PILIPI 1:15 - Bahasa Manggarai New Testament

¹⁵ Manga ata wéro keréba latang te hi Kristus ali kodo agu léwang tau, maik manga kolé ata wéro keréba latang te Hia ali nai di’a.

PILIPI 1:15 Referans Kwoze

PILIPI 2:3

Méu néka kawé kaut sékék de ru ko naring ata oké-bon. Maik, poro ali jinggop de méu, hiat cengata lélo ata bana céwé mésé oné-mai weki run.

2 KORINTUS 11:13

Ai sanggéd ata nenggitu cama ného sanggéd rasul adong. Isé situ ata keturu adong ata tangké sanggéd rasul di Kristus.

2 KORINTUS 4:5

Ai ami toé keréba weki rugm, maik keréba Mori Yésus. Weki rug ami ciri mendi de méu landing ngoéng de Mori Yésus.

2 KORINTUS 1:19

Landing hi Yésus Kristus, Anak de Mori Keraéng hitut poli keréban lami oné bahi-réha méu, le weki-rug aku agu hi Silwanus, agu hi Timotéus, toé rodo “éng” ko “toé” kaut, maik walé “éng” kali ata mangan oné Hia.

MATÉUS 23:5

Sanggéd gori pandé disé, hanang kaut pala ita lata; isé paké wasé ngaji ata nggebak agu lolo cumbi léwé;

2 TIMOTÉUS 3:16

Ata tu’ungn, mésén kéta pété ceha oné ngaji dité: “Hia ata poli si’ang weki’N ba tara de manusia, molory le Nai Nggeluk; toto weki’N oné sanggéd malékat, poli keréban oné bahi-réha sanggéd wa’u ata toé pecing Mori Keraéng; Hia imbi lata oné temu tana lino agu héndéng nggere-éta Surgay.”

GALATIA 2:4

Bo tu’ung manga denet oné-mai asé-ka’é tangké situt rodo ci-cop ngo oné weki serani. Get disé émé bonés kudut pandé caka lélo ngoéng di’a dité ata paéng oné nai ca anggit agu hi Kristus Yésus. Ali hitu isé ngancéng pandé mendi ités.

2 KORINTUS 12:20

Ai simpung daku, émé maik aku, repéng laku méu toé ného ngoéng daku agu méu repéng aku toé ného hitut ngoéng de méu. Simpung daku du hitu aram manga kéta ata léwang-tau, guér tau, mas tau, nuk kaut sékék de ru, pocu ata, kérong tau, mésé-nai agu ngaur tau.

1 KORINTUS 13:3

Koném po aku pati sanggéd cao-ca so’ot manga oné akud, ko condo wekig kudut tapay, maik émé toé momang haé ata, toé kéta manga betua koé cekoén.

1 KORINTUS 1:23

Maik ami wéro keréba hi Kristus hitut panggoly. Keréba ho’o, latang te ata Yahudi ného ca watu te pandé timpok laing, agu latang te ata toé Yahudi ného te pandé bodok laing.

TOMBO PÉTÉ GORI DE RASUL-RASUL 11:20

Maik oné mai isé manga pisa taus ata Siprus agu ata Kiréné ata poli imbid, cai oné Antiokhia agu tombo oné sanggéd ata curup Yunani agu keréba latang te Mori Yésus.

TOMBO PÉTÉ GORI DE RASUL-RASUL 10:36

Hituy reweng hitut tombo Liha oné ata Israél, du Hia ba keréba hambor agu meler lut Mori Yésus Kristus, Mori de sanggén ata.

TOMBO PÉTÉ GORI DE RASUL-RASUL 9:20

Du hitu hia ba keréba di’a latang te Mori Yésus oné mbaru-mbaru ngaji agu tombo te Mori Yésus hitu Anak de Mori Keraéng.

TOMBO PÉTÉ GORI DE RASUL-RASUL 8:35

Itug kali pu’ung tombon hi Pelipus lorong oné mai surak hitu, ba Keréba Di’a de Mori Yésus latang te pegawé hitu.

TOMBO PÉTÉ GORI DE RASUL-RASUL 5:42

Lété leso isé toing atas oné Mbaru de Mori Keraéng agu oné néténg-néténg mbaru agu wéro Keréba Di’a latang te Mori Yésus te Hia Raja Selamak hitut poli rekén.

TOMBO PÉTÉ GORI DE RASUL-RASUL 8:5

Hi Pelipus ngo oné ca béndar oné tana Samaria agu tombo Mesias oné sanggén ata nitu.

ROMA 2:8

Maik rabo agu cumpeng da’at oné isét kawé sékék de rud, ata toé lorong Hia, maik ata lorong gauk da’at.