PILIPI 1:19 - Bahasa Manggarai New Testament

¹⁹ ai pecing laku du cemoln sanggéd taung so’o, aku tiba selamak ali ngaji de méu agu campé de Nai di Yésus Kristus.

PILIPI 1:19 Referans Kwoze

ROMA 8:28

Ité pecing ho’o ga, te Mori Keraéng lut gori oné sanggéd cao-ca kudut te di’a latangt isét momang Hia, ngong latang te isét poli béntad lorong ngoéng de Mori Keraéng.

TOMBO PÉTÉ GORI DE RASUL-RASUL 16:7

Du caid oné Misia, isé damang ngo oné tana Bitinia, maik Nai Nggeluk de Mori Yésus toé sendo isé.

2 KORINTUS 1:11

ai méu kolé lut campé ngaji latang te ami. Landing hitu do kéta ata téti wali di’a latang te widang situt tiba dami, ali dod ngaji disé latang te ami.

GALATIA 4:6

Ai méu hitu anak, itu tara Mori Keraéng poli jera Nai de Anak Diha mai oné nai dité. Ngong Nai Nggeluk, ata caro, “Yo Abba, ngong Yo Ema!”

ROMA 8:9

Maik méu toé mosé lut belek de wekis, maik lut Nai Nggelukm émé tu’ung kéta Nai Nggeluk de Mori Keraéng hitu ka’éng oné méuy. Maik émé ata toé paéng Nai di Kristus, hia toé paéng di Kristusy.

1 KORINTUS 4:17

Landing le hitu tara wuatn laku hi Timotéus. Hia anak momang daku, ata junggu oné Mori Keraéng. Hia kudut pandé nuk taungs le méu, co’o mosé daku ali lorong hi Kristus Yésus, cama ného ata toing daku oné nia-nia kaut wan ata serani.

1 PETRUS 1:11

Isé kolé mbajik kéta cécan, te du niay agu co’oy jarin lorong nuk de Nai di Kristus hitut manga oné isé. Nai hitu dé ata poli keréba latang te sanggéd susa ata kudut hena hi Kristus agu latang te sanggéd mengit situt tua musi-maid.

GALATIA 3:5

Mori Keraéng poli widang Nai Nggeluk agu do pandé tanda lenget oné bahi-réha méu. Asa weli ga, pandé hitu de Mori Keraéng landing méu lorong wintuk Taurat ko landing imbi Keréba Di’am?

PILIPI 1:18

Maik, toé manga co’on! Ai koném po nenggitu, keréba kin hi Kristus laing salang molor ko salang toé molor, nisang kin nai daku. Nisang naig daku ho’o,