PILIPI 3:18 - Bahasa Manggarai New Testament

¹⁸ Ai ného hitut dongkalin laku poli taé oné méu, agu ho’oy si’ang kolén laku cang agu rétang’g, dod ata da’at ba wekid ata pandé rowak betuan mata di Kristus oné panggol.

PILIPI 3:18 Referans Kwoze

ÉFÉSUS 4:17

Le ngasang de Morin, aku taé agu si’ang tu’ung oné méu: Néka mosé ného ata siot toé pecing Mori Keraéng agu nuk ata toé manga betuad.

GALATIA 6:12

Isé siot mésé nai ali ba weki, isé situ wingker kétas te dedek méu kudut sunatm. Pandé disé hitu, kudut néka hena le wahéng landing panggol di Kristus.

GALATIA 2:14

Maik du ita laku te ba weki disé situ toé lorong molor de Keréba Di’a, mai taé daku ngong hi Pétrus oné ranga data do situ, “Émé hau ata Yahudi, mosé agu ba wekim néhot toé ata Yahudi, co’o hau tara dedek asé-ka’é situt toé lut wintuk sunat kudut mosé agu ba weki ného ata Yahudi?” Ata Yahudi Ko Toé ata Yahudi

GALATIA 1:7

ata woléngn agu Keréba Di’a de Mori Keraéng? Bo tu’ung manga ata pandé cebel méu te pandé holé-halés Keréba Di’a di Kristus.

2 PÉTRUS 2:10

Céwén kéta isé siot lorong belek da’at situt pandé rinék wekid agu lengga adak de Mori Keraéng. Guru tangké situ mésé kéta naid agu toé rantang te pandé da’at, wiga toé kéta ngangit te loér sanggéd cao-ca situt mengit.

TÉSALONIKA 4:6

Oné pété ho’o, néka manga ata pandé woréng agu nggopét oné asé-ka’é ca imbi. Ai Morin te lékos oné-mai sanggéd pandé situ, ného hitut poli taén agu masa kétay reweng dami danong agu méu.

PILIPI 1:4

Cembes kéta nai daku oné néténg ngaji latang te sanggés taung méu.

GALATIA 5:21

jogot, langu tuak, agu ramé hébo-hak. Latang te sanggéd taung situ, aku langga méu – cama ného hitut poli langgan laku danong – te céing kaut ata pandé sanggéd belek de weki situ, toé patun te manga oné weki serani.

GALATIA 2:21

Aku toé doét widang de Mori Keraéng. Ai émé patun le Mori Keraéng lut wintuk Taurat, ngong oké bon mata di Kristus.

2 KORINTUS 11:29

Émé manga ata noing les kétay, toé weli aku kolé lorong les nenggitu? Émé manga ata pa’u oné ndékok, toé weli kendut bon nai daku ali susa?

2 KORINTUS 11:13

Ai sanggéd ata nenggitu cama ného sanggéd rasul adong. Isé situ ata keturu adong ata tangké sanggéd rasul di Kristus.

2 KORINTUS 2:4

Aku tulis latang te méu déméng agu simpung kig agu wugu pucug, agu ndurus kin waé lu’ug, toé kudut pandé wéong nais, maik kudut pecing le méu, mésé kétay momang daku latang te sanggés méu.

1 KORINTUS 6:9

Toé baé le méu ko, te ata situt toé agil, toé manga osangd oné adak de Mori Keraéng? Néka wéléng! Loma ata, io pina-naéng, ngoéng ata, ata rona ngoéng taud cama ata ronad,

1 KORINTUS 1:18

Ai keréba latang te panggol hitu te pandé bapa laing latang te isé situt kudut ampus, maik latang te itét kudut selamak, keréba hitu te toto mberes de Mori Keraéng.

ROMA 9:2

te aku ngawa-ngaés agu wéong kéta naig.

LUKAS 19:41

Agu du Mori Yésus ruis gi, agu itag béndar Yérusalém, Hia rétangY landing béndar hitu,

YUDAS 1:13

Isé cama ného bombang golok, tua wusan. Nenggitu kolé isé pandé wusa sanggéd da’at ata pandé ritak laing. Isé cama ného ntala mbéot. Latang te isé poli mengkekn osang nendep tédéng lén.

2 TÉSALONIKA 3:11

Ami curup nenggo’o, ai dengé lami, manga ata oné bahi-réha méu ata toé kitep mosén agu ogon te gori, maik hidut agu apa ata toé manga betuan.

TOMBO PÉTÉ GORI DE RASUL-RASUL 20:19

Ali jinggo aku wintuk latang te Mori Keraéng. Oné wintuk hitu aku dongkalig loda lu’u matag, ai dongkalig damang lata Yahudi situt nanang mbelé akus.

GALATIA 6:14

Maik aku toé gorig bombong rak, bo émé bombong rak oné panggol de Mori dité Yésus Kristus. Ai le mata Diha oné panggol, lino ho’o toé manga betuan latang te aku, ko aku latang té lino ho’o.