YOHANÉS 1:51 - Bahasa Manggarai New Testament

⁵¹ Poli hitu taé le Mori Yésus oné hia: “Aku tombo agu hau, moro matan, ata tu’ungn hau te ita léngay awang, agu sanggéd malékat de Mori Keraéng nggere-wa nggere-étas mai cé’é Anak Manusia.”

YOHANÉS 1:51 Referans Kwoze

TOMBO PÉTÉ GORI DE RASUL-RASUL 7:56

Mai taén: “Tu’ung kéta, aku ita léngan awang agu Anak Manusia hesé oné racap wanang de Mori Keraéng.”

LUKAS 22:43

Main cengata malékat éta mai awang, toto wekin agu Hia, kudut metek nai Diha.

LUKAS 2:13

Agu rodo itad cama laing agu malékat hitu lawa do éta Surga, ata naring Mori Keraéng, taéd:

MARKUS 14:62

Mai walé de Mori Yésus: “Tu’ung, Aku ho’oy, agu kudut ita le méu Anak Manusia lonto oné racap wanang de Mori Pu’un Kuasa, agu mai lobo rewung éta awangy.”

MARKUS 1:10

Du mai oné mai waén Hia, rodo ita Liha léngay awang agu Nai Nggeluk wa’u ného Tekur Jawa lobo Hiay.

MATÉUS 3:16

Du polig cebongn, Mori Yésus hidi-hada pé’ang oné mai waé, rémé nggitun, cengka awang, agu ita liha Nai Nggeluk wa’u ného tekur jawa lobo Hiay,

TOMBO PÉTÉ GORI DE RASUL-RASUL 10:11

Ita liha lénga awang agu wa’u éta mai cama ného towé ngéngga ata wéo oné pat bincungn ata wa’u nggere-wa tana.

LUKAS 3:21

Du sanggéd ata do situ, poli taung cebongd, agu du Mori Yésus kolé cebongy agu rémé ngajin, rodo cengka awang,

MATÉUS 4:11

Itu kali jing da’at pencang Hia, itas néng ga mai malékat-malékat te gatang Mori Yésus.

WIDANG SI’ANG ONÉ HI YOHANÉS 19:11

Itug kali itan laku céngkay para Surga. Manga ca jarang jampi agu Hiat létin, ngasangn: “Ata Junggu agu Molor.” Hia agiln oné beté-bicar agu oné rampas.

WIDANG SI’ANG ONÉ HI YOHANÉS 4:1

Poli hitu ita laku: Ca para éta Surga ngai céngka kin agu reweng hitut dengé laku danong, tombo oné aku cama ného runing de terompét, “Maih wa mai ga, Aku te toto oné hau apa ata paka jari laingn tai.”

2 TÉSALONIKA 1:7

Agu latang te méu ata rémé ta’ong susa – nenggitu kolé latang te ami - Mori Keraéng te téing cembes oné méu du leso wa’un Mori Yésus éta-mai Surga agu toto wekin, cama laing agu sanggéd malékat situt manga kuasa méséd oné api hitut dila haok.

LUKAS 2:9

Rodo hesén cengata malékat de Mori Keraéng ruis isé, agu dirap de Mori, néray baling isé; agu isé rantang da’ats.

IBRANI 1:14

Sanggéd malékat situ ata keturu de Mori Keraéng éta Surga, agu ata wuat Liha te campé sanggéd ata te tiba mbaté selamaks.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

YOHANÉS 10:1

Aku curup agu méu: Moro matan, céing ata ngo oné kandang jimbal, toé lorong paray onén, maik tuké lut pété bana, hia hitu ata takoy agu ata rampoky;

LUKAS 22:69

Wangka ho’o main Anak Manusia, poli lonto du racap wanang de Mori Keraéngn, ata pu’un kuasa.”

MATÉUS 25:31

“Émé cai Anak Manusia agu néra mésén, agu sanggéd malékatn cama laing agu Hias, itu Hia te lonto angos lobo serigan.

YUDAS 1:14

Hi Hénokh, waé te pitun di Adam, poli ba pedé danong latang te isé situ, nggo’o taén, “Mori Keraéng agu cebu kétas malékat nggeluk te mais.

2 TÉSALONIKA 1:9

Isé so’o te hena le wahéngs, ampus tédéng lén, pandé tadang oné-mai ranga de Morin agu oné-mai kuasa méséN.

YOHANÉS 14:12

Aku taé agu méu: Tadan kéta, céing ata imbi Akun, hia te pandé kolés sanggéd gori situ, ngo-ngot gori ata céwé mésén oné mai hitu. Ai Aku ngo éta hi Emak;

YOHANÉS 6:47

Aku taé agu méu: Ata tu’ungn kéta, céing ata imbi Aku, hia te haéng mosé tédéng lén.

