PILIPI 2:17 - Bahasa Manggarai New Testament

¹⁷ Maik koném po bowoy dara daku du takung agu du ngaji lorong imbi de méu, aku nisang kéta nai cama laing agu méu.

PILIPI 2:17 Referans Kwoze

2 TIMOTIUS 4:6

Latang te aku weli ga, polig pu’ung bowon darag latang te takung, agu leso mata daku ruis gi.

ROMA 15:16

ngong te aku ciri ata keturu di Kristus Yésus latang te wa’u bana, ciri imam oné tombo Keréba Di’a de Mori Keraéng, kudut sanggéd wa’u bana ngancéng tibas le Mori Keraéng, cama ného takung ata henan oné ranga Diha, ata pandé nggeluks le Nai Nggeluk.

2 KORINTUS 12:15

Landing hitu aku ngoéng te téing paéng de rug, ngot téi wekig latang te méu. Jari, émé aku momang kéta méuk, ma’ut toé kéta momangk aku le méu ko?

KOLOSÉ 1:24

Te ho’on aku nisang kéta naig, ai aku ngancéng ta’ong susa landing méu, agu pandé rapak oné weki daku apa ata géongd oné susa di Kristus latang te weki Diha, ngong weki serani.

PILIPI 1:20

Ai ata kembung agu bengkes kéta laku te aku oné sanggéd cao-ca toé manga cau ritakg. Ai ného du wangkan, nenggitu kolé te ho’on keréba laku bong di Kristus oné wekig ali harat nai du mosé ko du matag.

2 KORINTUS 7:4

Aku tombo si’ang kéta agu méu, bombong kéta rak daku latangt méu. Koném po ami ta’ong susa do, maik lémbu agu nisang kéta nai dami.

1 YOHANÉS 3:16

Hi Kristus poli condo wekin latang te ité. Itu dé tara pecing lité momang hitu. Jari ité kolé paka condo wekid latangt asé-ka’é ca imbi.

ROMA 12:1

Landing hitu asé-ka’én, le gawas de Mori Keraéng, aku toing méu, kudut méu takung wekis ného takung mosé, nggeluk agu patun oné nai de Mori Keraéng: Hituy ngaji de méu ata naun.

1 PETRUS 2:5

Méu ondang wekis te papé laing ného watu mosé, te pandé ca mbaru nggeluk de Mori Keraéng. Ali hitu méu ciri ného imam ata gori latangt Mori Keraéng, agu létang hi Yésus Kristus podo takung ata henan oné nai de Mori Keraéng.

TÉSALONIKA 2:8

Landing le momang mésé dami, ami ngancéng téing méu toé hanang ngoéng te wéro Keréba Di’a de Mori Keraéng agu méu, maik mosé de rug ami kolé. Ai mésén momang dami latang te méu.

PILIPI 4:18

Te ho’on aku poli tiba sanggén taung sékék oné-mai méu, ngot céwé do nitu main. Sanggéd taung katu de méu lut hi Épafroditus polis tibad laku ga. Sanggéd téing de méu situ ného néndong de takung latangt Mori Keraéng, agu tibas Liha ali cembes-nai.

PILIPI 2:30

Ai hia kudut matay landing gori latang te hi Kristus; hia ngoéng te oké mosén latang te pandé penong situt toé rapak oné gori keturu de méu latang te aku.

TOMBO PÉTÉ GORI DE RASUL-RASUL 21:13

Maik walé di Paulus: “Co’o tara rétangs méu, wiga pandé wéong nai daku? Ai aku ho’o, lilek toé hanang latang te pongo, maik latang te mata kolé oné Yérusalém le ngasang de Mori Yésus.”

TOMBO PÉTÉ GORI DE RASUL-RASUL 20:24

Maik aku toé nuk te mo’éng moség, tamat aku ngancéng cai oné ranti agu pandé poli sanggéd gori situt jera de Mori Yésus oné aku, kudut téi saka-si latang te Keréba Di’a, widang de Mori Keraéng.

2 KORINTUS 6:10

Koném po wéong kéta naigm, maik naka kigm. Koném po lénggég ami, maik ngancéng kin pandé bora ata do. Koném po ami toé manga hapegm, maik ami manga paéng do.

PILIPI 2:18

Méu kolé paka nisang-nai nenggitum cama laing agu aku.

2 KORINTUS 4:12

Ali hitu, koném po mata hitu menteng kin oné weki dami, maik mosé hitu menteng kin oné méu.