Mori Keraéng hitu agiln, wiga Hia toé hémong latang te gori de méu agu momang hitut toto de méu ali ngasang Diha, le gori keturu latangt asé-ka’é ca imbi, ného bebolon agu nggere-olon.
Émba koés sanggéd jimbal de Mori Keraéng situt manga oné méu, néka ali mendo nai, maik ali lélak lorong ngoéng de Mori Keraéng. Néka kolé ali nanang te kawé delék, maik te gori keturu mai wa-mai nain.
Hitu tara jerad laku hi Titus agu sua asé-ka’é ca imbi situ kudut ngo pado olos, kudut wintuk réco situt poli reké de méu olo. Ali hitu ita si’angn cepisa te réco de méu hitu téing le gawas nai toé ali dedek molé.
Toé méu ata lir Aku, maik Aku ata lir méu. Aku poli wérét méu kudut méu ngo agu cir wua, agu wuas hitut temer kin, kudut apa situt tegi le méu oné Ema Daku le ngasang Daku, téings Liha oné méu.
Cengkalin kolé taé laku: Néka manga ata rékéng te aku ata bodok. Émé méu kolé rékéng aku nenggitum, tiba ga aku ného ata bodok, kudut aku kolé ngancéng bombong rak cekoén.
Copels dé isé, ai lut salang baté lako di Kain agu cembur nggere-oné salang wéléng di Biléam soho nanang tiba séng. Isé ampus taungs, ai téti rampas ného hi Korah.
Ali goméngd, sanggéd guru tangké situ tombo joak te kawé ontong oné mai méu. Maik latang te pandé disé situ, béhéng’g poli ambin wahéng agu ampus toé ngancéng renggé kolén.
Isé poli legong salang molor, itu tara wéléngd. Isé lut salang di Biléam, anak di Béor, atat danong nanang kéta te tiba lahé latang te sanggéd pandé da’at.