PILIPI 2:30 - Bahasa Manggarai New Testament

³⁰ Ai hia kudut matay landing gori latang te hi Kristus; hia ngoéng te oké mosén latang te pandé penong situt toé rapak oné gori keturu de méu latang te aku.

PILIPI 2:30 Referans Kwoze

1 KORINTUS 16:17

Aku naka kétak ali cai di Stéfanas, hi Fortunatus agu hi Akhaikus, ai isé luing manga ranga de méu.

PILIPI 4:10

Nisang kéta nai daku oné Morin, ai cemoln ga nuk agu doing de méu todo koléy latang te aku. Bo tu’ung manga mtaung nuks méu latang te aku, maik toé manga sokors te pandé.

TOMBO PÉTÉ GORI DE RASUL-RASUL 20:24

Maik aku toé nuk te mo’éng moség, tamat aku ngancéng cai oné ranti agu pandé poli sanggéd gori situt jera de Mori Yésus oné aku, kudut téi saka-si latang te Keréba Di’a, widang de Mori Keraéng.

PILIPI 4:18

Te ho’on aku poli tiba sanggén taung sékék oné-mai méu, ngot céwé do nitu main. Sanggéd taung katu de méu lut hi Épafroditus polis tibad laku ga. Sanggéd téing de méu situ ného néndong de takung latangt Mori Keraéng, agu tibas Liha ali cembes-nai.

2 KORINTUS 12:15

Landing hitu aku ngoéng te téing paéng de rug, ngot téi wekig latang te méu. Jari, émé aku momang kéta méuk, ma’ut toé kéta momangk aku le méu ko?

WIDANG SI’ANG ONÉ HI YOHANÉS 12:11

Asé-ka’é dité poli pandé kodan Jing da’at hitu le dara de Anak Jimbal, agu le keréba molor oné-mai Mori Keraéng hitut wéwa disé. Isé condo moséd dengkir matad.

FILÉMON 1:13

Bo tu’ungn aku ngoéng te po’é hiak ka’éng cama agu akuy luing lesing hau, kudut campé aku rémé oné buig landing Keréba Di’a.

PILIPI 2:27

Bo tu’ung hia beti kudut matay, maik Mori Keraéng momang kin hia; toé hanang hia, maik aku kolé, kudut néka tambang koléy wéong nai daku.

PILIPI 2:17

Maik koném po bowoy dara daku du takung agu du ngaji lorong imbi de méu, aku nisang kéta nai cama laing agu méu.

1 KORINTUS 16:10

Émé cai hi Timotéus, anor di’a le méu kudut hia toé rantangy émé manga oné bahi-réha méu, ai hia pandé gori de Mori Keraéng cama ného akuy.

1 KORINTUS 15:53

Ai weki dité ho’ot ngancéng ampus, paka papé weki hitut ngancéng mosé tédéng lén, agu weki ho’ot ngancéng mata paka papé weki hitut toé ngancéng matay.

ROMA 16:4

Isé poli oké-moséd latang te mosé daku. Latang te isé, toé hanang aku te wali di’a, maik sanggéd weki serani siot toé ata Yahudi.

2 KORINTUS 4:12

Ali hitu, koném po mata hitu menteng kin oné weki dami, maik mosé hitu menteng kin oné méu.