LUKAS 24:4

Rémé di’a heséd agu ngingi-ngangangd landing ita hitu, itu wan ita sua taus ata, hesé ruis isé, paké ceca ata silep kétas.

MATÉUS 26:24

Anak Manusia ata ngo muingy, duha ného ata poli tulis latang te Hia, landing mata oloy ata hitut liha tara téingn Anak Manusia. Céwé di’an ata hitu émé néka loasy.”

YOHANÉS 21:18

Aku curup agu hau: Moro matan, du rémé rebam hau le rum pongo awakm, agu lako ngo nia ngoéngm, maik émé tu’ah ga, hau te lendor limém, agu ata bana te pongo awakm, agu todang nggere-oné osang ata toé ngoéng laing le hau.

YOHANÉS 8:51

Aku curup agu méu ata tu’ungn kéta, céing ata lut reweng Daku, hia toé manga matan dengkir lén.” Mai kolé walé de tu’a data Yahudi situ ngong Hia:

YOHANÉS 6:32

Mai walé de Mori Yésus: “Taé tu’ung Daku agu méu; moro-matan, toé hi Musa hitut téing méu roti éta mai Surga, maik roti ata tu’ungn kéta, roti hitut téing de Ema Daku éta mai Surga.

YOHANÉS 3:5

Mai walé de Mori Yésus: “Aku curup agu hau, ata te tu’ungn émé ca ata toé loas oné mai waé agu Nai Nggeluk, hia toé ngancéng ngo oné Adak de Mori Keraéngn.

YOHANÉS 16:20

Aku curup agu méu: Moron matan, méu te rétang agu jéjéng, maik lino ho’o te nakay; méu te wéongm, maik wéongs hitu te caling ciri kais nai.

YOHANÉS 13:16

Aku taé agu méu: Moro matan, mendi toé ngancéng béta mai morin, ko cengata ata wuat laing toé ngancéng béta mai hiat ata wuatn.

YOHANÉS 10:7

Te cangkalin kolé taé de Mori Yésus: “Aku taé agu méu, moro matan, Akuy parad jimbal situ.

YOHANÉS 6:53

Mai taé de Mori Yésus: “Aku taé agu méu, ata tu’ungn kéta, émé méu toé hang weki de Anak Manusiam agu inung dara'N, méu toé manga mosé oné wekis.

YOHANÉS 5:27

Agu Hia poli téing kuasa oné Anak'N kudut beté bicar, ai Hia Anak Manusiay.

YOHANÉS 5:19

Og walé ata tu’ad Yahudi situ le Mori Yésus; “Aku taé agu méu, tadan, Anak toé ngancéng pandé apa kaut le téti nai Run, émé toé ita Liha apa ata pandé de Ema, ai apa ata pandé li Ema, hitu kolé ata pandé de Anak.

YOHANÉS 3:3

Mai walé de Mori Yésus, taén: “Aku curup agu hau, moro matan, émé cengatan ata toé loas koléy, hia toé ngancéng itan Adak de Mori Keraéng.”

MATÉUS 9:6

Maik kudut baé le méu, te oné lino ho’o Anak Manusia manga kuasan te ampong ndékok.” Mai taén ngong ata péko hitu: “To’oh ga, ba wongka tokom agu kolé mbarum!”

MATÉUS 8:20

Taé de Mori Yésus agu Hia: “Serigala manga liangn agu kaka lélap manga cewon, maik Anak Manusia kali toé kéta manga osangn latang te bérit sa’in.”

YOHANÉS 16:23

Agu du leso hitu, toé manga réi apa-apas agu Aku. Aku taé agu méu: Moron, sanggéd taung situt tegi de méu agu hi Ema, te téings Liha agu méu le ngasang Daku.

YOHANÉS 13:38

Mai walé de Mori Yésus: “Ngancéng hau oké mosém latang te Aku? Ce tu’ungn Aku taé agu hau: Du toé di kakor lalong, hau poli pali Akum telu ngkalin.”

YOHANÉS 8:58

Wantil de Mori Yésus agu isé: “Aku curup agu méu, moro matan, du toé di loas hi Abraham, Aku mangak ga.”

YOHANÉS 8:34

Mai wantil de Mori Yésus agu isé: “Aku taé agu méu, ata tu’ungn kéta, néténg ata hitut manga ndékokn, hia hitu mendi de ndékoky.

YOHANÉS 6:26

Mai walé de Mori Yésus: “Aku taé agu méu, moro matan, kawé Aku de méu, toé landing le ita tanda lenget situ, maik ali méu poli hang roti situ agu becurm.

YOHANÉS 1:50

Walé de Mori Yésus, mai taéN: “Méséng tombo Laku agu hau: Aku ita hau wa mai pu’u haju ara, itu tara imbin le hau? Hau kudut te ita kolé apa ata céwé mésén oné mai hitu.”