PILIPI 1:25 - Bahasa Manggarai New Testament

²⁵ Ata tu’ungn kéta: Aku te ka’éng cama-cama kolé agu sanggés méu, kudut tambang mberes agu nisang nais oné imbi.

PILIPI 1:25 Referans Kwoze

PILIPI 2:24

Imbi laku, le campé de Morin te weki rug kolék aku gélang kudut ngo la’at méu.

2 KORINTUS 1:24

Toé ali ngoéng dami te perénta apa ata paka imbi le méu, ai méu poli mereps oné imbi. Ngot ami ngoéng lorong gori latang te nisang nai de méu.

ROMA 15:13

Nahé Mori Keraéng pu’un bengkes, penong oné méu ali naka agu hambor-meler oné imbi de méu, kudut ali mberes de Nai Nggeluk méu penong oné bengkes.

ROMA 5:2

Lut Hia ité kolé dumpu salang lako te ngo nggere-oné tabing ho’o ali imbi. Oné tabing ho’o, ité hesé agu go’as oné bengkes te tiba mengit de Mori Keraéng.

TOMBO PÉTÉ GORI DE RASUL-RASUL 20:25

Te ho’on baé laku ga, te méu toé ngancéng ita ranga dakus kolé, sanggés taung méut ata poli la’at laku kudut ba keréba perénta de Mori Keraéng.

1 PETRUS 1:8

Koném po toé dé’it ita le méu hi Yésus Kristus, maik méu momang Hiam. Méu imbi oné Hiam, koném po te ho’on toé ita taraN. Méu nakam ali nisang-nai ata mengit agu mésé kéta.

ROMA 15:29

Agu baé laku émé maik aku la’at méu, aku te pandé di’a-di’a ali penong berkak di Kristus.

ROMA 15:18

Ai aku toé ngancéng rani te tombo latang te apa bana, hanang latang te apa ata poli pandé di Kristus lut aku, ngong kudut titong sanggéd wa’u bana nggere-oné lorong ali curup agu pandé,

TOMBO PÉTÉ GORI DE RASUL-RASUL 14:22

Oné osang situ isé pandé mberes imbi de ata nungku situ agu toing isé kudut harat nai oné imbi agu taé kolé lisé kudut ngo oné Adak de Mori Keraéng, ité paka cukung susa.

TOMBO PÉTÉ GORI DE RASUL-RASUL 11:23

Du cain hi Barnabas agu ita widang de Mori Keraéng latangt isé, nisang kéta nain. Hia toing isé, kudut sanggéd isé mai wa mai nain junggu oné Mori Keraéng,

LUKAS 22:32

Maik Aku poli ngaji latang te hau, boto nawor imbis. Agu hau, émé hau poli pa’éln, hau pandé mberes asé-ka’ém.”

PILIPI 1:24

Maik céwé mésé kolé sékékn ka’éng oné lino ho’o, latang te di’a de méu.

FILÉMON 1:22

Mai nitu main, ambi koé le hau lo’ang oné mbarum latang te aku, ai imbi laku sanggéd ngaji de asé-ka’é do sendos le Mori Keraéng kudut aku ngancéng cumang kolék agu méu.