PILIPI 2:15 - Bahasa Manggarai New Testament

¹⁵ Ali hitu, méu ciri anak de Mori Keraéng ata toé copél agu toé manga celas ného ata nai da’at agu ata wéléng de uwa ho’o, wiga méu manga néram te gérak oné bahi-réha isé, ného néra de ntala,

PILIPI 2:15 Referans Kwoze

1 PETRUS 2:12

Di’a koé ba wekis oné bahi-réha wa’u situt toé pecing Mori Keraéngs, kudut émé pocu méus te méu ata pandé da’at, ngancéng ita kin lisé sanggéd pandé di’a de méu agu bong Mori Keraéngs du leso mai Diha.

MATÉUS 5:45

Ai le hitu méu ciri anak de Emas éta Surga, ata pandé par leso latang te ata da’at agu ata di’a agu concang usang latang te ata molor agu ata toé molor.

TÉSALONIKA 5:23

Nahé Mori Keraéng, widang hambor-libur, pandé nggeluk sanggés taung méu agu nahé lami di’a-di’a weki agu wakars, wiga toé manga celas du leso mai di Yésus Kristus, Mori dité.

2 PÉTRUS 3:14

Landing hitu asé-ka’é ata momang laku, cang agu géréng leso hitu, paka wuli wekis te hambor agu Hia, wiga méu toé manga celas agu toé manga ndékoks du cain Hia tai.

1 KORINTUS 1:8

Hia kolé te pandé mberes méu dengkir agu cemoln, wiga méu toé manga celas du leso cai de Mori dité Yésus Kristus.

TITUS 2:10

toé nggopét, maik poro junggu agu tipek, wiga ali hitu, oné sanggén cao-ca isé te bong toing de Mori Keraéng, Mori Sambé dité.

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.

MATÉUS 5:48

Landing hitu, méu paka besik kétam cama ného besik de Emas hitu éta Surga.”

2 TIMOTÉUS 3:10

Isé situ kolé paka olong cis di, itu po wérét te ciri ata keturu laing oné beréha weki serani, ai poli si’ang te isé toé manga celad.

2 TIMOTÉUS 3:2

Landing hitu, hia paka néka manga celan, paka cay kali winan, metek nain, nggalas, toé mésé nai, ngoéng kéta te tiba meka, molorn te toing ata.

PILIPI 1:10

Landing hitu, méu ngancéng pilé nia ata di’an kudut nggeluk mosés agu toé manga celas du leso mai kolén hi Kristus.

ÉFÉSUS 5:27

Ali hitu, hi Kristus téing osang di’a latang te weki serani situ déméng angos, nggélok agu toé manga celad bolo-mai rangaN.

ROMA 16:19

Tombo latang te lorong de méu poli taung dengén le sanggén ata. Landing hitu naka kétak aku latang te méu. Maik ngoéng daku kudut méu nggalas oné apa ata di’an agu nggélok latang té ata da’at.

TOMBO PÉTÉ GORI DE RASUL-RASUL 2:40

Ali dod kolé tombo bana, hia téing saka-sin agu duduk isé, mai taén: “Téing ga wekim te selamak oné mai ata weki da’at so’o.”

MATÉUS 10:16

Lélo, Aku wuat méu cama ného jimbal ngo oné bahi-réha Srigala, landing hitu méu porong nggalas ného ular, tipek ného tekur jawam.

IBRANI 7:26

Ai Imam Mésé nenggitu ata sékék laingn lité: ata nggeluk, toé manga salan, toé manga saki-nai, bécang oné-mai ata ndékokn, agu céwé mengit oné-mai sanggéd lawa Surga.

TITUS 2:15

Keréba ga sanggéd taung situt poli toing daku, titongs ata imbi agu wéwa nggere-oné isét kembe-lu’ak. Hau paka toing, titong agu wéwa agu gala taram, néka sendong céing kaut te pandé rendak hau.

TITUS 1:6

Ata tu’a situt téti de hau te ciri tu’a laing de weki serani, paka: Ata toé manga celad, cay kali winan, sanggéd anak lut imbi diha, agu toé nonoky néhot mosé toé patun agu toé kitep.

2 TIMOTÉUS 5:20

Isét pandé ndékok paka rondongs le hau olo-mai ranga data do, kudut rantang bod kolé ata iwod.

TOMBO PÉTÉ GORI DE RASUL-RASUL 20:30

Ngot oné mai weki rus méu, te cai pisa taus ata agu toing adong’d, gejur kéta te pandé péndot ata nungku oné mai salang molor kudut lorong isé.

YOHANÉS 5:35

Hia cama ného culu ata dila te téing gérak, agu toé béhéng le méu mantén gérak hitu.

LUKAS 6:35

Maik méu, momang koé balim, agu pandé sara di’a agu isé, agu téing célong ata toé manga bengkes laing te lékod, lahém ga te mésé kéta, agu méu te ciri anak de Mori Keraéngm hitut Éta kétay; ai Hia di’a agu ata situt toé pecing te wali di’a agu isét ata da’at.

MATÉUS 17:17

Maig taé de Mori Yésus: “Oé, méu ho’ot toé imbi agu ata wéléng, cai nia kolé di Aku paka ka’éng agu méug? Du nia kolé di Aku paka lembak agu méug? Dadé cé’é anak hitu.”

WIDANG SI’ANG ONÉ HI YOHANÉS 3:9

Lélo dé, pisa taus oné-mai ro’éng de jing da’at, ngong isé situt ata caro weki rud ata Yahudi, kalim po toé. Isé situ ata nggopéts. Isé situ te téings Laku oné méu, kudut isé suju olo-mai wa’i de méu agu kudut baé lisé te Aku momang méuk.

2 TIMOTÉUS 5:14

Landing hitu ngoéng daku, kudut sanggéd iné-wai luang situt lari uwad, kawing kolés, manga anakd, wintuk kilod wiga ata bali dité toé manga sokor te pandé wau ngasang dité.

2 TIMOTÉUS 5:7

Langga koé curup so’o kamping sanggéd ata luang situ, kudut isé néka manga cela moséd.

2 KORINTUS 6:17

Landing hitu: Pé’ang méu oné mai bahi-réha isé agu hedongm oné mai isé curup de Mori Keraéng, agu néka cégot apa siot rinek kali Aku te tiba méu.

LUKAS 1:6

Isét sua molord oné ranga de Mori Keraéng, agu moséd lorong taung perénta agu wérét de Mori Keraéng agu toé manga celad.

PILIPI 3:6

Le ndengn cau adak Taurat, wiga aku buber kéta te wahéng weki serani. Jari, émé rékéng latang te molor oné adak Taurat, aku toé manga celag.

WIDANG SI’ANG ONÉ HI YOHANÉS 2:5

Landing hitu nuk dé, lengn délem pa’u de méu hitu! Teser ga one-mai ndékoks, agu pu’ung kolé ba wekis ného du wangkan. Émé toé, Aku mai oné méu te emi wa’i lampu oné-mai osangd.