékékn kolé te toing lata banam. Palas di Kristus hitu te toing méu sanggéd cao-ca; agu baé le méu te toing Diha situ molord, toé manga nggopétn. Landing hitu, méu paka nai ca anggit kis agu hi Kristus, ného ata poli toingn Liha danong.

1 YOHANÉS 2:14

Oé sanggés méut ngasang anak! Tulis laku latang te méu, ai pecing le méu hi Ema. Oé sanggéd méut ngasang ema! Tulis laku latang te méu, ai pecing le méu Hia hitut poli mangan du wangkan. Oé sanggéd méut ngasang ata uwa! Tulis laku latang te méu, ai mberes kis méu. Reweng de Mori Keraéng manga oné méuy agu poli kodad jing da’at le méu.

KOLOSÉ 3:16

Nahé reweng di Kristus ka’éng déméng monggu-roun oné bahi-réha méu, wiga méu ali dod nggalas te toing agu langga koé cama taus. Méu wali di’a kamping Mori Keraéng wa mai nais, canggu déré mazmur agu déré naring agu déré nggeluk.

YOHANÉS 8:37

“Pecing kolé Laku, méu waé di Abraham, maik méu lémét kudut mbelé Akum, ai curup Daku toé tiba oné nai de méu.

GALATIA 4:2

Maik hia manga be-wa mai ata paténg agu ata lami dengkir cai leson hitut poli wérét le eman.

YOHANÉS 8:31

Mai taé Diha agu ata Yahudi situt imbi Hias: “Émé temer kin imbi de méu latang te sanggéd reweng Daku, méu tu’ung-tu’ung ata nungku Dakum,