MATÉUS 9:15 - Bahasa Manggarai New Testament

¹⁵ Mai walé de Mori Yésus agu isé: “Ngancéng weli haé reba dihat kopé harat wéong naid du rémé hiat kopé cama laing agu isén? Landing manga leson hiat kopé harat dadé oné mai isén, du hitu di po puasas.

MATÉUS 9:15 Referans Kwoze

WIDANG SI’ANG ONÉ HI YOHANÉS 19:9

Itu kali malékat hitu jera aku, “Tulis ga: Mosé di’a isét siro te hang cama oné ramé kawing de Anak Jimbal.” Mai kolé taén, “Ho’oy keréba ata molorn tu’ung, ai oné-mai weki Run Mori Keraéng.”

YOHANÉS 3:29

Ata ngaran wina molas hiat kopé harat; maik haé reba dihat kopé harat ata hesé ruis hia agu ata séngét hias nisang kéta naid dengé reweng dihat kopé harat hitu. Hituy nisang nai daku, agu te ho’on nisang naig hitu penongy.

WIDANG SI’ANG ONÉ HI YOHANÉS 21:2

Ita kolé laku béndar nggeluk, ngong Yérusalém weru, wa’u éta-mai Surgan, oné-mai Mori Keraéng. Béndar nggeluk hitu polig sélékn, cama ného naca ata géréng kopé harat.

TOMBO PÉTÉ GORI DE RASUL-RASUL 14:23

Oné néténg-néténg weki serani situ, rasul-rasul situ wérét muing ata tu’a laingn latang te weki situ agu du poli ngaji agu puasa, téis lisé ata tu’a situ nggere-oné Mori Keraéng ai oné Hia isé imbid.

1 KORINTUS 7:5

Méu néka manga ciga taus, bo émé toé béhéng tama poli bantang camas, kudut méu manga lingas te ngaji. Poli hitu poro méu mosé neki-ca kolém, kudut jing da’at néka damang méu. Ai méu toé ngancéng caka belek da’ats.

YOHANÉS 16:6

Maik le taé Laku sanggéd situ agu méu, itu tara wéong nais.

2 KORINTUS 11:27

Aku kamer do, agu gori mendo, dondé kéta aku toé tokok, aku darem agu masa waék, dondé kolé ta’ong darem, hena le ces agu toé manga wéngko wekig.

MATÉUS 9:14

Ného cepisan, mais ata nungku de Yohanés oné Mori Yésus agu mai taéd: “Co’o tara ami agu ata parisin kali te puasa, maik ata nungku Dité toé?”

MATÉUS 9:16

Toé manga cengatan ata, hitut tumpak caré ata toéd neket oné baju boték, ai émé nenggitu caré-caré hitu te pandé biret baju hitu, agu danga-danga mésén biretn.

MARKUS 2:19

Mai walé de Mori Yésus agu isé: “Ngancéng weli haé reba dihat kopé harat puasas, égém hiat kopé harat hitu cama laing agu isén, isé toé ngancéng puasas.

MARKUS 2:20

Maik manga leson tai, hiat kopé harat hitu emi oné mai isén, agu du hitu di isé te puasas.

LUKAS 5:34

Mai walé de Mori Yésus agu isé: “Ngancéng weli haé-reba dihat kopé harat jera puasas, rémé hiat kopé harat ngai manga cama agu iséy?

LUKAS 5:35

Maik te cai leson, du hiat kopé harat emi oné mai isén, du hitu, itu po puasas isé.”

LUKAS 17:22

Agu Hia curup agu ata nungkun: “Te cai leson méu nanang lélo can oné mai sanggéd leso de Anak Manusia hitu, agu méu toé ngancéng itan.