WIDANG SI’ANG ONÉ HI YOHANÉS 1:4 - Bahasa Manggarai New Testament

⁴ Oné-mai hi Yohanés latang te weki serani situt pitu liupd oné propinsi Asia Koé. Widang agu hambor-libur loréng méu, oné-mai Mori Keraéng, ngong Hia hitut manga agu poli mangan agu te maiy. Tabé kolé oné-mai pitud nai situt manga olo-mai seriga Diha.

WIDANG SI’ANG ONÉ HI YOHANÉS 1:4 Referans Kwoze

IBRANI 13:8

Mori Yésus Kristus hitu cama kéta kin, pu’ung du wangkan, te ho’on agu tédéng lén.

YOHANÉS 1:1

Pu’ung du wangkan manga Reweng; Reweng hitu cama-cama agu Mori Keraéngy, agu Mori Keraéngy Reweng hitu.

WIDANG SI’ANG ONÉ HI YOHANÉS 5:6

Itug kali ita laku ca Anak Jimbal hesé oné bahi-réha seriga hitut léok le patd kaka agu sanggéd tu’a. Anak Jimbal hitu lélon laku néhot poli mbelén, pitud ranggan agu pitud kolé matan: Hitus pitud nai de Mori Keraéng ata poli wuat nggere-oné temu tana lino.

WIDANG SI’ANG ONÉ HI YOHANÉS 4:5

Oné-mai seriga hitut oné beréha, tuan pasat agu genggus ata mpirang kétay runingn. Bolo-mai seriga situ, manga pitud culu ata ngai dila haok kid. Hitus dé pitu nai de Mori Keraéng.

WIDANG SI’ANG ONÉ HI YOHANÉS 1:8

“Aku dé Du Wangkan agu Du Cemoln,” curup de Mori Keraéng, hitut manga, poli mangan, hitut kudut maiy, agu pu’un kuasa.

WIDANG SI’ANG ONÉ HI YOHANÉS 3:1

“Tulis koé latang te malékat de weki serani oné Sardis: Ho’oy reweng Diha, ata paéng pitud nai de Mori Keraéng agu pitud ntala situ: Pecing Laku sanggéd gori de méu: Taés méu mosém, kalim po matam!

JAMES 1:17

Sanggéd téing ata di’an agu tabing ata besikd, mai éta-maid, ngong wa’u éta-mai hi Ema ata dédék sanggéd gérak éta awang. Hia dé Mori Keraéng ata toé manga caling ko campit tara mangan nendep.

WIDANG SI’ANG ONÉ HI YOHANÉS 4:8

Néténg kaka situ manga gici enem lebéd, boné agu be pe’ang lebé situ lanar mata. Toé kéta beténgs déré naring wié-lesod: “Nggeluk, nggeluk, nggeluk ga Mori Keraéng, Mori ata Pu’un Kuasa, ata poli mangan, ata mangan agu hitut kudut maiy.”

WIDANG SI’ANG ONÉ HI YOHANÉS 3:7

“Tulis koé latang te malékat de weki serani oné Filadélfia: Ho’oy pede oné-mai Hiat Nggeluk, Hiat Molor ata cau kunci de Raja Daud. émé céngka Liha toé manga ata ngancéng tadun; émé tadu Liha, toé kolé manga ata ngancéng céngkan.

ROMA 1:7

Latang te sanggés méut ka’éng oné Roma, ata momang le Mori Keraéng, ata bénta agu ciri ata nggelukm: Tabing loréng méu agu hambor-meler oné mai Mori Keraéng, Ema dité agu oné mai Mori Yésus Kristus.

WIDANG SI’ANG ONÉ HI YOHANÉS 2:8

“Tulis koé latang te malékat de weki serani oné Smirna: Ho’oy curup oné-mai Hia hitut Du Wangkan agu Turung Cemol, ata poli matan agu poli mosé kolén.

WIDANG SI’ANG ONÉ HI YOHANÉS 1:20

Ho’os pété ceha ntala situt pitu ata poli ita le hau oné limé wanang Daku, agu pété ceha pitud wa’i lampu emas situ: Pitu ntala situ ngong malékat de pitu liup weki serani, agu pitu wa’i lampu situ ngong pitu liup weki serani.”

