YOHANÉS 15:5 - Bahasa Manggarai New Testament

⁵ Akuy dé pu’u anggor, méu rengkad. Céing ata ka’éng oné Akun agu Aku ka’éng oné hiak, hia te wua doy, ai be pé’ang mai Aku, méu toé ngancéng pandé apa-apas.

YOHANÉS 15:5 Referans Kwoze

PILIPI 4:13

Sanggéd cao-ca ngancéng tanggongs laku oné Hia ata téing mberes latang te aku.

KOLOSÉ 1:10

Ali hitu, mosé de méu naun olo mai ranga Diha agu henan oné nai Diha. Oné sanggén gori de méu, manga cir wua ata di'ad agu tambang beka pecings latang te Mori Keraéng.

YOHANÉS 15:16

Toé méu ata lir Aku, maik Aku ata lir méu. Aku poli wérét méu kudut méu ngo agu cir wua, agu wuas hitut temer kin, kudut apa situt tegi le méu oné Ema Daku le ngasang Daku, téings Liha oné méu.

GALATIA 5:22

Maik ho’os wua de Nai Nggeluk: momang, nisang nai, hambor-libur, lembak, gawas, di’a gauk, junggu;

2 KORINTUS 13:8

Ai ami toé kéta ngancéng pandé te dungkang molor, ata ngancéng pandé dami kali hanang latang te molor.

YOHANÉS 5:19

Og walé ata tu’ad Yahudi situ le Mori Yésus; “Aku taé agu méu, tadan, Anak toé ngancéng pandé apa kaut le téti nai Run, émé toé ita Liha apa ata pandé de Ema, ai apa ata pandé li Ema, hitu kolé ata pandé de Anak.

JAMES 1:17

Sanggéd téing ata di’an agu tabing ata besikd, mai éta-maid, ngong wa’u éta-mai hi Ema ata dédék sanggéd gérak éta awang. Hia dé Mori Keraéng ata toé manga caling ko campit tara mangan nendep.

2 PÉTRUS 3:18

Ciri tu’a koém ga oné tabing agu imbi hi Yésus Kristus, Mori agu Ata sambé dité. Latang te Hia dé mengit, te ho’on agu tédéng lén.

YOHANÉS 12:24

Aku taé agu méu: Moron, émé weras gandum toé pa’u wa tana agu matay, hia ca weras kin, maik émé matay, do cir wuan.

ROMA 7:4

Landing hitu asé-ka’é daku, latang te méu wintuk Taurat poli matan, landing le mata di Kristus. Kudut méu ciri paéng Diha ata poli to’o kolén oné mai ata matan, wiga ité manga wuad latang te Mori Keraéng.

PILIPI 1:11

Mosé de méu penong molor le pandé de weki run hi Yésus Kristus, wiga ngancéng bong agu naring Mori Keraéng.

YOHANÉS 9:33

Émé toé mai oné mai Mori Keraéngn ata hitu, Hia toé ngancéng pandé apa-apay.

PILIPI 4:17

Landing toé campé situt téing de méu ata kawé daku, maik cir ata pandé tambang mésén ontong de méu.

ROMA 6:22

Maik te ho’on du poli célas méu oné mai ndékok, agu du méu poli ciri mendi de Mori Keraéng, méu tiba wua ata dadé méu nggere-oné mosé nggeluk. Cemold taung situ méu tiba mosé tédéng lén.

TOMBO PÉTÉ GORI DE RASUL-RASUL 4:12

Toé manga selamak oné mai céi-céing kaut, hanang oné Hia, ai oné lino ho’o, toé manga ngasang cebana ata téi oné manusia, kudut le ngasang hitu ité haéng selamak.

1 KORINTUS 12:12

Ai cama ného weki hitut cay kali maik dod nggotan. Sanggéd nggota weki hitu koném po dod léléng ca wekiy kali, nenggitu kolé hi Kristus.

1 PETRUS 2:4

Ali hitu, mai ruis ga oné Hia, ai Hia hitu watu ata téing mosé. Watu hitu poli okén le manusia, maik pilé agu hiangy le Mori Keraéng.

1 KORINTUS 12:27

Sanggés taung méu weki di Kristus, agu néténg méu kolé ciri nggota Diham.

ÉFÉSUS 5:9

ai gérak hitu cir wua di’a, agil agu molor.

2 KORINTUS 9:10

Hia ata ambi wini latang te isét weri agu roti latang te hang. Hia kolé ambi wini latang te méu kudut pandé bekas agu pandé todos wua di’a de méu.

KOLOSÉ 1:6

hitut poli wéwan oné méu. Keréba Di’a hitu wuay agu bekay oné temu tana lino, nggitu kolé oné bahi-réha méu, pu’ung kaut du dengén le méu agu baé tu'ung mantén widang de Mori Keraéng.

ROMA 12:5

Nenggitu kolé ité koném po ata dot, ciri ca wekit kali ai mosé cama agu hi Kristus, maik sanggéd ité woé-joé ného tara de ca weki.

1 KORINTUS 10:16

Toé weli piala ata papé te wali di’a oné Mori Keraéng, pandé neki-ca agu dara di Kristus? Toé weli roti hitut pu’il kudut hang cama laing, pandé neki-ca agu weki di Kristus?

MATÉUS 13:21

Maik toé wakés oné nai disé agu cekoé kaut ta’ongd. Émé cai rené ko mosé céncés ali reweng hitu, gélang kéta mesotn.