16 Oné Aku manga kolé jimbal bana, ata toé oné mai kandang ho’od; jimbal situ todang kolés Laku, agu isé te séngét reweng Dakus, agu isé te ciri ca impungs agu ca ata lamid.
Lélo dé, Aku hesé bolo-mai para agu nontong. Émé manga ata dengé nontong Daku hitu, céngka dé liha para, Aku ngo bonék kudut cumang agu hang cama-cama agu hia.
Danong méu toé ro’éng de Mori Keraéngm, maik te ho’on poli ciri ro’éng Dihas. Danong méu toé momangm le Mori Keraéng, maik te ho’on poli tiba momang Dihas.
Asé-ka’én, ami paka wali di’a mtaung oné Mori Keraéng landing méu ata momang le Morin. Ai du toé di dédékn lino ho’o, Mori Keraéng poli pilé méu kudut selamak le gori de Nai Nggeluk ata pandé nggeluk méu te ciri paéng de Morin.
Itu kali mai taen: Mori Keraéng empo dité poli wérét hau kudut pecing ngoéng Diha, kudut lélo Ata Molor agu kudut séngét reweng ata pé’ang oné mai mu’u Diha.
Mori Keraéng poli pandé mosé kolén Mori Yésus oné-mai ata mata. Ali mataN hitu, ho’o ga Hia ciri Ata Lami Mésé sanggéd jimbalN. Le mataN hitu kolé, pandé petok reké de Mori Keraéng tédéng lén agu ité.