YOHANÉS 1:1 - Bahasa Manggarai New Testament

¹ Pu’ung du wangkan manga Reweng; Reweng hitu cama-cama agu Mori Keraéngy, agu Mori Keraéngy Reweng hitu.

YOHANÉS 1:1 Referans Kwoze

YOHANÉS 17:5

Landing hitu yo Ema, bong koé Aku oné ranga Rud Ité, ali bong hitut nipu Laku oné ranga Dité be bolon mangan lino ho’o.

WIDANG SI’ANG ONÉ HI YOHANÉS 19:13

Hia paké juba ata poli lembo oné dara agu ho’oy ngasangN: “Reweng de Mori Keraéng.”

KOLOSÉ 1:17

Be olo mai sanggéd cao-ca, polig mangan Hia, agu sanggéd cao-ca neki-cas oné Hia.

YOHANÉS 1:14

Reweng hitu poli ciri manusian, agu ka’éng baling itéy, agu ité poli ita néra'N, néra hitut téing Hia ného Anak Léca de Ema, penong le widang agu molor tu’ung.

WIDANG SI’ANG ONÉ HI YOHANÉS 22:13

Akuy dé Alfa agu Oméga, Du Wangkan agu Du Cemoln.”

YOHANÉS 1:2

Hia du wangkan muing cama-cama agu Mori Keraéng.

WIDANG SI’ANG ONÉ HI YOHANÉS 1:8

“Aku dé Du Wangkan agu Du Cemoln,” curup de Mori Keraéng, hitut manga, poli mangan, hitut kudut maiy, agu pu’un kuasa.

PILIPI 2:6

Hia koném po ca tara agu Mori Keraéng, maik toé rékéng Liha ca tara agu Mori Keraéng hitu, cama ného paéng Run hiot paka mo’engy.

MATÉUS 1:23

“Ata tu’ungn, anak molas hitu kudut na’ang wekin, agu loas cengata anak ata rona, agu téing lisé ngasangn hi Émanuél.” (Ngong Mori Keraéng manga baling itéy.)

WIDANG SI’ANG ONÉ HI YOHANÉS 21:6

Ce duangn kolé curupN, “Sanggéd taung, polig jarid. Akuy dé Alfa agu Oméga, Du Wangkan agu Du Cemoln. Ata masa waé, téing bod kaut laku te inung oné-mai ulu waé mosé.

IBRANI 13:8

Mori Yésus Kristus hitu cama kéta kin, pu’ung du wangkan, te ho’on agu tédéng lén.

1 YOHANÉS 5:20

Pecing lité te Anak de Mori Keraéng poli cain agu widang nggalas latangt ité, kudut baé lité Mori Keraéng hitut molor. Ali hitu, ité nai ca anggit agu Mori Keraéng agu Yésus Kristus AnakN. Ho’oy Mori Keraéng ata tu’ungn agu ho’oy mosé tédéng lén hitu.

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

YOHANÉS 16:28

Aku mai oné mai hi Ema, agu Aku mai nggere-oné lino; Aku lego kolé lino agu ngo oné hi Ema.”

WIDANG SI’ANG ONÉ HI YOHANÉS 1:17

Du poli itan Hia laku, sujuk aku wa wa’iN, cama ného ata matak. Maik Hia témba limé wanangN lobo aku, agu mai taéN, “Néka rantang! Aku dé ata Du Wangkan agu Du Cemoln.

YOHANÉS 20:28

Mai walé di Tomas agu Hia: “Yo Mori agu Mori Keraéng daku.”

TITUS 2:13

Te ho’on ité rémé géréng leso hitut bengkes dité; du leso hitu lino ho’o te ita mengit de Yésus Kristus ngong Mori Keraéng Pu’un Kuasa agu Mori Sambé dité.

IBRANI 7:3

Hi Mélkisédék hitu toé manga endé-eman agu toé manga turuk empon. Leso diha toé manga pu’ungn agu mosé diha toé manga cemoln. Ai hia cama ného Anak de Mori Keraéngy, wiga ciri imam kin tédéng lén.

WIDANG SI’ANG ONÉ HI YOHANÉS 3:14

“Tulis koé latang te malékat de weki serani oné Laodikia: Ho’oy pedé oné-mai hi Amin, Saka-si hitut junggu agu molor, pu’ud sanggéd dédék de Mori Keraéng.

ÉFÉSUS 3:9

Ca salangn kolé, kudut létang laing aku te baé taung lata, co’oy Mori Keraéng hitut dédék tanan wa béangn éta pandé cai olos nanéngN ata pu’ung danong main cehas Liha latang te lino ho’o.

WIDANG SI’ANG ONÉ HI YOHANÉS 1:2

Hi Yohanés tombo sanggéd cao-ca situt poli itad oné uré, ngong tombo de Mori Keraéng ata téing mberesy li Yésus Kristus lut saka-siN.

1 YOHANÉS 5:7

Ai manga telud ata téing saka-si (oné Surga: ngong hi Ema, Reweng agu Nai Nggeluk; telu situ léléng cas kali.

ROMA 9:5

Isé waé de empo ata loas Mésias. Hia béta-mai sanggéd cao-ca. Hia hitu Mori Keraéng ata patun te naring tédéng lén. Amén!

YOHANÉS 1:18

Toé kéta manga cengatan ata poli ita Mori Keraéng; maik Anak léca de Mori Keraéng, ata manga oné lobo pa’a de Ema'N, Hia dé ata tombon.

WIDANG SI’ANG ONÉ HI YOHANÉS 2:8

“Tulis koé latang te malékat de weki serani oné Smirna: Ho’oy curup oné-mai Hia hitut Du Wangkan agu Turung Cemol, ata poli matan agu poli mosé kolén.

2 PÉTRUS 1:1

Oné-mai hi Simon Pétrus, mendi agu rasul di Yésus Kristus; latang te méu ata cama-cama agu ami tiba imbi landing agil de Mori Keraéng agu hi Yésus Kristus, Ata Sambé dité.

WIDANG SI’ANG ONÉ HI YOHANÉS 1:11

Nenggo’oy reweng hitu, “Tulis di’a-di’as apa ata ita le hau, agu katus tulis de hau situ latang te pitu liup weki serani: Oné Éfésus, Smirna, Pérgamus, Tiatira, Sardis, Filadélfia agu oné Laodikia.”

LUKAS 24:53

Isé naring agu bong mtaung Morin oné Mbaru de Mori Keraéng.

YOHANÉS 8:58

Wantil de Mori Yésus agu isé: “Aku curup agu méu, moro matan, du toé di loas hi Abraham, Aku mangak ga.”

KOLOSÉ 1:15

Hiay gambar de Mori Keraéng ata toé ita le matay, ata ngaso, céwé lando oné-mai sanggéd ata poli dédék.