MATÉUS 7:15 - Bahasa Manggarai New Testament

¹⁵ “Jerék-jerék agu sanggéd nabi tangké, ata mai cé’é méu, biluk ného jimbals, kali cetu’ungn isé situ serigala da’ats.

MATÉUS 7:15 Referans Kwoze

1 YOHANÉS 4:1

Asé-ka’é ata momang laku! Néka imbi oné sanggéd ata siot taéd manga paéng Nai Nggeluk. Maik olong kapa di, ot Nai Nggeluk disé situ mai oné-mai Mori Keraéngd ko toé. Ai nggele-nggaur kétas nabi tangké oné temu tana lino ho’o.

MATÉUS 24:11

Do tuad nabi tangké situt pandé wéléng taung ata.

KOLOSÉ 2:8

Jengkek di’a-di’am, boto manga ata pandé wa-nai de méu ali go'ét mésé data hitut pandé adong. Go'ét mésé situ toé lorong hi Kristus, maik lorong toing de manusiay agu déwa-du'ang de lino ho'oy.

WIDANG SI’ANG ONÉ HI YOHANÉS 19:20

Kaka hitu dekoy cama-cama agu nabi tangké situt poli pandé tanda lenget bolo-mai rangan. Tanda lenget situ poli pandé wéléng isét poli tiba tanda oné-mai kaka hitu, agu isét poli suju patungn. Kaka agu nabi tangken peké déméng moséd nggere-oné api agu mburé hitut dila haok kin.

YUDAS 1:4

Ai toé pété ceha kolé te manga ata hunus kaut ngo oné bahi-réha méu, ngong isé siot poli wérét danong te tiba wahéngs. Isé situ dé ata lopé-lapét, pandé toé belar widang de Mori Keraéng, kudut redok belek da’at disé, agu capu kéta lisé te cay kali Ata Pu’un kuasa, ngong hi Yésus Kristus Mori dité.

2 PÉTRUS 3:17

Méu asé-ka’én ata momang laku! Poli pecing le méu toing so’o bebolon. Landing hitu jerék koém, kudut méu néka wéléng nggere-oné salang data siot toé pecing adaks, agu pa’u oné-mai osang bate hesé cedeks.

LUKAS 6:26

Calang dé méu, émé sanggéd ata naring méu, ai ného nggitu kolé ruku de empo disé, pandéd lisé sanggéd nabi tangké.”

2 TIMOTIUS 3:13

Nakat ata da’at agu ata nggopét te tambang da’ats, isé te wéléngs agu pandé wéléngs lata.

2 TIMOTIUS 4:3

Ai te cai leson, ata toé ngancéng tiba toing di’a, maik isé te impung taungs sanggéd guru lorong ngoéngd latang te pandé nisang dengé de tilud.

PILIPI 3:2

Jerék koém agu ata situt pandé da’at kanang gorid, ai isé situ patun te caro acus. Isé sutut kétas, te paka sunat taung sanggéd ata.

ÉFÉSUS 4:14

Ité toé ciri ného anak koé kolét, hitut lingu-langu le bombang toing disét joak, ai toing disé situt penong joak pandé wéléng ata.

GALATIA 2:4

Bo tu’ung manga denet oné-mai asé-ka’é tangké situt rodo ci-cop ngo oné weki serani. Get disé émé bonés kudut pandé caka lélo ngoéng di’a dité ata paéng oné nai ca anggit agu hi Kristus Yésus. Ali hitu isé ngancéng pandé mendi ités.

LUKAS 12:15

Mai taén kole ngong isé: “Jengkek-jengkek koé agu sésénga’i koé agu sanggéd ngomper, ai koném po ca ata bora héla-haén, mosén toé landing kaut le boran situ.”

WIDANG SI’ANG ONÉ HI YOHANÉS 16:13

Ita kolé laku telud jing da’at ata ba tara de ngerék, losa oné-mai mu’u de manunggé, mu’u de kaka agu mu’u de nabi tangké.

ÉFÉSUS 5:6

Méu néka wéléng landing le curup data siot toé manga betuan, ai curup disé situ pandé siro rabo de Mori Keraéng.

TOMBO PÉTÉ GORI DE RASUL-RASUL 13:40

Landing hitu nuk di’a-di’a, boto hena oné méu apa ata poli tulis oné surak de nabi-nabi:

YOHANÉS 10:12

maik ata pala hitut toé ata lami laing, agu toé ata ngarad jimbal situ, émé ita main serigala, pencangs jimbal situ, itu kali losin, wiga serigala hitu cekel agu pandé mbihi-mbehars jimbal situ.

MATÉUS 16:11

Co’o kaut méu tara toé pecingn, te toé roti betuan Daku. Jangka koé latang te ragi data Parisi agu Saduki.”

MATÉUS 16:6

Mai taé de Mori Yésus agu isé: “Néka témo, agu jangka koé latang te ragi data Parisi agu Saduki.”

MATÉUS 10:17

Landing jaga di’a-di’a agu ata, ai manga ata te téing méu oné isét Adak Agama, agu isé te luca méu oné mbaru ngaji.

WIDANG SI’ANG ONÉ HI YOHANÉS 17:6

Ita laku iné-wai hitu, langu le dara de weki serani agu dara datat mata landing le téing sakasi latangt Mori Yésus. Du itan laku iné-wai hitu, lenget kétak aku.

TOMBO PÉTÉ GORI DE RASUL-RASUL 13:6

Isé lako léok nuca hitus dengkir cai oné Pafos. Nitu isé cumang agu hi Baryésus. Hia cengata ata mbeko agu nabi tangké.

MATÉUS 7:14

ai kéotn para agu salang nggeroné mosé agu cekoé kali atan te haéngn salang hitu.”

WIDANG SI’ANG ONÉ HI YOHANÉS 20:10

Jing da’at hitut pandé wéléng isé, péncar nggere-oné api agu mburé hitut dila haok. Oné osang hituy dé poli okéd kaka agu nabi tangké hitu. Nitus isé tiba wahéng wié-lesod tédéng lén.