WIDANG SI’ANG ONÉ HI YOHANÉS 1:1 - Bahasa Manggarai New Testament

¹ Ho’oy si’ang de Mori Yésus Kristus ata widang le Mori Keraéng, kudut toi oné sanggéd mendiN apa ata kudut gélang jiri laing. Mori Yésus poli widang si’ang hitu oné mendiN hi Yohanés lut malékatN hitut wuat Liha.

WIDANG SI’ANG ONÉ HI YOHANÉS 1:1 Referans Kwoze

WIDANG SI’ANG ONÉ HI YOHANÉS 22:16

“Aku dé hi Yésus, ata poli wuat malékatG kudut téing saka-si sanggéd taung so’o oné weki serani. Akuy dé cingn, ngong waé di Daud, ntala géwang ata néra kéta.”

WIDANG SI’ANG ONÉ HI YOHANÉS 22:6

Mai taé de malékat hitu oné aku, “Sanggéd curup so’o molord agu ngancéng imbi laings. Mori Keraéng ata téing Nai NggelukN oné sanggéd nabi, poli wuat malékatN kudut toi oné sanggéd mendi Diha apa ata paka gélang jari laing.”

GALATIA 1:12

Ai aku toé tiba keréba di’a ho’o oné-mai manusian agu toé kolé manusia ata toingn oné aku, maik tiba laku lut si’ang di Yésus Kristus.

ÉFÉSUS 3:3

Mori Keraéng poli si’ang nanéngN hitut pété ceha agu poli tombon Liha oné aku. Latang te nanéngN hitut pété ceha, polig tulisn laku oné méu bolon.

WIDANG SI’ANG ONÉ HI YOHANÉS 1:19

Landing hitu tulis apa ata poli itad le hau, so’ot mangad te ho’on ko situt jiri laingd tai.

WIDANG SI’ANG ONÉ HI YOHANÉS 1:9

Aku, hi Yohanés asé-ka’és ca imbi ata lut cama oné susa, oné ca tana de adak agu oné gepek géréng Mori Yésus. Aku poli okég oné nuca Patmos, landing wéro pedé de Mori Keraéng ata mberesy le Mori Yésus lut saka-siN.

YOHANÉS 3:32

Hia téing sakasi latangt apa situt itan agu situt dengén, maik toé kéta manga cengatan ata tiba sakasi Diha situ.

YOHANÉS 15:15

Méu toé kolé caro mendim Laku ai mendi toé mopo apa hitut pandé de morin, maik Aku bénta méu haé reba, ai Aku poli tombo agu méu, sanggéd situt poli dengé Laku oné mai Ema Daku.

WIDANG SI’ANG ONÉ HI YOHANÉS 4:1

Poli hitu ita laku: Ca para éta Surga ngai céngka kin agu reweng hitut dengé laku danong, tombo oné aku cama ného runing de terompét, “Maih wa mai ga, Aku te toto oné hau apa ata paka jari laingn tai.”

YOHANÉS 12:49

Ai curup Daku situ toé oné mai mu’u Rug Aku, maik hi Ema hitut wuat Aku. Hiay ata perénta Aku, kudut wéwa apa situt paka tombos Laku, agu caings Laku.

YOHANÉS 8:26

Do kid situt paka curups Laku, agu kudut bicars laku latang te méu; maik Hiat wuat Aku, ata molor tu’ung kéta, agu apa situt poli dengé Daku oné mai Hia, hitu kolés ata tombo Daku agu lino ho’o.”

WIDANG SI’ANG ONÉ HI YOHANÉS 21:2

Ita kolé laku béndar nggeluk, ngong Yérusalém weru, wa’u éta-mai Surgan, oné-mai Mori Keraéng. Béndar nggeluk hitu polig sélékn, cama ného naca ata géréng kopé harat.

ROMA 16:25

Latang te Hia ata manga kuasan pandé mberés méu – lorong Keréba Di’a hitut mésé ngasangn agu keréba latang te Mori Yésus Kristus, lorong agu céngkan pété ceha hitut ceha médé main,

YOHANÉS 17:8

Ai sanggéd curup situt caings Lité agu Aku, polis Laku caingd agu isé, agu polisg tibad lisé. Pecing kéta tu’ung lisé, te Aku mai oné mai Itég, agu imbi lisé, te Ité ata wuatg Aku.

TITUS 1:1

Oné-mai aku hi Paulus, mendi de Mori Keraéng agu rasul di Yésus Kristus latang te tinu imbi de weki serani agu pecing do latang te molor, ného hitut ita oné ngaji dité,

WIDANG SI’ANG ONÉ HI YOHANÉS 5:7

Itug kali main Anak Jimbal hitu te tiba surak hitu oné-mai limé wanang Diha hitut lonto éta seriga.

WIDANG SI’ANG ONÉ HI YOHANÉS 17:1

Itug kali main cengata oné-mai malékat pitu situt ba pitud piala, taé oné aku, “Mai ga, aku kudut toto oné hau wérét latang te iné-wai mbérong mésé, hitut lonto oné osang ata do waén.

WIDANG SI’ANG ONÉ HI YOHANÉS 19:9

Itu kali malékat hitu jera aku, “Tulis ga: Mosé di’a isét siro te hang cama oné ramé kawing de Anak Jimbal.” Mai kolé taén, “Ho’oy keréba ata molorn tu’ung, ai oné-mai weki Run Mori Keraéng.”

WIDANG SI’ANG ONÉ HI YOHANÉS 19:10

Itug kali aku suju bolo-mai wa’i, maik mai taén, “Néka pandé nenggitu! Ai aku kolé ca mendi cama-ného hau agu sanggéd asé-ka’é ca imbim, ata cau tu’ung saka-si de Mori Yésus. Suju Mori Keraéng kaut! Ai saka-si de Mori Yésus hitu te téing nggalas atat ba pedé de Mori Keraéng.”

WIDANG SI’ANG ONÉ HI YOHANÉS 21:9

Poli hitu, mai cengata oné-mai pitu malékat ata cau pitud piala, ata penong le pitu copél turung cemol hitu, cumang akuy mai taén, “Mai cé’é ho’o, aku kudut toto oné hau, haé kilo de Anak Jimbal.”

WIDANG SI’ANG ONÉ HI YOHANÉS 22:1

Itug kali toin liha oné aku ngalor waé mosé oné be réha salang de béndar hitu, ata cino ného watu nggireng wa’a oné-mai seriga de Mori Keraéng agu seriga de Anak Jimbal.

WIDANG SI’ANG ONÉ HI YOHANÉS 22:8

Aku hi Yohanés, akuy dé ata poli dengé agu itad sanggéd taung situ. Du poli dengéd agu itad laku, cunem agu sujuk bolo-mai wa’i de malékat ata poli toid sanggéd taung situ.

WIDANG SI’ANG ONÉ HI YOHANÉS 22:9

Landing mai taén, “Néka pandé nenggitu! Ai aku kolé ca mendi cama-ného hau agu sanggéd asé-ka’é ca imbim, sanggéd nabi, agu sanggéd isét lorong curup de surak ho’o. Suju Mori Keraéng kaut!”