PILIPI 3:10 - Bahasa Manggarai New Testament

¹⁰ Ca kaut ngoéng daku: pecing Hia agu manté kuasaN te to’o kolé, neki ca oné ta’ong susaN agu ce tara ného Hiak oné mataN.

PILIPI 3:10 Referans Kwoze

GALATIA 2:20

maik aku mosék, landing toé kolé weki rug aku ata mosé, maik hi Kristus hitut mosé oné akuy. Mosé ho’ot mangan daku, ngong mosé landing imbi oné Anak de Mori Keraéng ata poli momang akuy agu condo mosén latang te aku.

ROMA 8:17

Émé ité ho’o anak, ité ho’o kolé ata tiba mbaté. Ngong ata manga hakd te tiba reké de Mori Keraéng, ata tiba lité cama-cama agu hi Kristus. Émé ité ta’ong susa cama-cama agu Hia, ité kolé mengit cama laing agu Hia.

PILIPI 3:8

Ngot sanggéd cao-ca rékéng laku toé manga betuad. Latang te aku, pecing hi Kristus Yésus Mori daku hitu céwé angos oné-mai sanggéd taung cao-ca. Landing ali Hia, aku poli ledo sanggéd taung situ ai rékéng laku sanggéd situ ného wéangs, kudut aku tiba hi Kristusk

1 YOHANÉS 2:3

Ho’oy tandan te ité pecing Mori Keraéng: émé lorong lité sanggéd peréntaN.

KOLOSÉ 3:1

Landing hitu, émé méu poli to’o kolém cama agu hi Kristus, kawé koém cao-ca situt éta Surga, nia mangan hi Kristus, ata lonto oné racap wanang de Mori Keraéngy.

KOLOSÉ 1:24

Te ho’on aku nisang kéta naig, ai aku ngancéng ta’ong susa landing méu, agu pandé rapak oné weki daku apa ata géongd oné susa di Kristus latang te weki Diha, ngong weki serani.

2 KORINTUS 1:5

Ai cama ného ami, dod lami ata poli mantéd singsara di Kristus, nenggitu kolé ami do kéta tiba lémbu onémai hi Kristus.

1 PETRUS 1:3

Naring ga Mori Keraéng, ngong Ema de Mori dité hi Yésus Kristus. Ali nabit mésé, Hia poli widang ité mosé weru lut to’o kolé di Yésus Kristus oné-mai ata mata. Mosé dité penong le bengkes,

2 KORINTUS 13:4

Bo du pépék oné panggol lesN Hia, maik te ho’on ga Hia mosé koléy ali kuasa de Mori Keraéng. Bo tu’ung ami les oné nai ca anggit agu Hia, maik ami nai ca anggit agu Hia landing kuasa de Mori Keraéng latang te méu.

1 YOHANÉS 2:5

Maik céing ata lorong Reweng Diha, ngong momang de Mori Keraéng tu’ung-tu’ung poli jepekn oné hia. Hituy dé tandan te ité nai ca anggit agu Mori Keraéng.

YOHANÉS 17:3

Ho’oy mosé tédéng lén hitu, ngong isé pecing Ité, Mori hitut ca kanang kali ata tu’ungn, agu pecing hi Yésus Kristus ata wuat tu’ung Litéy.

ROMA 8:29

Ai sanggéd ata pilé Diha, poli petokd Liha du wangkan, kudut ciri ného tara de Anak Diha. Ali hitu, Anakn hitu te ciri ata ngaso oné mai sanggéd asé-ka’én.

WIDANG SI’ANG ONÉ HI YOHANÉS 1:18

Aku dé Hia hitut Mosé. Aku poli matag, maik lélo ga, Aku mosék dengkir lén. Aku ata cau kuasa latang te mata agu kuasa latang te lino data mata.

KOLOSÉ 2:13

Koném po méu danong matam ali manga ndékoks agu ali toéd sunat wekis, maik poli pandé mosé kolé le Mori Keraéng cama laing agu hi Kristus. Mori Kraéng ampong taungs sanggéd ndékok dité,

ÉFÉSUS 4:13

Ali hitu, sanggéd taung ité ciri ca anggit kali oné ca imbi, agu baé pa’éln latang te Anak de Mori Keraéng. Ité ciri bisat, ata tambang cuku tambang besikd ného hi Kristus.

2 KORINTUS 1:10

Hia poli pandé selamak ami oné mai mata da’at: bengkes dami te Hia kolé tai pandé selamak ami,

YOHANÉS 10:18

Toé cengatan te ngancéng emi oné mai Akun, maik téings Laku lorong ngoéng nai Rug. Aku manga kuasag te téing, agu manga kuasag te emi kolén. Ho’oy perénta ata tiba Laku oné mai Emag.”

MATÉUS 20:23

Taé de Mori Yésus agu isé: “Piala Daku kudut inung muingy le méu, landing latang te lonto oné racap wanang Daku, ko oné racap léog, Aku toé manga hakg te téingd. Situ kudut te téing ata situt poli nangketd le Ema Daku.”

ROMA 8:36

Ného manga poli tulis: “Landing kaut Hau, ami manga oné copél mata tédéng leso, ami poli rékéng ného sanggéd jimbal siot kudut mbelé.”

GALATIA 6:17

Nggere-olon ga, néka manga ata pandé susa aku kolé, ai oné weki daku manga palas-tara, wetik-weki de Mori Yésus.

2 PÉTRUS 1:13

Dis daku te langga méu, kudut néka hémong sanggéd taung situ, rémé toé di tepo dongkarg aku.