YOHANÉS 10:10 - Bahasa Manggarai New Testament

¹⁰ Ata tako, mai kaut te tako agu te mbelé, agu te pandé cipot taung; mai Daku kudut isé paéng mosé agu paéng héla-haé.

YOHANÉS 10:10 Referans Kwoze

LUKAS 19:10

Ai main Anak Manusia te kawé agu te selamak ata situt moras.”

YOHANÉS 6:51

Akuy dé roti te mosé laing, ata poli wa’u éta mai Surgag. Céing kaut ata hang roti ho’o, hia te haéng mosé tédéng lén. Roti ho’ot téing Daku, hituy weki Daku ata téing Laku te mosé de lino.”

YOHANÉS 12:47

Agu émé ca ata pinga curup Dakuy, maik toé pandés Liha, Aku toé beté-bicarn, ai mai Daku toé kudut beté-bicar lino, maik kudut ba selamak hia.

YOHANÉS 6:33

Ai roti hitut oné mai Mori Keraéng, hituy roti ata wa’u éta mai Surga agu téing mosé oné lino.”

YOHANÉS 3:17

Ai Mori Keraéng susung Anak'N oné lino toé te toto bicar de lino, maik te pandé selamaks Liha.

2 TIMOTÉUS 1:15

Curup ho’o molorn agu patun te tiba di’a-di’ay, “Hi Kristus Yésus mai oné lino ho’o latang te pandé selamak ata ndékok.” Agu oné-mai sanggéd ata ndékok situ, aku kétay ata ndékok mésén.

YOHANÉS 10:1

Aku curup agu méu: Moro matan, céing ata ngo oné kandang jimbal, toé lorong paray onén, maik tuké lut pété bana, hia hitu ata takoy agu ata rampoky;

MATÉUS 20:28

cama ného Anak Manusia, mai toé kudut te tiba keturu, maik latang te gori keturuy agu téing mosén, te sambé latang te ata do.”

IBRANI 7:25

Landing hitu, Hia ngancéng pandé selamak ali besik kéta sanggén ata situt létang laing Hia ngo oné Mori Keraéng. Ai Hia mosé mtaung kudut ciri Létang témba disé.

2 PÉTRUS 1:11

Ali hitu, méu manga hak mésés te tiba tabing latang te ngo oné Adak tédéng lén, ngong Adak di Yésus Kristus, Mori agu Ata Sambé dité.

IBRANI 6:17

Landing hitu, Mori Keraéng waday du Hia ngoéng te si’ang tu’ung nggere-oné isét tiba mbaté reké Diha, te Hia toé célung kolé rekéN.

MATÉUS 23:13

Copél da’at méu, oé ata pecing Taurat agu méut Parisi, oé méut pisik, ai méu ata tadud parad Adak Surga olo mai ranga data. Ai weki rus méu toé ngo boném maik méus ata panggad isét kudut ngo bonés. [

ROMA 2:21

Ba’ang néng ga, hau ata toing ata bana, toé toing kolé weki rum? Hau ata toing, “Néka tako,” co’o tara weki rum hau tako?

MATÉUS 18:10

Nuk di’a-di’a néka hang le hep cengatan oné mai anak koé so’o. Ai Aku taé agu méu: Manga dé malékatd isé éta Surga, ata lélo mtaung ranga de Ema Dakus éta Surga. [

MARKUS 11:17

Itu kali Hia toing isén, mai taén: “Toé léng poli mangan tulis: Mbaru Daku te caro mbaru ngaji latang te sanggéd wa’u? Maik méu ho’o pandé ciri cewo data takoy!”

YOHANÉS 12:6

Curup hitu diha, toé landing le nuk ata lénggéy, maik hia hitu ata takoy, hia dondé emi kaut séng ata na’a oné kas situt cau diha.

MATÉUS 21:13

mai taén agu isé: “Manga tulis: Mbaru Daku, mbaru te ngaji. Maik le méu ciri kaut cewo data tako laingy.”

YOHANÉS 5:40

maik méu toé mai oné Akum kudut haéng mosé tédéng lén.

YOHANÉS 10:11

Akuy ata lami jimbal hitut di’a. Ata lami jimbal di’a, oké mosén latang te sanggéd jimbaln;

MATÉUS 18:11

Ai mai de anak Manusia latang te mo’eng isét mora.”]