PILIPI 4:19 - Bahasa Manggarai New Testament

¹⁹ Mori Keraéng daku te téing sanggéd sékék de méu lorong bora agu mengit Diha oné hi Kristus Yésus.

PILIPI 4:19 Referans Kwoze

1 PETRUS 5:10

Mori Keraéng pu’ud sanggéd widang poli pilé méu oné hi Kristus te dadé méu nggere-oné mengit Diha hitut tédéng lén. Du méu poli ta’ong cekoén susa, Hia kolé te pandé jepek, ndeng, mberes agu pandé metek méu.

2 TIMOTÉUS 6:17

Langga kid latang te sanggéd ata bora oné lino ho’o te pandé di’a, kudut isé néka mésé-naid agu néka bengkes oné bora situt toé manga betuad. Maik bengkes kali oné Mori Keraéng hitut téing boraN oné ité, kudut mantes lité.

KOLOSÉ 1:27

Mori Keraéng ngoéng toi oné isé, leng kétay boran agu mengitn pété ceha hitu oné bahi-réha sanggéd wa’u: Ngong hi Kristus manga oné bahi-réha méuy, wiga méu bengkes te tiba mengit de Mori Keraéng

ÉFÉSUS 3:16

Ngaji daku, nahé Mori Keraéng hitut mésé kéta mengitN, patun te pandé mberes nai de méu le Nai NggelukN.

KOLOSÉ 3:16

Nahé reweng di Kristus ka’éng déméng monggu-roun oné bahi-réha méu, wiga méu ali dod nggalas te toing agu langga koé cama taus. Méu wali di’a kamping Mori Keraéng wa mai nais, canggu déré mazmur agu déré naring agu déré nggeluk.

ROMA 8:18

Ai baé laku séang de uwa ho’o toé ngancéng ungang agu mengit hitut té si’ang oné ité.

ÉFÉSUS 1:7

Ai landing le mata di Kristus, ité célad le Mori Keraéng, ngong Hia poli ampongd sanggéd ndékok dité.

2 KORINTUS 4:17

Ai kélo géal ho’o ga, te cir latang te ami mengit tédéng lén ata labi oné mai sanggén cao-ca, céwé mésé oné mai kélo dami.

ROMA 9:23

Mori Keraéng kolé ngoéng te toto bora mengit Diha, latang te sanggéd ata momang Diha ata poli mengkekd latang te mengit,

ÉFÉSUS 3:8

Aku ho’o dé ata céwé bocikn oné-mai sanggéd taung weki serani. Maik Mori Keraéng téing aku widang ho’o: gori kudut wéwa Keréba Di’a oné sanggéd ata toé Yahudi latang te bora di Kristus ata toé ngancéng taungd.

ÉFÉSUS 1:18

Aku gesar oné Mori Keraéng, kudut Hia pandé gérak nais, kudut ngancéng idep apa ata deming laingn oné-mai Mori Keraéng hitut poli bénta méuN. Te baé kolé le méu, co’o kéta penongn berkak ata manikn hitut poli ambin le Mori Keraéng latang te sanggéd weki serani.

ÉFÉSUS 2:7

Pandé hitu le Mori Keraéng kudut du nggere-olon tai, manusia ngancéng noing, co’oy mésén momang de Mori Keraéng. Momang méséN hitu toto oné ité létang laing hi Kristus Yésus.

ROMA 2:4

Asa nuk émong kaut le hau gawas Diha, lembak Diha, agu ngéngga nai Diha? Toé baé le hau ko, te gawas de Mori Keraéng te titong hau kudut teserh?

ROMA 11:33

Olé, leng kéta monggu-roud bora momang, leng keta mésén anor agu pecing de Mori Keraéng! Tu’ung kéta, toé ngancéng pélétd lité sanggéd nggepuk Diha. Tu’ung kéta, toé ngancéng pecings lité salang Diha.

1 PETRUS 5:1

Aku toing sanggéd ata tu’a laing oné bahi-réha méu. Aku ho’o dé haé reba data tu’a laing de méu, ata saka-si ta’ong susa di Kristus agu ata kudut tiba lahé oné mengit di Kristus hitut si’ang tai.

TÉSALONIKA 2:12

Tegi tu’ung lami, kudut mosé de méu lorong ngoéng de Mori Keraéng ata bénta méu nggere-oné osangN agu mengit Diha.

ROMA 1:8

Laring cain kéta aku wali di’a oné Mori Keraéng daku, le Yésus Kristus latang te sanggés méu, ai poli wéro-émbon keréba latang te imbi de méu oné temu tana lino.

YOHANÉS 20:27

Poli hitu mai taéN ngong hi Tomas: “Puci oné pucu Daku mosom, agu lélo limé Daku, agu puci onén limém oné pucu Daku! Hau néka toé imbi koléh, maik imbi kali ga.”

YOHANÉS 20:17

Mai taé de Mori Yésus ngong hia: “Néka cau Aku, ai Aku toé di ngo éta hi Emag, maik ngo oné taung asé-ka’é Daku, agu tura oné isé te ho’on Aku te ngo éta Emag agu Ema de méu; éta Mori Keraéng Daku agu Mori Keraéng de méu.”

FILÉMON 1:4

Aku wali di’a kamping Mori Keraéng, néténg ngaji daku nuk mtaung hau,

2 KORINTUS 12:21

Aku simpungk, émé mai kolék aku Mori Keraéng daku te pandé rendak aku oné ranga de méu. Aku te susa landing ata do situt danong pandé ndékoks toé di tesers oné mai ngoéng ata, loma agu sanggéd pandé da’at disé.

MATÉUS 6:32

Taung situ kawé le sangged uku siot toé pecing Mori Keraéngs. Maik pecing le Emam hitu éta Surga sanggéd sékék de méu situ.

PILIPI 4:7

Hambor-libur de Mori Keraéng ata toé kéta ngancéng idep le manusia, te sémbéng nai agu nuk de méu ata nai ca anggit oné hi Kristus Yésus.