PILIPI 2:19 - Bahasa Manggarai New Testament

¹⁹ Le bengkes campé de Mori Yésus, aku wuat hi Timotéus te gélang ngo oné méu, kudut temer kin nai daku ali dengé keréba latang te méu oné-mai hia tai.

PILIPI 2:19 Referans Kwoze

1 KORINTUS 4:17

Landing le hitu tara wuatn laku hi Timotéus. Hia anak momang daku, ata junggu oné Mori Keraéng. Hia kudut pandé nuk taungs le méu, co’o mosé daku ali lorong hi Kristus Yésus, cama ného ata toing daku oné nia-nia kaut wan ata serani.

TÉSALONIKA 3:2

Poli hitu ami susung hi Timotéus, asé-ka’é ca imbi dité agu haé-reba oné gori de Mori Keraéng latang te wéro Keréba Di’a di Kristus kudut pandé mberes nai de méu agu te metek imbis.

PILIPI 1:1

Oné-mai hi Paulus agu hi Timotéus, mendi di Kristus Yésus. Latang te sanggéd ata nggeluk ata nai ca anggit agu hi Kristus Yésus oné Pilipi agu latang te diakon agu sanggéd ata lami weki serani.

PILIPI 2:28

Itu tara gélang-gélang kaku te wuat hia, ai émé méu ita hiam, méu ngancéng nisang kolé nais agu rehong koé wéong nai daku.

JAMES 4:15

Ata tu’ungn kali, méu paka taé nenggo’o: “Émé sendo le Morin, ami te mosékm te pandé hitu-ho’o.”

2 TIMOTIUS 1:12

Hitup tara ta’ongd laku sanggéd susa so’o, maik aku toé ritak; ai pecing tu’ung laku te Hia ata imbi daku. Baé kolé laku te apa ata poli imbid Liha oné aku, ngancéngs liha tinud dengkir agu Cemoln Lino.

2 TÉSALONIKA 1:3

Asé-ka’én, ami paka wali di’a oné Mori Keraéng landing méu, agu naun muing nenggitu, ai imbi de méu tambang mésé. Nenggitu kolé momang de méu cama taus tambang kéta mberesn.

ÉFÉSUS 1:13

Méu kolé ciri ro’éng Diham, ai méu poli dengé reweng molorN, ngong Keréba Di’a ata pandé selamak méu. Méu imbi oné Mori Yésus, landing hitu Mori Keraéng palas tarad le Nai Nggeluk hitut poli rekéN.

ROMA 16:21

Tabé latang te sanggés méu oné mai hi Timotéus, haé-reba oné gori daku, agu oné mai hi Lukius, hi Yason agu hi Sosipatér, haé-reba daku ca wa’ukm.

ROMA 15:12

Ruda olon ga mai taé di Yésaya, “Cocok oné mai pu’u di Isai te pary, agu Hia kudut to’oy latang te perénta sanggéd wa’u, agu oné Hias, sanggéd wa’u té pedeng bengkesd.”

MATÉUS 12:21

Agu oné Hias kali demingd sangged uku do.”

1 PETRUS 1:21

Lut hi Kristus hitu, méu tara imbis oné Mori Keraéng hitut poli pandé to’o kolé Hia oné-mai ata mata agu poli bong Hia. Ali hitu, méu paka imbi agu bengkes hanang oné Mori Keraéng.

TOMBO PÉTÉ GORI DE RASUL-RASUL 16:1

Mai kolé hi Paulus oné Dérbé agu oné Listra. Nitu manga cengata ata nungku ngasangn hi Timotéus; endén ata Yahudi, agu poli imbin, maik eman cengata ata Yunani.

PILIPI 2:18

Méu kolé paka nisang-nai nenggitum cama laing agu aku.

TÉSALONIKA 3:5

Itup tara du kembung dami toég ngancéng ta’ong kolé, aku jera hi Timotéus kudut baé laku imbi de méu, ai simpung kétak aku, émé méu poli damang le jing da’at wiga rébok dami oké-bod.