PILIPI 1:12 - Bahasa Manggarai New Testament

¹² Asé-ka’én, ngoéng daku paka pecing le méu apa ata jari oné weki daku ho’o ga, kali te tambang beka Keréba Di’a.

PILIPI 1:12 Referans Kwoze

2 TIMOTIUS 2:9

Ai le wéro Keréba Di’a ho’o tara ta’ong susag aku, ngot hena le lampang cama ného ata da’at, maik curup de Mori Keraéng toé ngancéng lampangy.

ROMA 8:28

Ité pecing ho’o ga, te Mori Keraéng lut gori oné sanggéd cao-ca kudut te di’a latangt isét momang Hia, ngong latang te isét poli béntad lorong ngoéng de Mori Keraéng.

ROMA 8:37

Maik oné mai sanggéd situ, ité céwé koméd oné mai sanggéd ata ontong, ali Hia hitut poli momang ité.

TOMBO PÉTÉ GORI DE RASUL-RASUL 8:4

Isét mbihi-mbehar situ labok oné tana hitus cang agu wéro Keréba Di’ad.

LUKAS 21:13

Apa hitu te ciri leso linga te méu kudut téing sakasi.

PILIPI 1:5

Aku wali di’a kamping Mori Keraéng ali nai ca anggit de méu te ba Keréba Di’a, pu’ung du leso laring cain dengkir te ho’on.

PILIPI 1:7

Bo tu’ung naun te aku nuk nenggituk latang te sanggés taung méu, ai méu manga oné nai dakum. Céwén kolé, méu cama-cama agu aku tiba widang de Mori Keraéng, te ho’on du aku rémé oné buig ko danong du be pé’ang-mai buig te kambé agu te ndengn Keréba Di’a hitu.

PILIPI 2:22

Pecing le méu, polig si’angn junggu di Timotéus agu hia poli campé akun oné gori keturu Keréba Di’a cama ného anak ata campé eman.

PILIPI 4:3

Ngot tegi kolé laku hau Sunsugos, haé reba daku ata junggu: campé koé isét sua. Ai isé poli mping cama laing agu akud oné wéro Keréba Di’a. Nenggitu kolé haé reba daku hi Kléméns agu haé reba daku situt iwod, ata manga ngasangd oné Buku Data Mosé.

PILIPI 4:15

Oé ata Philipi, baé kolé le weki rus méu; du aku mai oné-mai tana Makédonia te pu’ung wéro Keréba Di’a, toé manga cengatan koé weki serani ata tukeng aku oné pété téing agu tiba; hanang méu kali.

2 TIMOTÉUS 2:8

Deming daku, kudut nia kaut wan ngajid ata rona, ngaji ga agu nggélok nai, toé ali rabo ko ali léwang tau.

2 TIMOTIUS 4:17

Du hitu Mori poli loréng aku agu pandé mberes aku, kudut ali létang témba daku, Keréba Di’a hitu, wéro di’a-di’ay, agu sanggén ata toé Yahudi dengé taungs. Ali hitu, aku lego oné-mai mu’u de singa.