PILIPI 2:29 - Bahasa Manggarai New Testament

²⁹ Jari, tiba koé hia ali cembes-nai oné ca imbi agu Morin. Hiang ga sanggéd ata situt ného hia.

PILIPI 2:29 Referans Kwoze

2 TIMOTÉUS 5:17

Sanggéd ata tu’a de weki serani ata di’a wintukd, naun kéta te hiang suangkali mpalé, céwén kéta isét ata nai-koéd te toing agu te titong.

TÉSALONIKA 5:12

Asé-ka’én, tegi lami, kudut méu hiang isét mping kéta gorid oné bahi-réha méu, ata karong agu titong méu nggere-oné Morin.

1 KORINTUS 16:18

Isé pandé ciar nai daku agu nai de méu. Hiang koé sanggéd ata nenggitu!

ROMA 16:2

kudut méu tiba hia le ngasang de Mori Keraéng, cama ného latang té ata nggeluk, agu téi campé latang te hia émé sékékn liha. Ai weki run hia poli téi campé latang té ata do, nenggitu kolé latang té aku.

2 KORINTUS 10:18

Ai toé ata siot naring weki rud ata ta’ong damang, maik ata siot naring le Mori Keraéngs.

1 KORINTUS 16:10

Émé cai hi Timotéus, anor di’a le méu kudut hia toé rantangy émé manga oné bahi-réha méu, ai hia pandé gori de Mori Keraéng cama ného akuy.

3 YOHANÉS 1:10

Landing hitu émé maik aku cepisa, aku te cehéng tu’ung hi Diotréfés hitu, ai hia pandé da’at agu pandé wau ngasang daku. Toé hanang hitu. Hia kolé toé tiba asé-ka’é ca imbi situt mai ba toing molor. Ngot ré’ings liha weki serani kudut néka tiba ata situ. Weki serani situt tiba isé wurs liha.

IBRANI 13:17

Lorong koés sanggéd wintuk data tu’a laing agu junggu koém oné isé. Ai isé rinding mtaung méu, agu isé te papong oné Mori Keraéng. Wiga isé keturu ali nisang naid, toé ali tilir ata toé ba ontong latang te méu.

KOLOSÉ 4:10

Tabé latang te méu oné-mai hi Aristarkhus, haé réba ata bui agu aku, agu oné-mai hi Markus bangkong di Barnabas – latang te hia méu poli tiba pedé; tiba koé hiam, émé hia mai oné méuy –

2 KORINTUS 7:2

Toto koé nai di'a de méu latang te ami! Ami toé manga pandé sala agu cengatan koé, toé manga cengatan kolé ata pandé rowak lami, agu ami toé manga kawé ontong oné mai hiat cengatan koé.

ROMA 10:15

Agu co’o ata ngancéng keréba Hia, émé toé manga ata wuatn? Ného manga ata poli tulis, “Cembes kéta nai ali mai disét ba keréba di’a!”

TOMBO PÉTÉ GORI DE RASUL-RASUL 28:10

Isé hiang kéta amis, agu du lakog ami, isé mengkek taung ata sékék dami.

TOMBO PÉTÉ GORI DE RASUL-RASUL 8:8

Landing hitu naka taungs sanggéd ata oné béndar hitu.

TOMBO PÉTÉ GORI DE RASUL-RASUL 2:46

Ali seberd agu ca-nais, isé nempung lété leso oné Mbaru de Mori Keraéng. Isé rénjang kétas hang camas oné néténg-néténg mbaru ali nisang agu lulus nai.

YOHANÉS 13:20

Aku taé agu méu: Tada laingn, céing ata tiba ata hitut wuat Laku, hia tiba Akuy. Agu céing ata tiba Aku, hia tiba Hiat wuat Akuy.”

LUKAS 9:5

Émé manga ata situt toé gorid te tiba méu, pé’ang oné mai béndar disés, agu péntang kebok wa’is, cama ného te langi isé.”

PILIPI 2:28

Itu tara gélang-gélang kaku te wuat hia, ai émé méu ita hiam, méu ngancéng nisang kolé nais agu rehong koé wéong nai daku.