MATÉUS 8:20 - Bahasa Manggarai New Testament

²⁰ Taé de Mori Yésus agu Hia: “Serigala manga liangn agu kaka lélap manga cewon, maik Anak Manusia kali toé kéta manga osangn latang te bérit sa’in.”

MATÉUS 8:20 Referans Kwoze

LUKAS 2:7

agu hia lada cengata anak ata rona, anak ngason; itu kali wéngko le lapon, agu rening oné galang, ai toé manga osang oné mbaru te toko disé.

2 KORINTUS 8:9

Ai poli pecing le méu, widang de Mori dité Yésus Kristus, koném po boran Hia, landing le méu Hia ciri lénggén, kudut méu ciri boram ali lénggé Diha.

LUKAS 2:16

Itu kali isé gélang-gélang ngod, agu ita hi Maria agu hi Yosép, agu anak réak hitu, ata ngai halas kin oné galang.

LUKAS 2:12

Agu ho’o tandan te méu: Méu té ita cengata anak wara, wéngko le lapo, agu halas kin oné galang.”

LUKAS 8:3

hi Yohana wina di Khusa ata cau séng di Hérodés, hi Susana agu dod kolé inéwai bana. Sanggéd inéwai so’o, ata gori keturu te lawa situ le paéng rud.

MATÉUS 12:32

Émé manga cengata ata curup te lawang Anak Manusia, hia ngancéng ampongy, maik émé hia lawang Nai Nggeluky, hia toé kéta ampongy, oné lino ho’o toé, agu oné lino tai kolé toé.

MATÉUS 19:28

Mai taé de Mori Yésus agu isé: “Aku taé agu méu, moro matan, du leso dédékn kolé, du Anak Manusia lonto lobo seriga mésén, méu so’ot poli lut Akus, te lonto kolé lobo campulusua seriga latang te beté-bicar disét panga campulusua data Israél.

MATÉUS 17:9

Du kolé éta mai pocod, pedé le Mori Yésus agu isé: “Néka kéta tombo agu ata le méu, apa ho’ot ita de meu oné céing kaut émé toéd to’o kolé oné mai ata matan Anak Manusia.”

MATÉUS 16:27

Ai Anak Manusia te mai kolé agu néra de Eman agu londang le sanggéd malékat; du hitu Hia te wali néténg ata lorong agu pandén.

MATÉUS 16:13

Du cain Mori Yésus oné tana Kaisaréa, Pilipi, réi Liha agu ata nungkun: “Taé data, céing Anak Manusia hitu?”

MATÉUS 12:40

Ai ného hi Yunus ka’éng oné tuka de ikang telu wié telu leso, nenggitu kolé néng Anak Manusia, te ka’éng oné tuka de lino telu wié telu leso.

MATÉUS 12:8

Ai Anak Manusia Mori de leso Sabat.”

MATÉUS 13:37

Mai waléN: “Ata hiot wécak wini di’a, ngong Anak Manusia;

MARKUS 8:38

Ai céing kaut ata ritak landing Aku agu landing sanggéd curup Daku, oné bahi-réha uwa weru so’o ata toé junggu agu ndékok so’o, Anak Manusia kolé te ritaky landing ata situ émé Hia mai koléy tai déméng agu néra de Eman cama laing agu sanggéd malékat nggeluk.”

LUKAS 9:58

Mai taé de Mori Yésus ngong hia: “Serigala manga liangn, agu kaka lélap manga cewon, maik Anak Manusia, lagit manga osang te témba uluN.”

LUKAS 12:8

Aku taé ngong méu: Néténg ata situt tura Aku oné ranga de manusia, Anak Manusia kolé te tura hia oné ranga de sanggéd taung malékat de Mori Keraéng.

LUKAS 18:8

Aku taé agu méu: Hiat te gélang pandé molor kaut isé. Maik, émé maiy Anak Manusia hitu, di’am manga itan Liha ata imbi oné lino?”

LUKAS 21:36

Ambi koém, cang agu ngaji mtaung kudut méu delék mberes kudut cépé oné mai sanggéd situt kudut jaris, agu kudut méu ngancéng ta’ong hesé bolo mai ranga de Anak Manusia.”

YOHANÉS 1:51

Poli hitu taé le Mori Yésus oné hia: “Aku tombo agu hau, moro matan, ata tu’ungn hau te ita léngay awang, agu sanggéd malékat de Mori Keraéng nggere-wa nggere-étas mai cé’é Anak Manusia.”

YOHANÉS 3:13

Toé kéta cengatan ata poli ngo éta Surgan, hanang Hia hitut poli wa’u éta mai Surgan, ngong Anak Manusia.

YOHANÉS 3:14

Agu cama ného hi Musa te téti liha ular nggere-éta oné satar mambak, nenggitu kolé Anak Manusia paka téti nggere-étay,

YOHANÉS 6:27

Seber koém te gori, toé latang te hang bara hitut ngancéng pandé calang laing, maik latang te hang hitut ngancéng te mosé tédéng lén, hitut téing le Anak Manusia oné méu, ai Hia ata poli palasn le Mori Keraéng Ema.”

YOHANÉS 6:53

Mai taé de Mori Yésus: “Aku taé agu méu, ata tu’ungn kéta, émé méu toé hang weki de Anak Manusiam agu inung dara'N, méu toé manga mosé oné wekis.

YOHANÉS 6:62

Co’o émé ita le méu Anak Manusia ngo nggere-éta osang hitut baté ka’éngn?

YOHANÉS 12:34

Mai walé data do situ: “Ami poli dengé oné mai adak Taurat, te hi Mésias mosé tédéng lén. Co’o kéta molég néng taé de Hau te Anak Manusia paka téti nggere-étay? Céing néng Anak Manusia hitu?”

YOHANÉS 13:31

Du poli ngon hi Yudas, maig taé de Mori Yésus: “Ho’o ga Anak Manusia te bongy, agu Mori Keraéng te bong oné Hiay.

TOMBO PÉTÉ GORI DE RASUL-RASUL 7:56

Mai taén: “Tu’ung kéta, aku ita léngan awang agu Anak Manusia hesé oné racap wanang de Mori Keraéng.”