WIDANG SI’ANG ONÉ HI YOHANÉS 18:23 - Bahasa Manggarai New Testament

²³ Gérak de lampum, pesa gi. Ramé kawing toég manga. Ai sanggéd ata dagangm danong ciri tuang mésé oné lino, agu ali mbeko jantom pandé wéléng sanggéd wa’u.”

WIDANG SI’ANG ONÉ HI YOHANÉS 18:23 Referans Kwoze

WIDANG SI’ANG ONÉ HI YOHANÉS 18:3

Tara rencon béndar hitu, ai sanggéd wa’u poli inung anggor belek da’atn kudut loma. Sanggéd raja oné lino poli loma agu hiad, agu sanggéd ata dagang poli ciri borad ali toé ngancéng po’é belek da’atn.”

WIDANG SI’ANG ONÉ HI YOHANÉS 22:15

Maik isét ného acu, isét janto, isét mbérong, isét paki ata, isét io pina-naéng agu isét pandé nggopét ka’éng bepé’ang béndar hitu.

WIDANG SI’ANG ONÉ HI YOHANÉS 21:8

Maik sanggéd ata siot kekop, toé imbi, janto, lenci, mbelé ata, mbérong, io pina-naéng agu sabi nggopét, isé te tiba makid oné api agu mburé mésé hitut dila haok kin. Ho’oy dé mata te suan.”

WIDANG SI’ANG ONÉ HI YOHANÉS 18:22

Bonén hau, toé manga dengé kolé reweng disét labar kecapi, isét déré, isét tebang sunding agu terompét. Toé kéta manga cengatan ata pecing te gori sanggéd ata manikn, toé manga dengé koléd pék watu pénang.

WIDANG SI’ANG ONÉ HI YOHANÉS 18:9

Sanggéd raja oné lino ata poli loma agu manté borad cama agu hia, te rétangs agu walus, du ita lisé kembus nus api hitut tapa hia.

WIDANG SI’ANG ONÉ HI YOHANÉS 17:5

Oné sa’i galan manga tulis ca ngasang ata toé pecing lata betuan. Ho’oy ngasang hitu, “Aku dé Babél mésé, endé de sanggéd iné-wai mbérong agu ata hiwe-hawek oné lino.”

WIDANG SI’ANG ONÉ HI YOHANÉS 17:2

Sanggét raja oné lino poli loma agu hiad, agu sanggéd ata oné lino poli langud taung le anggor loma diha.”

WIDANG SI’ANG ONÉ HI YOHANÉS 22:5

Toég manga kolé wié oné béndar hitu, ai isé toé manga sékék gérak de lampu agu gérak de mata leso. Mori Keraéng dé te pandé gérak isé, agu isé te perénta ného rajas dengkir lén.

WIDANG SI’ANG ONÉ HI YOHANÉS 12:9

Manunggé mésé ko ular médé hitu, ngong Jing da’at hitut pandé wéléng ata oné tana lino, péncar nggere-wa linoy, cama laing agu sanggéd malékatn.

TOMBO PÉTÉ GORI DE RASUL-RASUL 8:11

Isé lut hia, ai dondé bailn ga pandé lenget isé ali mbekon.

WIDANG SI’ANG ONÉ HI YOHANÉS 6:15

Sanggéd taung raja oné lino, tuang mésé, serdadu pangkat mésé, ata bora, ata cau kuasa, sanggéd mendi ko toé mendi, tepeng taungs oné liang agu oné ngero watu nampar éta poco.

WIDANG SI’ANG ONÉ HI YOHANÉS 9:21

Isé toé tesers oné-mai mbelé ata, janto ata, ngoéng ata agu tako ceca data.