PILIPI 2:1 - Bahasa Manggarai New Testament

¹ Ali nai ca anggit agu hi Kristus, méu tiba mberes, lémbu le momangN agu ciri ca nai oné Nai Nggeluk, wiga méu momang agu mohas taum.

PILIPI 2:1 Referans Kwoze

KOLOSÉ 3:12

Landing hitu, ai méu ata poli pilé le Mori Keraéng te ciri nggeluk agu momang Liha, méu weli ga paka: lembak nai, gawas, kasi-asi nai, hemu-hel, agu ngéngga nai.

1 YOHANÉS 4:12

Toé déit manga cengatan ata poli ita Mori Keraéng. Maik émé ité momang taud, Mori Keraéng nai ca anggit agu ité agu momangN hitu jepeky oné ité.

KOLOSÉ 2:2

Betuan pandé daku hitu kudut lémbu koé nai disé, agu isé neki cas oné momang. Ali hitu tingo lisé agu baé paéln oné imbi kudut pecing pété ceha de Mori Keraéng, ngong hi Kristus.

1 KORINTUS 12:13

Ai oné ca Nai Nggeluk, sanggéd taung ité, ata Yahudi ko ata Yunani, ata mendi ko ata toé mendi, ai poli cebong le waé serani ciri ca weki, agu sanggéd taung ité tiba inung oné-mai ca Nai Nggeluk.

GALATIA 5:22

Maik ho’os wua de Nai Nggeluk: momang, nisang nai, hambor-libur, lembak, gawas, di’a gauk, junggu;

GALATIA 4:6

Ai méu hitu anak, itu tara Mori Keraéng poli jera Nai de Anak Diha mai oné nai dité. Ngong Nai Nggeluk, ata caro, “Yo Abba, ngong Yo Ema!”

TOMBO PÉTÉ GORI DE RASUL-RASUL 4:32

Sanggéd isét poli imbi situ, ca nai-ca tukas, agu toé manga cengatan te curup paéng diha hanang bora run, maik sanggéd cao-ca ciri paéng cama laings.

1 YOHANÉS 3:24

Céing ata lorong sanggéd perénta de Mori Keraéng, hia nai ca anggit agu Mori Keraéngy, Mori Keraéng kolé tuka ca léléngy agu hia hitu. Pecing lité te Mori Keraéng nai ca anggit agu itéy, ai Hia poli widang Nai Nggeluk latangt ité.

YOHANÉS 17:13

Maik te ho’on Aku ngo oné Iték, agu curup taung situ Laku, rémé ngai manga kig Aku oné lino ho’o, kudut penong nisang nai Daku oné weki disé.

1 YOHANÉS 4:16

Ité poli pecing agu imbi momang de Mori Keraéng latangt ité. Mori Keraéng hitu pu’un momang. Céing ata pandé momang oné mosén, hia nai ca anggit kin agu Mori Keraéng, agu Mori Keraéng tuka ca léléng kin agu hiay.

PILIPI 3:3

Maik, ité ho’o ata poli sunat tu’ung kéta; toé isé. Ai ité toé deming adak ata pandé de manusia. Ité suju Mori Keraéng le titong de Nai Nggeluk, agu wali di’a lité landing le nai ca anggit agu hi Kristus Yésus.

1 KORINTUS 3:16

Toé baé le méu ko, te méu hitu mbaru de Mori Keraéngm agu Nai Nggeluk de Mori Keraéng ka’éng oné méuy?

ROMA 8:26

Nenggitu kolé Nai Nggeluk, campé ité oné lunggu-lepé dité. Ai toé pecing lité, co’o ata di’an te ngaji, maik weki run Nai Nggeluk tegi oné Mori Keraéng ali gesar agu tilir ata toé ngancéng curup molés.

ROMA 5:5

Agu bengkes toé manga majan, ai momang de Mori Keraéng poli téi oné nai dité le Nai Nggeluk hitut poli patin oné ité.

TOMBO PÉTÉ GORI DE RASUL-RASUL 2:46

Ali seberd agu ca-nais, isé nempung lété leso oné Mbaru de Mori Keraéng. Isé rénjang kétas hang camas oné néténg-néténg mbaru ali nisang agu lulus nai.

1 PETRUS 1:2

Méu poli pilé lorong nanéng de Mori Keraéng Ema dité agu poli pandé nggeluks le Nai Nggeluk, kudut junggu oné hi Yésus Kristus agu poli pandé nggélok le dara Diha. Nahé tabing agu hambor libur penong kéta latang te méu.

IBRANI 6:18

Wada agu reké de Mori Keraéng ho’o toé manga célung koléd. Hia toé manga nggopétN. Itét kawé mo’éng oné Mori Keraéng, téing Liha mberes kudut metek tu’ung oné bengkes hitut manga olo mai itéy.

PILIPI 1:8

Pecing le Mori Keraéng te aku kembung kéta méuk, ného momang agu mohas di Kristus Yésus.

ÉFÉSUS 4:4

Hanang ca kanangy kali weki agu ca kanangy kali Nai Nggeluk, nenggitu kolé méu tara pilés, kudut ca kauty kali bengkes.

2 KORINTUS 2:14

Maik wali di’a kamping Mori Keraéng, ata titong mtaung ami ata nai ca anggit agu hi Kristus oné salang ontong Diha. Létang laing ami Hia wécak bengé, wiga pecing Hia lata nia-nia kaut wan.

1 KORINTUS 15:31

Asé-ka’én, lété-leso aku cukung susa. Landing bombong rak daku latang te méu oné hi Kristus Yésus Mori dité, aku taé oné méu, te sanggéd so’o toé manga salang bepé’angd.

YOHANÉS 14:27

Hambor agu meler pedeng te méu Laku. Hambor agu meler Daku téing méu Laku, agu apa hitut téing Laku, toé ného hitut téing de Lino oné méu. Néka simpung agu néka rantang.

YOHANÉS 14:18

Aku toé kudut pencang méu ného anak lalom. Aku mai kolé cé’é méu.

LUKAS 2:25

Manga cengata oné Yérusalém, ngasangn hi Siméon. Hia cengata ata molor agu ata junggu, ata géréng kin Hiat lémbu nai latang té Israél. Nai Nggeluk manga lobo hiay,