WIDANG SI’ANG ONÉ HI YOHANÉS 1:11

Nenggo’oy reweng hitu, “Tulis di’a-di’as apa ata ita le hau, agu katus tulis de hau situ latang te pitu liup weki serani: Oné Éfésus, Smirna, Pérgamus, Tiatira, Sardis, Filadélfia agu oné Laodikia.”

2 KORINTUS 1:2

Widang agu hambor-libur oné mai Mori Keraéng Ema dité agu oné mai Mori Yésus Kristus loréng méu.

1 KORINTUS 1:3

Tabing agu hambor-libur oné-mai Mori Keraéng, Ema dité agu oné-mai Mori Yésus Kristus loréng méu.

WIDANG SI’ANG ONÉ HI YOHANÉS 3:14

“Tulis koé latang te malékat de weki serani oné Laodikia: Ho’oy pedé oné-mai hi Amin, Saka-si hitut junggu agu molor, pu’ud sanggéd dédék de Mori Keraéng.

WIDANG SI’ANG ONÉ HI YOHANÉS 2:18

“Tulis koé latang te malékat de weki serani oné Tiatira: Ho’oy reweng de Anak de Mori Keraéng, hitut mataN ného dila de api agu wa’iN cama ného tembaga:

WIDANG SI’ANG ONÉ HI YOHANÉS 2:12

Tulis koé latang te malékat de weki serani oné Pergamus. Ho’oy curup Diha hitut paké keléwang harat bali:

WIDANG SI’ANG ONÉ HI YOHANÉS 1:1

Ho’oy si’ang de Mori Yésus Kristus ata widang le Mori Keraéng, kudut toi oné sanggéd mendiN apa ata kudut gélang jiri laing. Mori Yésus poli widang si’ang hitu oné mendiN hi Yohanés lut malékatN hitut wuat Liha.

TOMBO PÉTÉ GORI DE RASUL-RASUL 19:10

Toing ata ho’o pandé liha tédéng sua ntaung. Wiga sanggéd ata Yahudi agu ata Yunani oné tana Asia, dengé keréba reweng de Mori Keraéngs.

TOMBO PÉTÉ GORI DE RASUL-RASUL 2:9

Ité ho'o ata Partia, Média, Élam, ata Mésopotamia, Yudéa agu Kapadokia, Pontus agu Asia,

WIDANG SI’ANG ONÉ HI YOHANÉS 1:9

Aku, hi Yohanés asé-ka’és ca imbi ata lut cama oné susa, oné ca tana de adak agu oné gepek géréng Mori Yésus. Aku poli okég oné nuca Patmos, landing wéro pedé de Mori Keraéng ata mberesy le Mori Yésus lut saka-siN.

WIDANG SI’ANG ONÉ HI YOHANÉS 1:17

Du poli itan Hia laku, sujuk aku wa wa’iN, cama ného ata matak. Maik Hia témba limé wanangN lobo aku, agu mai taéN, “Néka rantang! Aku dé ata Du Wangkan agu Du Cemoln.

WIDANG SI’ANG ONÉ HI YOHANÉS 8:2

Og itad laku pitud malékat ata hesé bolo-mai ranga de Mori Keraéng, agu isé tiba pitud terompét.

WIDANG SI’ANG ONÉ HI YOHANÉS 16:5

Dengé laku taé de malékat hitut manga kuasan latang te waé, “Agild Ité, Itét manga agu ata poli manga! Ité ata nggeluk, ai Ité poli téing wahéng ho’o.

WIDANG SI’ANG ONÉ HI YOHANÉS 22:8

Aku hi Yohanés, akuy dé ata poli dengé agu itad sanggéd taung situ. Du poli dengéd agu itad laku, cunem agu sujuk bolo-mai wa’i de malékat ata poli toid sanggéd taung situ.

WIDANG SI’ANG ONÉ HI YOHANÉS 22:16

“Aku dé hi Yésus, ata poli wuat malékatG kudut téing saka-si sanggéd taung so’o oné weki serani. Akuy dé cingn, ngong waé di Daud, ntala géwang ata néra kéta.”