WIDANG SI’ANG ONÉ HI YOHANÉS 21:10 - Bahasa Manggarai New Testament

¹⁰ Itu kali Mori Keraéng Nai Nggeluk kuasa akuy, agu malékat hitu dadé akuy nggere-éta poco mésé ata langkas kétay. Toi liha oné aku béndar nggeluk Yérusalém weru, hitut wa’u éta-mai Surgan oné-mai Mori Keraéngn.

WIDANG SI’ANG ONÉ HI YOHANÉS 21:10 Referans Kwoze

WIDANG SI’ANG ONÉ HI YOHANÉS 21:2

Ita kolé laku béndar nggeluk, ngong Yérusalém weru, wa’u éta-mai Surgan, oné-mai Mori Keraéng. Béndar nggeluk hitu polig sélékn, cama ného naca ata géréng kopé harat.

WIDANG SI’ANG ONÉ HI YOHANÉS 17:3

Poli hitu Nai Nggeluk de Mori Keraéng kuasa akuy, agu dadék aku le malékat hitu nggere-oné satar mambak. Ita laku cengata iné-wai lonto bétan ca kaka ata wara kuntem wulun. Kaka hitu manga pitud sa’in agu cepulud ranggan, agu oné wekin penong le tulis loér-lokét Mori Keraéng.

WIDANG SI’ANG ONÉ HI YOHANÉS 1:10

Du leso de Mori Keraéng, aku kuasa le Nai Nggeluk agu aku dengé musi mai tonig, ca reweng ata nilor kétay, ného runing de terompét.

TOMBO PÉTÉ GORI DE RASUL-RASUL 8:39

Du koléd wa mai waé, Nai Nggeluk dumuk dadé kaut hi Pelipus, wiga pegawé de raja hitu toé ita hian ga. Hia lako ruday déméng agu nisang nain.

WIDANG SI’ANG ONÉ HI YOHANÉS 4:2

Lampuk kétak aku kuasa le Nai Nggeluk. Lélo laku manga ca seriga, agu Cengata ata lonto oné seriga hituy.

GALATIA 4:26

Maik Yérusalém oné Surga, ngong iné-wai hitut toé mendi agu hia hitu endé dité.

WIDANG SI’ANG ONÉ HI YOHANÉS 3:12

Céing ata ontong, hia hitu te pandé siri laingy Laku oné Mbaru Nggeluk de Mori Keraéng. Hia hitu te ka’éng tédéng lén oné osang hitu. Ngasang de Mori Keraéng agu ngasang de béndarN, ngong Yérusalém weru ata wa’u éta-mai Surgan, tulis Laku oné weki data hitu. Nenggitu kolé ngasang ata werun Daku te tulis oné hiay.

WIDANG SI’ANG ONÉ HI YOHANÉS 11:2

Landing néka wolo natas de Mbaru Nggeluk hitu, ai natas hitu poli téing oné sanggéd wa’u bana, agu isé situ te wedi Béndar Nggeluk tédéng pat-mpulusua wulang.”