PILIPI 2:14 - Bahasa Manggarai New Testament

¹⁴ Pandé ga sanggéd cao-ca néka ali ndu’us agu léwang tau.

PILIPI 2:14 Referans Kwoze

1 PETRUS 4:9

Téing dumpek cama tau, néka agu rengus.

1 KORINTUS 10:10

Agu néka kolé jugut ného pandé de pisa taus oné-mai isé danong, wiga isé pandé ampus taung le malékat.

PILIPI 2:3

Méu néka kawé kaut sékék de ru ko naring ata oké-bon. Maik, poro ali jinggop de méu, hiat cengata lélo ata bana céwé mésé oné-mai weki run.

JAMES 5:9

Asé-ka’én, méu néka jugut agu maja cama taus, boto wahéng le Mori Keraéng. Nuk dé, ho’o wa ranga gi Adak atat beté-bicar.

ROMA 12:18

Sanggés méu poro mosé hambor agu sanggén ata!

TÉSALONIKA 5:15

Lélo di’a-di’a, boto manga ata léko da’at ali pandé da’at, maik wuli koé wekis kudut néténg-néténg méu agu sanggén ata, pandé kanang ata di’ad kaut.

JAMES 1:20

Ai rabo de manusia toé ngancéng pandé molor oné ranga de Mori Keraéng.

GALATIA 5:26

Néka mésé nai, néka kolé meget agu jogot cama taud.

GALATIA 5:15

Landing émé méu ramek agu kodel cama taus, jerék di’a, boto méu pandé ampus cama taus.

JAMES 3:14

Émé méu manga beti-nai agu haé ata, ko céwé nuk weki ru, néka mésé-nai landing le nggalas hitu, ai le hitu méu nggopét te dungkang molor.

ROMA 14:1

Tiba koés ata siot toé mberes imbid, agu néka tombos sanggéd ba wekin.

YUDAS 1:16

Ata situ ngga’ut mtaung agu maja ata. Mosé disé lut kaut belek da’atd. Tombo disé joak latangt weki rud agu adong ata te tiba delek.

1 PETRUS 3:11

Hia paka oké taungs ata da’atd agu pandés ata di’ad, nahé hia kali mping koé te kawé hambor agu haé ata.

IBRANI 12:14

Mping koé te mosé hambor-libur agu sanggén ata, agu tili-mboét kolé te dolong mosé nggeluk. Ai émé toé nggeluk, toé manga cengatan ata ngancéng ita Morin.

ROMA 16:17

Maik aku toing méu asé-ka’én, kudut méu néka témo agu isé siot pandé biké agu watu do’ong ata toé cumang taud agu toing situt poli tiba de méu. Tadang koé agu isé!

TOMBO PÉTÉ GORI DE RASUL-RASUL 15:2

Maik hi Paulus agu hi Barnabas léwang kéta agu toé tiba curup disé situ. Cemoln ga wérét kudut hi Paulus agu hi Barnabas agu pisa taus ata bana oné mai weki serani situ ngo cumang rasul-rasul agu sanggéd ata tu’a laing oné Yérusalém kudut tombo mbolot hitu.

TOMBO PÉTÉ GORI DE RASUL-RASUL 6:1

Du cekeng hitu, woko tambang cuku tambangs nekid ata nungku, manga kolé jugut oné mai isét Yahudi situt curup Yunanis kamping isét Ibrani, ai pati sékék lété leso, latang te ata luang disé toé bilang calas oné gori disé.

TÉSALONIKA 5:13

Kudut méu tu’ung-tu’ung hiang isé oné momang ali gori disé. Mosém ga oné hambor cama taus.

2 KORINTUS 12:20

Ai simpung daku, émé maik aku, repéng laku méu toé ného ngoéng daku agu méu repéng aku toé ného hitut ngoéng de méu. Simpung daku du hitu aram manga kéta ata léwang-tau, guér tau, mas tau, nuk kaut sékék de ru, pocu ata, kérong tau, mésé-nai agu ngaur tau.

TOMBO PÉTÉ GORI DE RASUL-RASUL 15:39

Hitu campitn léwang tau di Paulus agu hi Barnabas, wiga bégasd. Hi Barnabas dadé ruda hi Markus, lajar cama agu hia nggere-oné Siprus.

TOMBO PÉTÉ GORI DE RASUL-RASUL 15:7

Du poli léwang tau sina-cé’é, hesé hi Pétrus agu curup oné isé: “Oé, asé-ka’én, pecing le méu du pu’ungn Mori Keraéng pilé aku oné mai méu, kudut lut aku, wa’u bana kolé tiba Keréba Di’a agu ciri imbis.

MARKUS 14:5

Ai mina ho’o émé pikay ngancéng réci oné mai telu ratus dinar, agu séngn ngancéng téing ata lénggé.” Itu kali rabon lisé inéwai hitu.

MATÉUS 20:11

Du tibad lisé, isé ngga’ut kétas agu tuang hitu,

MARKUS 9:14

Du Mori Yésus, hi Pétrus, hi Yakobus agu hi Yohanés kéor kolés oné ata nungku iwod, itas lisé lawa do nemper kid baling ata nungku situ, agu pisa taus ata pecing Taurat rémé kéta léwang sina-cé’éd.

LUKAS 5:30

Sanggéd taung ata Parisi agu ata pecing Taurat nggere-nggauts agu ata nungku de Mori Yésus, mai taéd: “Co’o méu tara hang agu inung cama agu isét tegi béa agu ata ndékoks?”