PILIPI 2:13 - Bahasa Manggarai New Testament

¹³ Weki run kéta Mori Keraéng ata widang oné méu, ot téti nai ot ngancéng pandé cembes nai Diha.

PILIPI 2:13 Referans Kwoze

IBRANI 13:21

Nahé Mori Keraéng pandé jemut méu ali sanggéd ata di’an ata sékékn, te méu kudut lorong ngoéng Diha, lut hi Yésus Kristus. Latang te Hia dé, mengit tédéng lén! Amén.

2 KORINTUS 3:5

Weki-rug kaut ami, toé ngancéng bilang te gori ho’o landing le mberes de rug ami; toé! Maik tara ngancéngn lami ali gori de Mori Keraéng.

2 TIMOTIUS 1:9

Mori Keraéng ata pandé selamak ité, agu bénta ité te ciri ro’éng de Run. Pandé hitu Diha toé landing le apa ata poli pandé dité, maik landing le nanéng agu nabit de Run Hia. Tabing hitu widang Liha oné ité, loréng hi Kristus Yésus du toé di dédékn lino ho’o.

ROMA 9:16

Jari, wérét situ toé lorong ngoéng ko rébok de manusia, maik lorong momang de Mori Keraéng.

1 KORINTUS 15:10

Maik ali widang de Mori Keraéng, ho’o manga kig aku, agu widang ata téi Diha latang te aku toé oké bod. Ngot aku poli gori céwé seber kolé oné-mai sanggéd taung isé, toé landing le weki rug aku, maik ali widang de Mori Keraéng hitut loréng akuy.

YOHANÉS 3:27

Mai walé di Yohanés: “Toé kéta manga cengatan ata ngancéng emi can apa te weki run, émé toé widang oné hia éta mai Surgan.

ÉFÉSUS 1:11

Mori Keraéng poli dédék sanggéd caoca lorong ngoéng agu wérét Weki Run. Pu'ung du wangkan, poli pilé ité Liha te ciri ro'engN ai nai ca anggit agu hi Kristus.

1 KORINTUS 12:6

Manga kolé dod pandé tanda lenget, maik hitu kin Mori Keraéng ata pandéd oné sangggén ata.

2 TÉSALONIKA 1:11

Ai méu te téing hiang Mori Keraéng, landing hitu ami toé ké’ét ngaji latang te méu. Icin ngaji dami, kudut Mori Keraéng bénta méu te mosé lorong ngoéng Diha. Mori Yésus te pandé besik sanggéd gori lut ngoéng de méu.

ÉFÉSUS 1:5

Ali momangN, sanggéd ité poli wérétd le Mori Keraéng te ciri anakN, pu’ung du wangkan lut hi Yésus Kristus, ai hitu muing ngoéng Diha.

ÉFÉSUS 2:8

Woko méu imbi oné hi Yésus Kristus, itu tara momang agu pandé selamaks méu le Mori Keraéng.

LUKAS 12:32

Néka rantang dé méu, oé méut ce impung koé! Ai Emam henan kéta téing méu Perénta hitu.

ÉFÉSUS 1:9

Lorong ngoéng de weki Run, Mori Keraéng poli si’ang oné ité latang te sanggéd situt pété ceha; lut nanéng agu lilekN. Poli wérétN Liha, nanéngN hitu te ciri jepeky lut hi Yésus Kristus.

YOHANÉS 6:65

Mai kolé taé Diha: “Landing hitu poli Laku tombon agu méu: Toé kéta manga cengatan ata te mai oné Aku, émé toé widang li Ema latang te hia.”

ROMA 9:11

Ai du sanggéd anak situ toéd loas agu toéd pecing te pandé di’a ko da’at, kudut ngoéng de Mori Keraéng te wakéy latang te pilé Diha. Toé landing le pandé, maik landing le bénta Diha --

YOHANÉS 6:45

Manga tulisd oné surak de sangged nabi: Agu sanggéd isé te toing le Mori Keraéngs. Agu néténg ata, ata poli dengé agu tiba toing oné mai hi Ema, mai cé’é Akus.

1 PETRUS 1:3

Naring ga Mori Keraéng, ngong Ema de Mori dité hi Yésus Kristus. Ali nabit mésé, Hia poli widang ité mosé weru lut to’o kolé di Yésus Kristus oné-mai ata mata. Mosé dité penong le bengkes,

TOMBO PÉTÉ GORI DE RASUL-RASUL 11:21

Kuasa de Mori Keraéng loréng iséy, wiga do kolé ata imbi agu holés nggere-oné Mori Keraéngs.

LUKAS 2:14

“Bong kéta latang te Mori éta awang-ngkiang, agu hambor-meler oné lino latang te manusia situt henan agu Hia.”

ROMA 12:3

Landing ali tabing ata téi oné aku, aku taé néténg méu: Néka mésé nai po apa ata cetu’ungn, maik damang maring wekis, lorong mésén imbi de méu hitut widang de Mori Keraéng.