MATÉUS 7:25 - Bahasa Manggarai New Testament

²⁵ Poli hitu cai usang agu tuan mbang, cain kolé buru warat te héur mbaru hitu, maik mbaru hitu toé rencoy, ai hesé lobo watuy.

MATÉUS 7:25 Referans Kwoze

JAMES 1:12

Mosé di’a isét ta’ong oné damang. Ai émé hia meku kéta nain, hia te tiba lahén, ngong mosé hitut poli reké de Mori Keraéng oné sanggéd ata situt momang Hia.

1 PETRUS 1:7

Sanggéd taung situ betuad kudut kapang, tu’ung ko toé imbi de méu. Imbi de méu céwé belar oné-mai emas. Emas kaut paka kapang oné api, céwén kolé imbi de méu paka kapang kudut mberesn. Ali hitu, méu tiba naring, mengit agu hiang du leso mai kolé di Yésus Kristus tai.

KOLOSÉ 2:7

Poro méu kali waké caler oné Hiam agu téti éta mosé oné Hiam. Poro méu tambang mberes oné imbis, ného hitut poli toingn oné méu. Poro nai de méu peno ali wali di’a.

1 PETRUS 1:5

Ai méu imbi oné Mori Keraéng, itu tara tinus méu Liha le mberes kuasaN dengkir agu si’angn selamak hitu du leso cemol tai.

TOMBO PÉTÉ GORI DE RASUL-RASUL 14:22

Oné osang situ isé pandé mberes imbi de ata nungku situ agu toing isé kudut harat nai oné imbi agu taé kolé lisé kudut ngo oné Adak de Mori Keraéng, ité paka cukung susa.

ÉFÉSUS 3:17

Le imbis hitu, Mori Yésus ka’éng oné nai de méu agu mosé de méu ligéng le kuasa agu le momang.

1 YOHANÉS 2:19

Bo kali oné-mai weki ditéd isé situt lawang hi Kristus, maik danong toé wa-mai naid te nai ca-anggit agu ités. Émé tu’ung-tu’ung wa-mai naid te nai ca anggit agu ités, toét-toé kopé olés kid agu ité. Bécang disé situ oné-mai ité, kudut si’ang tu’ung te sanggéd isé toé nai ca anggit agu ité kolés ga.

MATÉUS 16:18

Aku taé agu hau: hau Pétrus, hau watu nampar, éta lobo hau Aku te hesed ro’éng Daku, toé ngancéng kodan le kuasa de mata.

MATÉUS 7:24

“Néténg-néténg atat dengé curup Daku so’o agu pandés, cama ného ata nggalas nai, hiot hesé mbarun lobo watu.

MATÉUS 7:26

Maik néténg-néténg atat dengé curup Daku so’o agu toé pandés, hia cama ného ata bapay, hiot hesé mbarun éta lobo laingy.

MATÉUS 7:27

Poli hitu cai usang agu mbang, cain kolé buru warat te héur mbaru hitu wiga rencon agu le kéta rewutn.”