WIDANG SI’ANG ONÉ HI YOHANÉS 5:8 - Bahasa Manggarai New Testament

⁸ Du tiban Liha surak hitu, kaka pat situ agu suampulu pat tu’a suju olo-mai ranga Diha. Néténg-néténg isé, cau gici ca’d kecapi agu ca piala emas ata kembus le nus dupa: Hitu dé ngaji de sanggéd weki serani.

WIDANG SI’ANG ONÉ HI YOHANÉS 5:8 Referans Kwoze

WIDANG SI’ANG ONÉ HI YOHANÉS 4:10

Itug kali cunemd suampulu patd tu’a situ bolo-mai ranga Diha hitut lonto lobo seriga hitu agu io Hias, ngong Hia hitut mosé tédéng lén. Isé na’a was songkok emas bolo-mai seriga hitu, cang agu taéd:

WIDANG SI’ANG ONÉ HI YOHANÉS 5:14

Walé de kaka pat situ, “Amén”, agu sanggéd taung tu’a situ kolé suju agu ios.

WIDANG SI’ANG ONÉ HI YOHANÉS 4:4

Baling-mai seriga hitu, manga suampulu patd seriga bana ata lonto le suampulu patd Tu’a. Sanggéd Tu’a situ, sélék ceca bakoks agu songkok emas éta sa’id.

WIDANG SI’ANG ONÉ HI YOHANÉS 19:4

Suampulupat tu’a agu pat kaka situ, io agu suju Mori Keraéng hitut lonto bétan kedéra hitu, mai taéd, “Amén, Aleluya.”

WIDANG SI’ANG ONÉ HI YOHANÉS 5:6

Itug kali ita laku ca Anak Jimbal hesé oné bahi-réha seriga hitut léok le patd kaka agu sanggéd tu’a. Anak Jimbal hitu lélon laku néhot poli mbelén, pitud ranggan agu pitud kolé matan: Hitus pitud nai de Mori Keraéng ata poli wuat nggere-oné temu tana lino.

WIDANG SI’ANG ONÉ HI YOHANÉS 4:8

Néténg kaka situ manga gici enem lebéd, boné agu be pe’ang lebé situ lanar mata. Toé kéta beténgs déré naring wié-lesod: “Nggeluk, nggeluk, nggeluk ga Mori Keraéng, Mori ata Pu’un Kuasa, ata poli mangan, ata mangan agu hitut kudut maiy.”

WIDANG SI’ANG ONÉ HI YOHANÉS 15:7

Ca oné-mai patd kaka situ, téing oné malékat pitu situ, pitud piala emas ata penong ali rabo de Mori Keraéng.

WIDANG SI’ANG ONÉ HI YOHANÉS 15:2

Ita kolé laku cao-ca ného tacik sereméng halok le api. Oné lupi tacik sereméng hitu, hesés sanggéd ata situt poli ontong dungkang kaka situ agu patungd agu angka ngasangn. Isé cau kecapi ata téing de Mori Keraéng.

YOHANÉS 5:23

kudut sanggéd ata situt hiang hi Anak cama ného hiang hi Ema. Céing kaut ata toé hiang hi Anak, cama ného toé hiang hi Emay hitut wuat Hia.

IBRANI 1:6

Céwén kolé, du Hia dadé Anak ngason nggere-cé’é lino ho’o, mai taéN: “Sanggéd malékat de Mori Keraéng paka suju Hias.”

YOHANÉS 1:29

Ného diangn ga hi Yohanés ita main Mori Yésus mai nggere- cé’é hiay, agu mai taén: “Lélo ga Anak Jimbal de Mori Keraéng, ata koso ndékok de lino.

WIDANG SI’ANG ONÉ HI YOHANÉS 4:6

Oné dungka seriga hitu, manga ita cao-ca ata ného tacik sereméng ata cino kétay cama ného watu nggireng. Baling-mai seriga hitu, oné pat bincungn, manga patd kaka, lanar mata bolo-mai agu bemusi mai.

WIDANG SI’ANG ONÉ HI YOHANÉS 5:11

Itug kali ita agu dengéd laku reweng de malékat ata do kétas léok-mai seriga, pat kaka agu sanggéd tu’a-tu’a situ. Dod malékat situ toé ngancéng rékéngd,

WIDANG SI’ANG ONÉ HI YOHANÉS 5:12

agu télés kéta déréd, “Anak Jimbal hitut poli mbelé patun te tiba kuasa, bora, nggalas, mberes, hiang, mengit, agu sanggéd naring!”

WIDANG SI’ANG ONÉ HI YOHANÉS 6:1

Itug kali itan laku Anak Jimbal hitu nggé’i roku hitut laring cain oné-mai pitud roku situ. Dengé laku ca oné-mai patd kaka situ rewengn cama ného gentur de genggus, “Mai é!”

WIDANG SI’ANG ONÉ HI YOHANÉS 13:8

Sanggén taung ata ka’éng oné temu tana lino te io hias, ngong isé siot du pu’ung dédékn tana lino toé manga ngasangd oné Buku Data Mosé de Anak Jimbal, hitut poli mbelén.