WIDANG SI’ANG ONÉ HI YOHANÉS 8:5 - Bahasa Manggarai New Testament

⁵ Itug kali emin dupa hitu le malékat, na’a bonén le api wara oné-mai compang agu wéwéng nggere-oné lino. Itu kali dengén mpirang genggus mésé, wili-welok pasat agu nupung.

WIDANG SI’ANG ONÉ HI YOHANÉS 8:5 Referans Kwoze

WIDANG SI’ANG ONÉ HI YOHANÉS 11:19

Itug kali céngkan Mbaru Nggeluk de Mori Keraéng éta Surga agu itay Peti Reké oné Mbaru Nggeluk hitu. Og wili-welokn pasat agu mpirang genggus, nupung mésé agu usang bua.

WIDANG SI’ANG ONÉ HI YOHANÉS 4:5

Oné-mai seriga hitut oné beréha, tuan pasat agu genggus ata mpirang kétay runingn. Bolo-mai seriga situ, manga pitud culu ata ngai dila haok kid. Hitus dé pitu nai de Mori Keraéng.

TOMBO PÉTÉ GORI DE RASUL-RASUL 16:26

Rodo cain nupung mésé wiga watu ligéng bui hitu gégoy, agu du hitu muing céngka taungs para bui agu kedok taungs lampang disé.

WIDANG SI’ANG ONÉ HI YOHANÉS 11:13

Og kali kéngkungn nupung mésé. Béndar hitu rencoy pati laing cepulu, pitu sebud ata mata ali nupung hitu. Sanggéd taung ata bana rantang da’ats, itug kali bong agu naring Mori Keraéng hitut éta Surga.

WIDANG SI’ANG ONÉ HI YOHANÉS 6:12

Du Anak Jimbal hitu nggé’i roku hitut te enem, noing kéta laku tuan nupung mésé agu ita laku mata leso ciri nendep, cama ného tuil wié mésé agu wulang ciri ndéréng mana daray.

TOMBO PÉTÉ GORI DE RASUL-RASUL 4:31

Agu du rémé ngajid isé, gégoy osang baté lipur disé agu sanggéd taung isé penong le Nai Nggeluks, og kali keréba lisé sanggéd reweng de Mori Keraéng agu mberes kétas.

LUKAS 12:49

Mai Daku kudut wéwér api oné lino, agu bengkes tu’ung Laku, api hitu polig dilan!

MATÉUS 24:7

Ai wa’u ca te to’o dungkang wa’u ca, raja ca dungkang raja ca. Te manga darem agu nupung oné néténg tana.

WIDANG SI’ANG ONÉ HI YOHANÉS 8:3

Manga kolé cengata malékat ata ba dupa emas hesé bolo-mai compang. Oné hia téing kemenyan te keté dupa, kudut takung cama agu ngaji de sanggéd ata serani éta compang emas bolo-mai seriga hitu.