PILIPI 1:20 - Bahasa Manggarai New Testament

²⁰ Ai ata kembung agu bengkes kéta laku te aku oné sanggéd cao-ca toé manga cau ritakg. Ai ného du wangkan, nenggitu kolé te ho’on keréba laku bong di Kristus oné wekig ali harat nai du mosé ko du matag.

PILIPI 1:20 Referans Kwoze

1 PETRUS 4:16

Maik émé méu ta’ong susa landing le ata serani, néka ritak laing, maik poro bong kali Mori Keraéng ai méu ba ngasang di Kristus.

1 KORINTUS 6:20

Ai méu poli welis agu poli bajar taungs le Mori Keraéng: Landing hitu bong koé Mori Keraéng le weki de méu!

TÉSALONIKA 5:23

Nahé Mori Keraéng, widang hambor-libur, pandé nggeluk sanggés taung méu agu nahé lami di’a-di’a weki agu wakars, wiga toé manga celas du leso mai di Yésus Kristus, Mori dité.

1 YOHANÉS 2:28

Sanggéd anak daku! Nai ca anggit ga agu hi Kristus, kudut émé cai Hia tai, ité harat naid te cumang agu toé cau ritak te imbi Hia.

PILIPI 2:17

Maik koném po bowoy dara daku du takung agu du ngaji lorong imbi de méu, aku nisang kéta nai cama laing agu méu.

ROMA 8:19

Ai ali nuk kéta sanggéd ata poli dédék, géréng lété sanggéd anak de Mori Keraéng te si’ang.

2 KORINTUS 10:8

Aku toé gorig te ritak émé aku mésé nai laing le kuasa hitut widang de Mori Keraéng latang te pandé téti éta mosé, agu toé latang te pandé pa’u méu.

2 KORINTUS 4:10

Noing mtaung lami mata de Mori Yésus oné weki dami, wiga mosé de Mori Yésus kolé ciri si’ang kétay.

1 KORINTUS 7:34

agu ali hitu pati-péar nukd. Iné-wai ata toé manga ronad agu anak molas, renom nukd oné gori latang te Mori Keraéng, kudut weki agu wakar disé nggeluks. Maik inéwai ata manga ronad, renom nukd oné apa-kaut latang te gori de lino ho’o, ai isé te pandé cembes nai de ronad.

ROMA 5:5

Agu bengkes toé manga majan, ai momang de Mori Keraéng poli téi oné nai dité le Nai Nggeluk hitut poli patin oné ité.

KOLOSÉ 1:24

Te ho’on aku nisang kéta naig, ai aku ngancéng ta’ong susa landing méu, agu pandé rapak oné weki daku apa ata géongd oné susa di Kristus latang te weki Diha, ngong weki serani.

ROMA 12:1

Landing hitu asé-ka’én, le gawas de Mori Keraéng, aku toing méu, kudut méu takung wekis ného takung mosé, nggeluk agu patun oné nai de Mori Keraéng: Hituy ngaji de méu ata naun.

PILIPI 1:14

Céwén kolé dod asé-ka’é ata imbi Mori Keraéng tambang kéta imbid landing bui daku ho’o, wiga tambang kolé harat nai te wéwa reweng de Mori Keraéng.

2 KORINTUS 7:14

Aku poli pandé bombong rak de méu agu hia, kali po méu toé manga pandé ritak akus. Ami hanang tombo ata molorn agu méu, nenggitu kolé angos dami oné ranga di Titus kali laing molorn.

2 KORINTUS 5:15

Hi Kristus poli matan latang te sanggén ata, kudut isét mosé, toég mosé latang te weki rud kanang, maik latang te Hia hitut poli matan agu poli to’o kolén latang te isé.

1 KORINTUS 15:31

Asé-ka’én, lété-leso aku cukung susa. Landing bombong rak daku latang te méu oné hi Kristus Yésus Mori dité, aku taé oné méu, te sanggéd so’o toé manga salang bepé’angd.

ROMA 9:33

ného manga ata poli tulis: “Ata tu’ungn, Aku na’a oné Sion ca watu timpok te pandé pa’u ata, agu céing ata imbi oné Hia, toé manga majan Liha.”

ROMA 6:19

Le gejék de manusia aku curup ho’o, ai toé danga pamot le méu. Cama ného méu poli condo wekis te ciri mendi de ndékok agu itang, ata dadé méu nggere-oné itang, nenggitu kolé méu te ho’on, paka condo wekis ciri mendi te pandé molor ata dadé méu nggere-oné selamak.

ROMA 6:13

Méu néka téi wekis oné ndékok kudut paké ného harat nai, maik téi taung wekis oné Mori Keraéng kudut ciri harat de sanggéd molor.

TOMBO PÉTÉ GORI DE RASUL-RASUL 21:13

Maik walé di Paulus: “Co’o tara rétangs méu, wiga pandé wéong nai daku? Ai aku ho’o, lilek toé hanang latang te pongo, maik latang te mata kolé oné Yérusalém le ngasang de Mori Yésus.”

TOMBO PÉTÉ GORI DE RASUL-RASUL 20:24

Maik aku toé nuk te mo’éng moség, tamat aku ngancéng cai oné ranti agu pandé poli sanggéd gori situt jera de Mori Yésus oné aku, kudut téi saka-si latang te Keréba Di’a, widang de Mori Keraéng.

YOHANÉS 21:19

Sanggéd so’o curup Liha te toi co’oy tai matan hi Pétrus agu bong Mori Keraéngn. Du poli curup nenggitun, Hia curup agu hi Pétrus: “Lut Akuh ga.”

TOMBO PÉTÉ GORI DE RASUL-RASUL 4:31

Agu du rémé ngajid isé, gégoy osang baté lipur disé agu sanggéd taung isé penong le Nai Nggeluks, og kali keréba lisé sanggéd reweng de Mori Keraéng agu mberes kétas.

2 KORINTUS 3:12

Ali ami manga bengkes nenggitugm, itu tara wingker agu mberes kéta ami te pandé.

2 KORINTUS 7:4

Aku tombo si’ang kéta agu méu, bombong kéta rak daku latangt méu. Koném po ami ta’ong susa do, maik lémbu agu nisang kéta nai dami.