PILIPI 1:11 - Bahasa Manggarai New Testament

¹¹ Mosé de méu penong molor le pandé de weki run hi Yésus Kristus, wiga ngancéng bong agu naring Mori Keraéng.

PILIPI 1:11 Referans Kwoze

IBRANI 12:11

Bo tu’ung du tiba lité wahéng hitu toé manga cembes nai laing, maik cama ného pandé susa. Maik poli hitu, wahéng hitu pandé te mosé ité lorong ngoéng de Morin, agu cir wua hambor oné isét toing agu titong Liha.

YOHANÉS 15:8

Oné apa ho’o te bong Ema Daku, ngong émé méu do wuas, agu ali hitu dé ga méu ata nungku Dakum.”

KOLOSÉ 1:10

Ali hitu, mosé de méu naun olo mai ranga Diha agu henan oné nai Diha. Oné sanggén gori de méu, manga cir wua ata di'ad agu tambang beka pecings latang te Mori Keraéng.

PILIPI 4:17

Landing toé campé situt téing de méu ata kawé daku, maik cir ata pandé tambang mésén ontong de méu.

KOLOSÉ 1:6

hitut poli wéwan oné méu. Keréba Di’a hitu wuay agu bekay oné temu tana lino, nggitu kolé oné bahi-réha méu, pu’ung kaut du dengén le méu agu baé tu'ung mantén widang de Mori Keraéng.

ROMA 6:22

Maik te ho’on du poli célas méu oné mai ndékok, agu du méu poli ciri mendi de Mori Keraéng, méu tiba wua ata dadé méu nggere-oné mosé nggeluk. Cemold taung situ méu tiba mosé tédéng lén.

1 PETRUS 2:9

Maik méu dé wa’u ata poli pilés, imam ata gori keturu raja, wa’u nggeluk, ro’éng Run Mori Keraéng. Méu poli pilés te keréba sanggéd pandé lenget Diha, hitut poli bénta méu pé’ang oné-mai nendep nggere-oné gérakN hitut néra.

2 TÉSALONIKA 1:12

Ali hitu, ngasang di Yésus Mori dité ciri mengit oné méuy, agu méu oné Hiam, lorong tabing de Mori Keraéng dité agu Mori Yésus Kristus.

ÉFÉSUS 5:9

ai gérak hitu cir wua di’a, agil agu molor.

ÉFÉSUS 1:14

Nai Nggeluk hitu dé pa’arn mbaté dité dengkir agu tiban sambé, wiga ité ciri paéng de Mori Keraéng latang te naring mengit Diha.

1 KORINTUS 10:31

Landing hitu walé daku, apa kaut ata pandé de hau, hang ko inung, pandé taungs situ le hau kudut naring Mori Keraéng.

MATÉUS 5:16

Nenggitu kolé gerak de méu, néray olo mai ranga data, kudut itas lisé pandé di’a de méu agu bong ngasang Emam hitu éta Surga.”

1 PETRUS 4:14

Mosé di’a méu, émé méu lengga latam landing ngasang di Kristus, ai mengit de Nai Nggeluk manga oné méuy.

1 PETRUS 2:12

Di’a koé ba wekis oné bahi-réha wa’u situt toé pecing Mori Keraéngs, kudut émé pocu méus te méu ata pandé da’at, ngancéng ita kin lisé sanggéd pandé di’a de méu agu bong Mori Keraéngs du leso mai Diha.

1 PETRUS 2:5

Méu ondang wekis te papé laing ného watu mosé, te pandé ca mbaru nggeluk de Mori Keraéng. Ali hitu méu ciri ného imam ata gori latangt Mori Keraéng, agu létang hi Yésus Kristus podo takung ata henan oné nai de Mori Keraéng.

ÉFÉSUS 2:10

Ité ho’o ata dédék de Mori Keraéng ai nai ca anggit hi Kristus Yésus kudut pandé sanggéd gori di’a, ata bolon polig ambin le Mori Keraéng. Ngoéng Diha kudut ité selamak moséd.

ÉFÉSUS 1:12

Wiga ité ata laring cain kéta bengkes oné hi Kristus, naring Mori Keraéng landing mengit Diha.

2 KORINTUS 9:10

Hia ata ambi wini latang te isét weri agu roti latang te hang. Hia kolé ambi wini latang te méu kudut pandé bekas agu pandé todos wua di’a de méu.

YOHANÉS 15:16

Toé méu ata lir Aku, maik Aku ata lir méu. Aku poli wérét méu kudut méu ngo agu cir wua, agu wuas hitut temer kin, kudut apa situt tegi le méu oné Ema Daku le ngasang Daku, téings Liha oné méu.

YOHANÉS 15:2

Néténg rengka oné Aku situt toé wuas, rociks Liha, maik néténg rengka ata wuad, dawings Liha kudut tambang recut wuad.

ROMA 15:28

Landing hitu, émé polis laku pandéd agu téi sanggéd campé de sanggéd wa’u bana situ agu isé, aku te ngo oné Spanyol lut béndar de méu.

TITUS 3:14

Sanggéd weki serani dité oné nuca Keréta, paka laséng koét pandé gori ata di’ad, kudut ngancéng haéng sékék lété bari agu sékék latang te ata bana. Pandé nenggo’o, kudut manga betuan mosé disé.